फणसाची भाजी

मस्त कृती. यात आमच्याकडे बदल म्हणजे चवळीऐवजी शेंगदाणे. ओला नारळ, कोथिंबीर हवीच. आणि थोडी कोरडी करायची. बाकी कृती सायोच्या कृतीप्रमाणेच. आलं, लसूण वगैरे 'मटण वाटण' नाही

कोणी चिरून दिला, तरच केली जाते मात्र

बीने विचारलं म्हणून परतून करायच्या भाजीची कृती सविस्तर लिहीत आहे :

कॅन्ड फणस वर लिहिल्याप्रमाणे कुकरमधे उकडून घ्यायचा. कॅन्ड फोडी मोठ्या असतात म्हणून थोड्या बारीक करून घ्यायच्या. आर्चने सांगितल्याप्रमाणे त्या थोड्या चेचायच्या म्हणजे आठळ्या सुट्या होतात. नेहमीप्रमाणे तेलात मोहरी, हिंग, हळद (आवडत असल्यास जिरं) घालून फोडणी करायची. त्यात उडदाची डाळ आणि सुकी लाल मिरची घालायची. डाळ तांबूस झाली की फणसाच्या फोडी घालून परतायचं. चवीप्रमाणे मीठ आणि (आधी मिरची घालूनसुद्धा शिवाय लागलं तर) लाल तिखट घालायचं. खोबरं आणि कोथिंबीर घालायची. चांगली परतून झाकण ठेवून एखादी वाफ आणायची. फणस शिजलेलाच असल्यामुळे जास्त वेळ लागत नाही. मिळून आली की झाली भाजी.

वा छानच! आता इथे फणस दिसला की ही भाजी करुन पाहीन. त्वरित प्रतिसादाबद्दल धन्यवाद :)))

फणस चिरण खरच जिकरीच काम.. पण त्यात माझ्या आईची आयडीया.. फणसाच्या विळीला तेल लाउन मोठ्या मोठ्या फोडी कापायच्या.. त्या फोडी कुकरला लावायच्या आणि मग शिजलेल्या फणसाच्या मोठ्या फोडींची साल काढणे आणि मग त्याचे छोटे तुकडे करण खूपच सोप जात..
सासरी हि पद्धत चालत नाही.. कारण तशी साल काढताना थोडा फणस पण वाया जातो न

सासरी हरभरे, पावटे किंवा शेंगदाणे घालुन फणसाची भाजी करतात.. कृती सायो सारखीच..
मला मात्र काही न टाकताच आवडते. भरपूर तेल, लाल मिरच्यांची फोडणी आणि खोबर मस्ट.

पण तो इथला फणस काहीतरी निरळाच दिसतो ह.. त्याला काटे नसतात.. का काढुन टाकलेले असतात?

त्याला नीरफणस (भारतात विलायती फणस म्हणून मिळतो कधीकधी) म्हणतात माझ्या माहितीनुसार. त्यात चिरायच्या खटपटीच्या मानाने विशेष काही निघत नाही असं ऐकून आहे.

(मग तो कोण विकत घेतं आणि त्याचं काय करतात हे मला माहीत नाही.)

इथे फोटो सापडला.

यालाच ब्रेडफ्रुट पण म्हणतात आणि त्याचे काप वगैरे पण करतात.

या फणसाची भाजी मी हल्लीच लिहिली होती. फणसाची कुयरी ( म्हणजे छोटा फणस ) छोटेखानीच बघून आणावी. तीन ते चार इंच व्यास आणि आठ ते दहा इंच लांबी. हा अख्खा फणस न कापता कूकरमधे ठेवायचा व प्रेशर आले कि दहा ते पंधरा मिनिटे शिजवायचा. नंतर थंड झाल्यावर कापायचा. अजिबात त्रास होत नाही कापायचा.

इथे दुरियन आणि फणस दोन्ही मिळतात आणि दोन्ही सारखे दिसतात म्हणून माझा नेहमी गोंधळ होतो की हा फणस की दुरियन. इथे झाडेही किती दिसतात फणसाची!!!!!!! घरापाठीच आहे एक झाड आणि वर स्वातीनी जसे दाखवले आहे चित्रात तशीच फळेही आलेली आहेत.

दुरियनचे काटे टोकदार असतात तसेच ते फळ आकाराने मोठे असते. विलायती फणसाचे काटे बोथट असतात आणि ते फळ आकाराने छोटे असते. दुरियनची पाने छोटी असतात, आणि विलायती फणसाची फुटभर लांबरुंद असतात ( त्यांचा असा एक खास आकार असतो ) माझ्या माहितीप्रमाणे कुठल्याही सार्वजनिक वाहनातून दूरियन नेता येत नाही, तसे काही विलायती फणसाबाबत नाही.

बरोबर दिनेशदा. आता फरक कळायला लागला दुरीयन आणि फणसामधला. धन्यवाद.