:प्रितीसंगम : कराड तालुका अखंड ऑनलाइन साहित्य संमेलन.

सुरूवात म्हणून माझीच एक गझल देतो आहे.

तुकारामा उगा तू काढली पाण्यातुनी गाथा

तुकारामा उगा तू काढली पाण्यातुनी गाथा
सुखी जातीत होते ते, सुखी जातीत ते आता

तुझ्या जोडीस घे तिजला अता घनघाव घालूदे
जिच्या नाजूक हाताने जगाचा चालला भाता

बलात्कारी, खुनी की दंगली घडवून बनलेला
पुजेला कोणता नेता हवा रे पंढरीनाथा?

कधी ना वाटले मुकलो भुईला जन्म देणार्‍या
जिथे मी टेकला माथा तिथे ती भेटली माता

परीक्षा घेउनी तर भेटीला येतोस की देवा
करावी सावकारी तू म्हणावे मी तुला दाता?

- ह. बा. शिंदे

छान वात्र टीका आहे.
सर्वांसाठी : क्रुपया आपले नाव व गाव नोंदवावे.

अहो या सगळ्यासाठी इथे गुलमोहर आणि कराड बीबी आहे....
हे उगा वेगळे संस्थान कशाला काढताय?

मला ते कराड बीबी सापडले नाही म्हणून हे सुरू केले. आपण त्याचाच वापर करावा. मी आपल्या भावना समजू शकतो. पण हे संस्थान नाही. संस्थानिकांना काळजी नसावी. कराडमधील कवी/साहित्यीक मित्र भेटतील या उद्देशाने एक प्रयत्न केला आहे. बाकी संस्थान वगैरे शब्द वापरून आपण त्रास करून घेउ नये ही विनंती. आपण कराडचे असलातच तर नाव गाव नोंदवा प्रतिसादात.