बॉलीवूड (काहीच्या काही कविता)

Posted
13 वर्ष ago
शेवटचा प्रतिसाद
13 वर्ष ago

सागरातुनी काढू घागर... काय बिघडते
गॉसिप करुया बॉलिवुडावर काय बिघडते

खुशाल काढा पिक्चर; त्याला कथा असूदे
कथे-बिथेचा कशास अडसर? ... काय बी घडते

गरज कथेची होती ... म्हणुनी अशी नाचले
बिकीनीमधे माझा वावर ... काय बिघडते?

शिकार केली काळविटाची दोष न त्याचा?
जनावर करे ठार जनावर ... काय बिघडते?

पोटा, टाडा लावा अथवा अजून काही
सुटून येऊ जामीनावर.... काय बिघडते?

पैसे फेका पडद्यावरती ... तीच पावती
हवे कशाला ऑस्कर बिस्कर ... काय बिघडते

खेटर मारू तरीही पुन्हा थेटर गाठू
अजब असे हे फिल्मी चक्कर ... काय बिघडते?

मस्त रे!
खेटर मारू तरीही पुन्हा थेटर गाठू
अजब असे हे फिल्मी चक्कर ... काय बिघडते? >> ये ब्बात! Proud

Happy