Submitted by विजयकुमार on 28 April, 2010 - 06:51
माझी मुकी बहीण
गाते मजसाठी अंगाई
मी चाले नीजवाटे
शब्द तीजमुखी राही |
बांधे माझी करंगळी
मज उष्णतेचा त्रास
भरवे मध्यानरात्री
दूधभाताचा घास |
वाहुनी माझे ओझे
शिरे एकटीच बोळी
घेऊनी मज कुशीत
फुंकर घाली कपाळी |
तिची मूक आठवण
कधी जाते स्पर्शून
न बोलल्या भावानी
थरारे मूक मन |
तिच्या इशार्याची भाषा
मज अवगत सहज
सार्या गावास ठाउक
बहीण भावाचे हितगुज |
अंतराने अंतर वाढले
शब्द जाहले मौन
वाटे डोळे लावूनी
प्रतीक्षा करते बहीण |
विजयकुमार.................
२२ / 11 / 2008
गुलमोहर:
शेअर करा
फारच छान लिहीलीय...!!! वाहुनी
फारच छान लिहीलीय...!!!
वाहुनी माझे ओझे
शिरे एकटीच बोळी
घेऊनी मज कुशीत
फुंकर घाली कपाळी |---- काय सहज आल्यायत या ओळी...