ओंडक्यांची वस्ती

Submitted by harish_dangat on 21 November, 2010 - 21:43

वाटेत भेटली | ओंडक्यांची वस्ती |
कुर्‍हाडींची गस्ती | भोवताली ||

कोण म्हणे आम्हा | जीवा नसे घोर |
कोणताही चोर | येणे नाही ||

कुर्‍हाडींच्या कधी | लवलवे जीभा |
एखाद्यास उभा | खाती भावे ||

ओंडक्या पुसले | सांगा मज कथा |
तुमची ही व्यथा | कशी झाली ||

एक सांगे मज | नशीबाचा भोग |
दुफळीचा रोग | आम्हालागी ||

बहु झाली येथे | आमची कुभांडे |
आमचेच दांडे | कुर्‍हाडीला ||

-हरीश दांगट

गुलमोहर: 
कविता
शेअर करा

मस्त

Submitted by प्रकाश काळेल on 22 November, 2010 - 11:34