***...कुजबुज...*** (वा वा. एकदा तरी वाचाच!!!!!!!)
कुजबुज
३१ मार्च २०१०
नमस्कार वाचकहो,
मा. अॅडमिन साहेबांनी "उद्योजक व्हा!" चा नारा दिल्यामुळे पुन्हा एकदा कुजबुज प्रकाशीत करण्याचा उद्योग आम्ही चालू करीत आहोत. उत्पादन पुन्हा चालू करण्या आधी "पण विकत कोण घेणार?" असा प्रश्न आम्हालाही पडला आणि यावर सोप्पा उपाय म्हणून ही कुजबुज आम्ही विक्रीला नं ठेवता मोफत वाटत आहोत.
वैधानिक इशारा : ही कुजबुज आम्ही कळकट तोंडाने, फुटलेल्या घामाने आणि खाजर्या हाताने लिहीली आहे तेव्हा प्रत्येकाने ती आपल्या जबाबदारीवार वाचावी. यातून विषबाधा झाल्यास कुजबुज प्रकाशक जबाबदार राहणार नाही.
(तरीपण 'मराठी उद्योजकांना प्रोत्साहन' म्हणून अॅडमीन हा अंक डिलीट करणार नाही ही अपेक्षा आहेच!)
**************************************************
उद्योग वारता -
उद्योजक होण्याच्या चढाओढीत आता गुलमोहराखाली जमणार्या कवी आणि लेखकांनी पण भाग घेतला आहे. गुलमोहराच्या पाराखाली आता कोऑपरेटीव मंडई सुरू झाली असून येथे जगाच्या कानाकोपर्यातून तर्हेतर्हेचा माल विक्रीस ठेवलेला असतो. आपापल्या साहित्याचा खप वाढावा म्हणून लोक अनेक वेगवेगळ्या क्लुप्त्या लढवीतांना दिसतात.
कवितांचा खप सध्या कमी असल्या कारणाने काही कविक्रेते आपल्या कवितांची नावे ललित लेखांची शिर्षके वाटतील अशी ठेवत आहेत जेणेकरून गद्य लिखाण आहे असे समजून तरी वाचक वाचायला येतील. "कशी अंकुरावीत आता बियाणे?, लाडका बैल, लागली प्रचंड भूक, पण मी प्रोफेशनल आहे " ही काही वांगी दाखल उदाहरणे. तर मोठमोठ्या कविता वाचायला लोक कंटाळा करतात म्हणून कुणी "लहान कविता" नावाची कवितेची लहान पुडकी विक्रीस ठेवली आहेत.
साहित्याचे शिर्षक देण्यात अनेक जण कल्पकता दाखवत आहेत. काही दुसर्यांनाच शिर्षक सुचवा म्हणून टिआरपी वाढवायच्या प्रयत्नात आहेत तर काही शिर्षकाच्या मागेपुढे वेगवेगळी चिन्हे देऊन सजावट करत आहेत जेणे करून आपले उत्पादन मंडई मधे सर्वाधिक उठून दिसेल. (समजले नसल्यास कुजबुज अंकावरील सजावट पहा.)
काही कढीविक्रेते शिळ्या कढीत पुन्हा पुन्हा पाणी मिसळून रिक्षातून फिरत ग्राहकांना घरपोच फ्री सॅंपल्स वाटत आहेत.
मंडईच्या मधोमध एका नविन उद्योजकांनी फास्ट फूड स्टॉल लावला आहे. येथील उत्पादनाचा वेग इतका फास्ट आहे की तो फक्त पाहूनच लोकांची बोटे तोंडात जाऊ लागली आहेत.
मंडईत दिसलेल्या काही छोट्या जाहिराती :
ऑरगॅनीक गझला मिळतील : आमच्या घरच्या शेतीवर केवळ नैसर्गिक खते वापरून उगवलेल्या हातसडीच्या कविता आणि गझल हव्या तितक्या प्रमाणात हव्या तेव्हा मिळतील. "चिल्लर कवितांचे ठोक विक्रेते" - आजच संपर्क साधा - श्री. गंगाधर मुटे.
**************************************************
M(irchi) Tv
सकाळी ७ वा. शुभारंभ कार्यक्रम : "सुप्रभाऽऽऽऽत मायबोली" : निरामय जिवनासाठी करायच्या व्यायमांची माहिती देतील श्री. श्री. श्री. बीबुवा सिंगापुरकर. यात ते आधी 'विपरीत करणी' करून दाखवतील जेव्हा त्यांच्या आजुबाजुचे मायबोलीकर "कपाल बडवती" हा व्यायाम प्रकार (आपोआप) करून दाखवतील.
सकाळी ८ वा. कार्यक्रम : "हॅलो सखी" आजचा विषय : "फिरतीवर असणार्या लोकांनी बाहेर काय खावे?"
माननिय पाहुण्या निधप याबाबत आपले अनुभव सांगतील आणि देश-विदेशातील सख्या फोन करकरून फुकट सल्ले देतील.
सकाळी १० वा. : MPL-2010 : मायबोली प्रिमियर लीग २०१०- थेट प्रक्षेपण, आजचे सामने आहेत
"संयुक्ता सोल्जर्स" वि. "दा एलेव्हन"
"प्रतिसाद बेगर्स" वि. "होपफूल विपुहॉपर्स"
"पुणे गडकर्स" वि. "पुपु वाडकर्स"
"पार्ले लुगडं ब्रिगेड" वि. "बारा बोअरकर्स"
दुपारी २ वा कार्यक्रम : "आपण यांना ओळखले का?" - मायबोलीवरील संशयास्पद आयड्यांचे तोंड, नाक, कान ई अवयव ईतर ओरिजिनल आयड्यांशी जुळवून बघण्याचा टाईमपास गेम शो.
दुपारी ३ वा. : "जागतिक मायबोली साहित्य सम्मेलन कार्यक्रम"
पुस्तक प्रदर्शनाचा आढावा. सहभागी मायबोलीकरांच्या पुस्तकांची नावे आहेत -
वादमग्न पुरुषाची लक्षणे, प्रयोग परत नं आला, पांचट, कहाणी अमेरिकेच्या आजीबाईंची, छा.वा. (उर्फ छान...वा!), चिपर बाय द डझन, पिंगा वेळअवेळ, तु गेलास आहेसी वाया.
(वरिल पुस्तकांचे लेखक कोण हे ओळखून काढणार्यास यातीलच एक पुस्तक मिळेल पुर्णपणे मोफत!!)
संध्याकाळी ६ वा : जागतिक मायबोली साहित्य सम्मेलना निमित्त सदाबहार लावणीचा लोककला कार्यक्रम. ** पहिली लावणी सादर करतील आर्चबाई टेनेसीकर आणि अनिलभाई एनजेकर. लावणीचे बोल आहेत
आर्च : नेहमीच भाई तुमची घाई, नका लावू पत्ता मला सांगायला
भाई : येऊ कसा कसा मी जेवायला गं, येऊ कसा कसा मी जेवायला?
जेवायला या हो उद्या सकाळी
केशर घालून पुरणाची पोळी
पानं मी घेते वाढायला हो....
पण येऊ कसा कसा मी जेवायला गं, येऊ कसा कसा मी जेवायला?
गाव हाय तुमचं बारा कोसं
वागनं तुमचं असं हो कसं
बोलावने अगत्याने करायचं खासं
दिली पाने तोंडाला पुसायला का गं?
येऊ कसा कसा मी जेवायला!
**या नंतर सादर होईल रिक्षेवाल्याची लावणी :
मी सोडून सारी लाज
असा बेभान फिरलो आज
की टायर फुटले रे
की टायर फुटले रे
शिरले वारे आज अंगात
खरडून मोठी एक जाहिरात
असा बेभान फिरलो आज
की टायर फुटले रे
की टायर फुटले रे...
** तिसरी शृंगारिक लावणी एका वाग्दत्त वराला त्याची होणारी बायको म्हणते आहे
प्रेमानं मी घास भरवते
भात की हो रांधला साधा
भायेरचं काही खाऊ नका राया
होईल की हो विषबाधा.
गणप्याची ती कळकट्ट टपरी
झुरळं फिरतात किटलीवरी
चहा मी टाकते ताज्या दुधाचा
तुमी कान्हा मी तुमची राधा
द्राक्षासव मी केलंय घरीच
द्राक्ष चुरडली हातानं बरीच
ज्वानीचा जहर त्यात मुरला
त्यानं उतरंल हितगुजची बाधा
रात्री ८ वा. : किलबिल - बडबड गीतांचा कार्यक्रम: सादर करतील हवा_हवाई
(हे केवळ बडबड गीत नसून आपल्या हितगुजवरील आयुष्याचे सार आहे असे त्या म्हणतात.)
लहान माझी भावली
वाचन करून कावली
काळा किबोर्ड बडविते
सरसर माऊस फिरवीते
लेख लिहिला फिक्का झाला
कविता केली कच्ची झाली
एकाला व्याकरण शिकवायला गेली
आपणच चुकली त्यात
दुसर्याचे पाय ओढायला गेली
धुप्पकन पडली स्वतःच!
***मायबोली साहित्य सम्मेलन कार्यक्रम समाप्त***
**************************************************
कुजबुज पोल आणि सर्वे.
हितगुजवर काही जाचक प्रथा रुढ (होत) आहेत. आपण या पैकी कुठली प्रथा पाळता. कृपया योग्य त्या पर्यायावर खूण करून आम्हाला पाठवा.
१. शहाणपणाचे मंगळसुत्र घालून सगळीकडे फिरत दुसर्यांना मुर्ख ठरवायचे
२. दुसर्याला टोचतील अशी जोडवी पायात घालून लाथा हाणत सुटायचे
३. आपणच लिहीलेले पोस्ट एडिट करून तिथे फक्त स्मितहास्याची पिवळी गोल टिकली लावायची
***************************************************
दुरुस्तीची चूक :
"उद्योग वारता" हे शिर्षक "उद्योग वार्ता" असे वाचावे. नजरचुकीने हा अभद्र पणा झाल्याबद्दल आम्ही दिलगीर आहोत.
"ही काही वांगी दाखल उदाहरणे" या वाक्यात "वांगी" ऐवजी "वानगी" असे वाचावे. मंडईची बातमी देण्याच्या ओघात ही चुक घडली त्याबद्दल क्षमस्व.
****************************************************
(No subject)
मस्तच.
मस्तच.
खतरनाक!!! 'विपरीत करणी'
खतरनाक!!!
'विपरीत करणी' अन"कपाल बडवती" >>> अशक्य!!
लावण्यापण बहारदार!!!
(No subject)
वरील पोस्ट एडीट केलेले नाही.
वरील पोस्ट एडीट केलेले नाही.
अस्चिग
अस्चिग
अफलातुन .अशक्य
अफलातुन .अशक्य
(No subject)
(No subject)
'संयुक्ता सोल्जर्स' वाचून
'संयुक्ता सोल्जर्स' वाचून माझ्या डोळ्यासमोर एकदम हातात ब्याटी घेतलेली बायकांची पलटण आली.
मला वसंतसेना आठवली.
मला वसंतसेना आठवली.
>>>वसंतसेना पुस्तकांचे लेखक
>>>वसंतसेना
पुस्तकांचे लेखक अद्याप कोणीच का ओळखले नाही? घाबल्ले की काय?
संयुक्ता सोल्जर्स .
संयुक्ता सोल्जर्स . मायबोलीवर गेले काही दिवस कधीही आलं की जाचक रुढींचे ते दोन बीबी आणि विषबाधा बीबी वाचून इतका कंटाळा येत होता हे खरच रिफ्रेशिंग आहे. कवितांची शिर्षके आणि लावणी तर मस्तच.
पुस्तकांची नावं, क्रिकेट लीग
पुस्तकांची नावं, क्रिकेट लीग अन लावण्या लै भारी
सौन्स्कृतिक कार्यक्रम नेहेमी सारखे झणझणीत नाही वाटले ....
विपरीत करणी आणि कपाल बडवती
विपरीत करणी आणि कपाल बडवती >>
लावण्या, रिक्षा, प्रीमियर लीग.. टायर सगळं भन्नाट झालंय...
जबरी
जबरी
है शाब्बास हवे!
है शाब्बास हवे!
भयंकर केवळ भयंकर !! तुफान
भयंकर केवळ भयंकर !! तुफान हसलो. लिम्ब्याने प्रतिसाद देताना टिपिकल पुणेरी कद्रूपणा दाखवलाय...
मी पण आणली लोकल रिक्षा
मी पण आणली लोकल रिक्षा
http://maayboli.com/node/13468?page=4
इथे जाऊन रुनी पॉटरची पोस्ट वाचा. तिच्या ओळखीच्या एका आजोबांनी माबोकरांना एक आवर्जून निरोप दिलाय आणि तिने तो कळकळीने आपल्यापर्यंत पोहोचवलाय. तिची किंवा माझी प्रतिसादांची अपेक्षा नाही (हो नं रुनी?).
>>> लिम्ब्याने प्रतिसाद
>>> लिम्ब्याने प्रतिसाद देताना टिपिकल पुणेरी कद्रूपणा दाखवलाय... <<<<
गप्पे अपुणेरी ओरिजिनल टोणग्या, प्रतिसाद तर दिला ना मी?
पुणेरी कद्रुपणाच दुस्र नाव हे "अनुल्लेख", तस तर नाही ना केल मी?
बडबड गीत , लावण्या एक्दम
बडबड गीत , लावण्या एक्दम मस्त. मजा आली
*****************************
********************************************* जा. ह. चा. जा. नि. *********************************************
या लेखाचा(?) मी जाहिर निषेध करतो.
मायबोलीवरील तमाम लेखकांचा हा मोठा अपमान आहे.
ही म्हणजे जाहिर हटाई आहे.
कल्पकता दाखवल्याबद्दल असे हसे होणार असेल तर आम्ही आमची कल्पकता दाखवणारच्च नाही जा...
आणि परत काही असलं(भल्तं-सल्तं) लिहीलं यांनी तर तुम्ही लगेच डीलीट करा हो अॅडमिन...
****************************************************************************************************************
असं जर कोणी म्हणालं ना तुम्हाला, तर मला सांगा. मी बघुन घेईन...
<<हितगुजवर काही जाचक प्रथा रुढ (होत) आहेत. आपण या पैकी कुठली प्रथा पाळता. कृपया योग्य त्या पर्यायावर खूण करून आम्हाला पाठवा.>>
तुम्ही लिहीलेले पर्याय अपुरे आहेत. आम्हाला इतरही प्रथा माहित आहेत. पण त्या जाहिर करणार नाही.
इथे आता तुम्ही कल्पकता दाखवा
<<रिक्षा>>
हा आयटम लय आवडला.
HHPW- हसता-हसता पुरेवाट.
HHPW- हसता-हसता पुरेवाट.
//////////////////////////////////////////////
बरं झालं देवा बाप्पा, एका मित्रानं लिंक देल्ली.
नाय तं एवढा ऐतिहासिक दस्तावैज वाचाचा राहूनच गेला अस्ता.
////////////////////////////////////////////
भाजी छान झाली.
पण वांगी कमी आणी (भेद्रं) टमाटरचा वापर जास्त झाला.
///////////////////////////////////////////
मस्त मस्त मस्त
मस्त मस्त मस्त
हवे........बर्याच दिवसांनी दर्शन दिलंस........धम्माल .मज्जा आली
चाबुक, टांगा पलटी, घोडे पसार,
चाबुक, टांगा पलटी, घोडे पसार, वरचा "नी" दिल्याशिवाय गत्यंतर नाही.
ज ब री.....
ज ब री.....
मस्त ग HH!! पुन्हा एकदा
मस्त ग HH!! पुन्हा एकदा KB!!!! भन्नाट झाले आहे. HHPV.
कपाल बडवती.. उई मा!! फार
कपाल बडवती.. उई मा!! फार हसले.
एक नंबर..... दे धमाल....
एक नंबर..... दे धमाल....
नेहमीप्रमाणे .... जबरी !
नेहमीप्रमाणे .... जबरी !
Pages