जुन्या गाडीची देखभाल कशी करावी?

माझ्या भावाने २००४ सप्टेंबरमध्ये अल्टो LXI घेतली. २००८ जानेवारीत त्याने ती मला विकली. गाडी माझ्या ताब्यात आली तेव्हा तिने २०,००० किमी केले होते. आज तिचे रिडींग ८१,००० किमी आहे

मी गाडी भरपुर पिदडली असली तरी तिची नियमीत काळजीही घेते. सर्विसिंगसाठीचा फोन आल्यावर सर्विसिंग करुन घेते. पहिले काही दिवस मारुती सर्विस सेंटरमध्ये सर्विसिंग केली. पण तिथले भाव उच्च आणि सर्विसिंग मात्र तेवढ्या उच्च दर्जाची नाही असे लक्षात आल्यावर एका ओळखीच्या गॅरेजवाल्याकडे सर्विसिंगला द्यायला सुरवात केली. त्याचा अजुनतरी काही वाईट अनुभव नाही. जुलै २००६ च्या प्रलयात मुंबैतल्या लाखो गाड्यांप्रमाणे ही गाडीही टपावरुन पाणी जातेय या अवस्थेत दोन दिवस होती. त्यावेळी आतले खुप भाग बदलावे लागले.

गाडीला मध्यंतरी चालु न होण्याचा रोग लागलेला. बराच काळ प्रॉब्लेम काय आहे तेच समजत नव्हते. मग कळले की इंजीनच्या आसपास असलेली एक वायर लुज होत होती, ती सुटली की गाडी चालु होत नसे. वायर घट्ट करुन घेतली तरी परत परत लुज होत असे. सहा महिन्यापुर्वी हा प्रॉब्लेम आलेला. तेव्हा मेकॅनिकने वायर परत घट्ट करुन दिलीय, त्यानंतर अजुन काही त्रास नाही. हा सोडता इतर काहीही त्रास मला झाला नाहीये. गाडीने ब-याच वेळा लांबचा प्रवास विनातक्रार केलेला आहे.

माझ्या घरचे आता मागे लागलेत की 'गाडी म्हातारी झालीय, आता ही विक आणि नविन घे.' मला हा सल्ला आर्थिकदृष्ट्या लगेच सोप्पा वाटला नाही तरी तसा कठीणही नाहीये. पण एवढी व्यवस्थित चालणारी गाडी केवळ आता तिला ६ वर्षे झालीत, नंतर विकायला गेले तर किंमत मिळ्णार नाही, ८१,००० किमी खुप झालेत व. व. कारणांमुळे विकाविशी वाटत नाही.

तर मला मार्गदर्शन हवेय की

१. गाडीचे वय झालेय हे कसे ठरवावे?
२. मी बहुतेक २००९ मध्ये एकदा टायर बदललेत. त्याआधी बदललेले का ते माहित नाही. साधारण किती काळाने टायर बदलावे? मी आता मिशेलिनचे ट्युबलेस टायर लावलेत.
३. ४०,०००किमी झाल्यानंतरची सर्विसिंग मारुती सर्विस सेंटरमध्ये केलेली. त्यांनी तेवढे किमी झाल्यावर जे काही आवश्यक असते ते केलेले (मला बिल भरमसाठ दिलेले ). आता गाडी त्यांच्याकडे द्यायची नाहीये, माझ्या गॅरेजवाल्याकडुनच करुन घेईन. तर ८०,००० किमी झाल्यावर काय काय बदलावे?चेक करावे? सर्विसिंगमध्ये काय काय करावयास सांगावे?
४. बॅटरीही दिड वर्षांपुर्वी बदलुन झालीय. ती साधारण किती काळ चालते? तिचे सर्विसिंग कसे करावे?
५. बाहेरची बॉडी व्यवस्थित राहावी यासाठी काय करावे? बाजारात अनेक ऑप्शन्स आहेत त्यातला चांगला कुठला?? वॅक्स कोटींग करुन मिळते ते काही फायद्याचे नाही असे माझे मत झालेय.