श्रीमती कविता गाडगीळ यांनी भारतीयांना उद्देशून लिहिलेलं पत्र

■ ताबडतोब युद्ध करा हे इथे कोणीही म्हणत नाहीये
■ युद्ध कराच असेही कोणी म्हणत नाहीये
■ युद्धाने सर्वांचेच नुकसान होते हे चार वेळा लिहून झाले आहे
■ युद्धाने नुकसान होते हे मोदी, शहा, राजनाथ, डोवाल यांना कळत नसेल का हेही लिहून झाले आहे

तरीही अजून असे चित्र उभे करण्यात येत आहे की कविता गाडगीळ यांनी काहीतरी प्रचंड नवीन मानवतावादी मुद्दा मांडला असून तो पूर्णतः अमान्य करण्यात येत आहे व युद्धच व्हावे असे प्रतिसाद काहीजण जणू काही देत आहेत.

येथील एका सदस्यांच्या नात्यातील एक जण ठार झाले आहेत . त्यावर एखादे वाक्य लिहून लोक पुढे जात आहेत. त्यातच चित्र असे उभे करण्यात येत आहे की प्राची यांच्या भावना मुद्दाम व क्रूरपणे दुखावण्यात येत आहेत. वास्तविक हा विषय राष्ट्रीय सुरक्षेचा आहे आणि ही चर्चा किंवा कविता गाडगीळ यांच्या मतांच्या विरोधात मांडलेली मते येथील कोणाला दुखावणारी ठरू शकतील हे माहीत सुद्धा नसलेल्या सदस्यांना खलनायक ठरवण्यासाठी प्रयत्न होत आहेत.

अफाट आहे हे सगळे!

>>सरकारने ठरवलेल्या धोरणाचा विरोध करणे त्यासाठी जनमत जागृत करणे हा इतर कुठल्याही नागरिकाप्रमाणे त्यांचा हक्क आहे. त्याला 'हिडन अजेंडा' म्हणण्याची अपेक्षा तुमच्या कडून नव्हती राज. <<
लेट्मी डेल्व डीपर..

मी वर लिहिल्या प्रमाणे "गुड सोल्जर्स डोंट आस्क क्वेश्चन्स", हि शिस्त काहि प्रमाणात सैनिकि कुटुंबातहि आवर्जुन पाळली जाते. आणि हे मी माझ्या स्वतःच्या अनुभवातुन लिहित आहे. सैनिकि कुटुंबांतलं कल्चर, एक विशिष्ट प्रकारचं इंट्रिंसिक डिसिप्लिन खूप जवळुन अनुभवलेलं आहे. सैनिकाला युद्धाची हाव नसते, पण जेंव्हा युद्धजन्य परिस्थिती निर्माण होते त्यावेळेस युद्ध करु नका असं भावनिक आवाहन सैनिकां कडुन किंवा त्यांच्या कुटुंबियाकडुन केलं जाणं हे माझ्या मते सैनिंकांच, किंबहुना देशाच्या मिलिटरी अ‍ॅपराटसचं मोराल डाउन करण्यासारखं आहे..

आधि लगिन कोंढाण्याचं.. अशी जाज्वल्य परंपरा आहे आपली. अजुन पुढे काय लिहिणार, तुम्हि सुज्ञ आहांतच...

जी गोष्ट येथे अजिबात गंभीरपणे घेतली जात नाही ती ही की बहुसंख्य भारतीयांचे मत कविता गाडगीळ यांच्या मताच्या विरुद्ध आहे. संतप्त भावना आहेत. ते गाडगीळांचे पत्र whats app वर आधीच फिरले होते, इथे नंतर आले. ओवेसी पाकिस्तानी नेत्यांची अब्रू काढत आहे. एक दोन महत्वाचे मुस्लिम देश भारताला पाठिंबा देत आहेत. पाकिस्तानचे लष्कर प्रमुख पळून गेले आहेत. 'व्यापाराला चालना मिळावी' हा उद्देश घेऊन गेलेले नसले तरी उत्तम निसर्गासाठी गेलेले निरपराध नागरिक मेले आहेत. धर्म विचारून विचारून मारले गेले आहेत.

आणि इथे काय चालले आहे?

गाडगीळांच्या विचारांना अनुमोदन देणे!

ते अनुमोदन देणाऱ्यांसाठी प्रतिसाद रूपाने धावून येणे!

स्वतः रस्त्यावर उतरत नसूनही गाडगीळांना विरोध करणाऱ्यांनी रस्त्यावर उतरावे अश्या अर्थाचे ताशेरे मारणे!

इथले काही प्रतिसाद सोमीवर दिले गेले तर काय पातळीचे प्रतिसाद येतील हे सांगवतसुद्धा नाही

>>अफाट आहे हे सगळे!>>
चालायचेच. पोस्ट आणि चर्चा वाचली. आताची वेळ बुद्धाची नसुन युद्धाची आहे हे ज्यांच्या लक्षात येत नसेल त्यांचे अल्लाताला रक्षण करेल. कलमा, अजान, आयते वगैरे त्यांनी तोंडपाठ करुन ठेवली असतीलच. कोणी 'नारा ए तखबिर' म्हणाल्यावर जोरात 'अल्ला हु अकबर' अशा आरोळ्या ठोकण्याचा त्यांचा सरावही करुन झाला असेल. छत्रपती शिवरायांना आपले दैवत मानणारे, कोणी 'जय भवानी' म्हंटले की 'जय शिवाजी' म्हणणारे तुमच्या माझ्या, आपल्या सारखे लोक आता आउटडेटेड झालो आहोत. तेव्हा शांतताप्रेमींसाठीच्या या धाग्यावर आपला वेळ वाया घालवण्यापेक्षा सेनादलांना विजयी भवं अशा शुभेच्छा देउन थांबलेलेच बरे म्हणतो.
हर हर महादेव!

<ताबडतोब युद्ध करा हे इथे कोणीही म्हणत नाहीये
■ युद्ध कराच असेही कोणी म्हणत नाहीये >

< बहुसंख्य भारतीयांचे मत कविता गाडगीळ यांच्या मताच्या विरुद्ध आहे.> ( भारत सरकारने सर्वेक्षण केल्याचं कळलं नाही.)

( दोन प्रतिसादांच्या वेळेत २६ मिनिटांचे अंतर आहे. )

<. आताची वेळ बुद्धाची नसुन युद्धाची आहे हे ज्यांच्या लक्षात येत नसेल>

चालायचंच.

<इथले काही प्रतिसाद सोमीवर दिले गेले तर काय पातळीचे प्रतिसाद येतील हे सांगवतसुद्धा नाही>
हो. ज्यांनी आपला जिवलग गमावला अशा स्त्रियांना नेटभगव्यांकडून काय दर्जाचे प्रतिसाद आले, त्याचा एक मासला इथे दिला आहे. इथले लोक सोशल मीडियावर लिहीत नसतील, त्यांना असे प्रतिसाद येत नसतील आणि त्याला ते घाबरत असतील असं वाटतं का? इथेही असे प्रतिसाद इतकी वर्षे झेलतो आहे.

>>> हे माहीत सुद्धा नसलेल्या सदस्यांना खलनायक ठरवण्यासाठी प्रयत्न होत आहेत.

कोणी कोणाला खलनायक ठरवत नाहीये इथे* - मतमतांतरे मांडतो आहोत आपण सगळे. ठरवून प्रयत्नपूर्वक वगैरे हीरो किंवा व्हिलन बनवावं इतकं इथलं कोणीही महत्त्वाचं नाहीये या परिस्थितीसमोर.

*शेंडे वगळता - त्यांनी हे मत 'घाबरट' आहे असं लिहिल्यावरून मी त्यांना व्हिलन म्हटलं आहे. ज्या बाईने अशा पद्धतीने मुलगा गमावला, त्यावर रडतभेकत न बसता ठोस कार्य केलं, तिला घाबरट म्हणायला जीभ टाळ्याला लावणारा आयडी माझ्यालेखी व्हिलनच आहे.

चार दहशतवादी निवडून गैरमुस्लिम नागरिकांची हत्या करून सरकारला युद्धास प्रवृत्त करत असेल तर सरकारसाठी ती नामुष्कीची गोष्ट असेल. दहशतवाद्यांनी भारतातील मुस्लिमांना अलगद बाजूला काढून सरकार कोणासाठी आहे हे दाखवून दिले. युद्ध करून एकवेळ पाकिस्तानला हरवता येईल परंतु येथील मुस्लिम दुरावले जातील. सुरक्षेतील एक चूक सरकारला बरीच महागात पडणार असे दिसतेय.

किती कीस पाडायचा तो !

मंगेशकर धाग्यावर जिचा जीव गेला त्या कुटुंबाला झालेल्या त्रासाबद्दल बोललं कि लगेचच अमूक तमूक द्वेषाचं भजन सुरू झालं. कसंही करून ते कुटुंबच कसं दोषी आणि हॉस्पिटलला दोष देणारे कसे नराधम अशा थाटात बोलणारे आता इथे वेगळा पवित्रा घेऊन बसलेत. तिकडे जीव गेला तरी क्रूरपणे त्या कुटुंबाला दोष देणारे आता जीव गेलेल्यांच्या बाजूने आहेत हे तरी बरं आहे.

पण आता जे बळी गेलेत त्यांच्या आडून जे जे आपल्या मतासारखे नाहीत त्यांना झोडपायचे तर आहेच पण एका धर्माच्या लोकांना सरळ सरळ गुन्हेगार, देशद्रोही ठरवले जातेय. याला त्या धर्माचा द्वेष म्हणायचं नाही, मंगेशकर हॉस्पिटलच्या वेळेला ते कार्ड खेळायचं. हा दुटप्पी पणा नाही बोलायचा इथे म्हणताना शेवटी न राहवून लिहीलाच.

ते फेसबुक, ट्वीटर , व्हॉट्स अ‍ॅप याला आग लागो. आपण मायबोलीबद्दल कितीही तक्रारी असतील तरी इथे एकमेकांना बर्‍यापैकी (आभासी) ओळखतोच ना ? त्यातल्या त्यात इथे संयत मतं व्यक्त होतात. दोन्हीकडून. आणि दोन्हीकडून चुकाही होतात. तर आपण इथल्या मेंबर्स कडून अपेक्षा ठेवू शकतो. नाही का ?

जे प्रचारक असतील आणि परतायच्या पलिकडे गेलेले असतील त्यांचा अपवाद करून बाकिच्यांनी अशा धाग्यावर अधून मधून ब्रेक घ्यावा आणि आपण काय बोलतोय याचा आढावा घ्यावा. बर्‍याच जणांना मतं बदलता येतील.

युद्ध करायचं कि नाही हे बाजूला ठेवा सध्या.
आपले पवित्रे कसे बदलतात हे त्रयस्थ म्हणून बघायला पाहीजे. अगदी माझ्यासहीत सर्वांनी. आपल्याला इतर लोक जज्ज करतात. असे पवित्रे बदलत राहीले तर आपल्यावर कोण विश्वास ठेवणार ? इतकी काय कुणाची तरी चाकरी करायची ?

रानभुली,

माझे प्रतिसाद मूलतः चुकीचे वाटत असले तर दिलगिरी व्यक्त करतो.

नेमक्या कोणाला उद्देशून आपला प्रतिसाद आहे हे न कळल्याने व 'कदाचित अपल्याबद्दल असेल' असे वाटल्याने हे लिहिले

(मंगेशकर रुग्णालयात घडलेल्या दुर्दैवी घटनेबद्दल मी प्रतिसाद दिला नव्हता. एक तर नेमकी माहिती नव्हती व मंगेशकर रुग्णालयाच्या भूमिकेच्या बाजूने मी कधी नव्हतोच. त्या भूमिकेच्या विरुद्ध असावे की नसावे हे 'येणाऱ्या उलटसुलट बातम्यांमुळे' ठरवता येत नव्हते)

(स्पष्टीकरण कंसात दिले कारण तुमचा प्रतिसाद कोणाला उद्देशून आहे याबद्दल खात्री नव्हती)

बेफिकीरजी, हे माझ्यासहीत सर्वांना आहे.
तुम्हाला तसे वाटले हा तुमच्या मनाचा मोठेपणा आहे.

वाचलेल्या सर्व प्रतिसादांमध्ये लोकांच्या खूप तीव्र आणि प्रामाणिक भावना दिसतात, अशा प्रसंगी त्या कुणी नाकारुही शकत नाही आणि त्यावर कोणत्या तरी राजकीय पक्षाच्या समर्थनाचे लेबलही लावणे या घडीला चुकीचे ठरते. पण माझ्या निरीक्षणानुसार इथले प्रतिसादकर्ते एखाद्या प्रसंगाविषयी प्रामाणिक भावना असणे, आणि केवळ प्रामाणिक भावनेच्या अधीन राहून काढलेले कोणतेही निष्कर्ष हे संयुक्तिकच असतात असा ठाम समज असणे यात गल्लत करताना दिसत आहेत. आपल्या प्रामाणिक भावनांना इतरांनी सहवेदनेने/सहअनुभूतीने पाहावे ही अपेक्षा असणे आणि आपण त्या भावनेच्या भरात काढलेल्या कोणत्याही निष्कर्षाला इतरांनी दर्शवलेली सहमती हाच आपल्या प्रामाणिक भावनांना इतरांनी सहअनुभूती दाखवण्याचा एकमेव मार्ग असू शकतो असा समज असणे, यात गल्लत करताना दिसत आहेत.

फक्त सोमीवरील सामाजिक प्रकरणांच्या चर्चेतच नाही तर वैयक्तिक आयुष्यात देखील अशाप्रकारे तीव्र भावनांच्या (राग, आनंद, भीती) अधीन असताना/ राहून काढलेले निष्कर्ष हे वरकरणी बरोबर ( गंड सुखावणाऱ्या अनुभूतीमुळे justifiable वाटणारे) वाटत असले तरी बहुतांशी चुकीचेच असतात.( हवे असल्यास कुणीही आपल्या आयुष्यातील अशा निष्कर्षांचे पुनरावलोकन करून पाहावे )

अद्वैत मेहता यांनी घेतलेली कविता गाडगीळ यांची मुलाखत.
https://www.youtube.com/watch?v=Ghhyg7f5p6s

परफेक्ट आणि परखड पोस्ट shendenaxatra.

युद्ध नको म्हणून गळा काढणाऱ्या वीरमाता बघायला जिजाऊआईसाहेब नाहीत हे त्यांचे नशीब.

'युद्धस्य कथा: रम्या:' असे म्हणतात याचा एक अर्थ माझ्यामते असाही आहे की युद्धाच्या कथाच रम्य असतात, प्रत्यक्षात war is hell.

युद्धाबाबत असलेल्या रोमँंटिक शिवकालीन कल्पना दूर केलेल्या बर्‍या. आपले घोडेस्वार पाक वर हल्ला करतील, मग पाक शरण येऊन काही किल्ले व चौथाई व सरदेशमुखीचे हक्क देतील. ई ई ( 'प्रत्येकाला वाटते की शिवाजी जन्मावा पण आपल्या घरी नव्हे शेजारच्या घरी' हेही असेच एक टाळीचे वाक्य)

पेहेलगाम घटनेतील पाकचा सहभाग सिद्ध झाल्यावर पूर्ण तयारीनिशी व एन्ड गोल्स नक्की करून मगच पाक शी युद्ध करावे असे कुणाला वाटत असेल ते घाबरट नव्हेत. गळा काढणे वगैरे शब्दप्रयोग न केलेले बरे.

लोकसभेवर हल्ला झाला तेव्हा मेलेले अतिरेकी पाकिस्तानी होते असे सांगून (चेहेरे पाकिस्तानी होते असे आडवाणी म्हणाले होते) सीमेवर मोठ्या प्रमाणात मोबिलायझेशन झाले. सुरुंग पेरतानाच अनेक जवान ठार झाले. नंतर वातावरण निवळले. इकडे अफझल गुरु ने एका पोलिस अधिकार्‍याचे नाव घेतले होते, त्याची साधी चौकशी करावी असे कुणाला वाटले नाही. सगळ्यांनाच कधी एकदा अफझल ला फाशी देऊ असे झाले होते. त्यानंतर वीसेक वर्षानी आणखी काही अतिरेक्यांना घेऊन येताना तो अधिकारी सापडला व फारसा गाजावाजा न करता त्याला बडतर्फ केले गेले.

सुशांत च्या आत्महत्येनंतर रियाची निंदानालस्ती करून अनेक तथाकथित पत्रकारांनी आपल्या घराला सोन्याची कौले लावली. त्यातलाच एका पत्रकाराने भारताने पाकिस्तानचे गाझा करावे असे मत व्यक्त केले. पाकिस्तान म्हणजे गाझा नव्हे, त्यांच्याकडेही अण्वस्त्रे आहेत, त्यांचे एअर फोर्स भारतापेक्षा काकणभर जास्तच सरस आहे. त्यांचे DG ISPR सुद्धा सरसच आहेत.

मलाही नाही वाटत कविता गाडगीळ यांचा घाऊकमधे युद्धालाच विरोध आहे. तसे असते तर त्यांनी मुलाला सैन्यात जाऊच दिले नसते, पुण्यात एखाद्या आय टी कंपनीत नोकरी करून संसार करायचा सल्ला दिला असता. ज्या माऊलीने आपला लेक देशासाठी दिला, त्याच्या नंतर जंग जंग पछाडून सिम्युलेटर मिळवून दिला तिच्याबद्दल गळा काढणे वगैरे शब्द खरेच निषेधार्ह आहेत.

मला नाही वाटत कविता गाडगीळ यांचा घाऊकमधे युद्धालाच विरोध आहे. मी या पत्राचा लावलेला अर्थ - भावनेच्या भरात नी जर्क रिअ‍ॅक्शन म्हणून जनतेकडून युद्धाचा आग्रह नको. तसे तर भरती झालेल्या प्रत्येकालाच माहित असते की कधीही ऑर्डर येइल. त्यात बॉर्डरवर ड्यूटी म्हणजे रात्रंदिन युद्धाचा प्रसंग असे असतेच. मात्र भ्याड हल्ल्यामुळे जो जनक्षोभ आहे त्याला उद्देशुन युद्धाचा आग्रह करु नका असे त्यांचे सांगणे आहे. आपले सैन्य असेच शांत बसणार का असा प्रश्न विचारला जातो तेव्हा कळत नकळत आपण आपल्याच सैन्याला कुठेतरी सपोर्ट नाकारत असतो. एका भ्याड हल्ला यशस्वी होतो तेव्हा बॅक ग्राउंडला असे १०० हल्ले सरकारी यंत्रणेने अयशस्वी केलेले असतात हे विसरतो.
बाकी >>बंदुकीची एक गोळीही न झाडता आपण काश्मीर राखू…>> वगैरे स्वप्नाळू आदर्शवाद झाला.
युद्धातून बाहेर पडणे किती कठीण असते ते कर्जाचे ओझे असलेल्या अमेरीकेला विचारा. मोजता येणारी प्रत्यक्ष हानी आहेच आणि जोडीला मन मोडल्याने आयुष्यातून उठलेले सर्विस मेंबर्स आणि त्यांचे कुटुंबीय वेगळेच. आमचे मित्र वेटरन्स आहेत. जॉईन झाले तेव्हा पुढे काय वाढून ठेवले आहे ते माहित होतेच तरी आत्ता जे भोगत आहेत ते क्लेश- ते डेमॉन्स त्याचे काय हा प्रश्न आहेच.
केवळ क्षोभापोटी युद्धाचा आग्रह धरताना आज ड्राफ्ट लावला तर तो चुकवायला धडपडू का याचा प्रत्येकानेच प्रामाणिकपणे विचार करावा.

अवांतर - माझे जवळचे नातेवाईक सैन्यात होते १९७१ च्या युद्धात. काही आत्ताही आहेत त्यामुळे प्रत्यक्ष युद्ध डिक्लेअर नसले तरी युद्धाचा प्रसंग कसा असतो त्याचा जवळून अनुभव आहे.

विकु, तुम्ही लावलेला सुभाषिताचा अर्थ बरोबर आहे इतकंच सांगायला इथे आलो. दुरून डोंगर साजरे या अर्थाचे ते सुभाषित आहे.

दूरस्थाः पर्वताः रम्याः वेश्याः च मुखमण्डने |.
युद्धस्य तु कथा रम्या त्रीणि रम्याणि दूरतः ||

आज त्यांची मुलाखत ही ऐकली..

स्वतः AC मध्ये बसून टीव्ही बघताना आरामात युद्ध होऊन जाऊ द्या वगैरे जोर करणाऱ्या लोकांवर , मीडियावर त्यांचा जास्त आक्षेप आहे.

खरंतर आपल्याला बाकीचे देश जसं चायना तुर्कस्तान बांगलादेश किंवा अजूनही देश काय करतात, पाकिस्तानच्या आत मध्ये काय घडामोडी चालू आहेत वगैरे वगैरे बाबींची अजिबात माहिती नसताना , युद्ध करावे का नाही की अजून कोणता मार्ग अवलंबता येईल हे मुद्दे आणि प्रश्न जाणकार मंडळींवर, लष्करी प्रमुख यांच्यावर सोडून द्यावेत. त्यांना आपल्यापेक्षा निश्चितच जास्त कळतं.

काश्मीरमध्ये सुरू झालेले टुरिझम किंवा नॉर्मल अजनाजीवन विस्कळीत करणे दहशत निर्माण करणे हाच यामागे या हल्ल्या मागील हेतू होता.
तेव्हा कश्मीरला पूर्वीसारखे वेगळे न पाडता त्यांना मेन स्ट्रीम मध्ये सामावून घेत घेण्यासाठी प्रयत्न सुरू राहू देत.. हे जे वरती श्रीमती गाडगीळ यांनी म्हटले तसंच अजून एका विश्लेषकांनीही हेच मत मानले होते.

Submitted by पर्णीका on 28 April, 2025 - 06:59 >>>> मुद्यांशी सहमत.

NCW
@NCWIndia
·
13h
जम्मू-कश्मीर के पहलगाम में हुए आतंकी हमले में देश के अनेक नागरिकों की हत्या कर दी गई थी। इस हमले में अन्य लोगों के साथ लेफ्टिनेंट विनय नरवाल जी से उनका धर्म पूछकर उन्हें गोली मार दी गई थी। इस आतंकी हमले से पूरा देश आहत व क्रोधित है।

लेफ्टिनेंट विनय नरवाल जी की मृत्यु के पश्चात उनकी पत्नी सुश्री हिमांशी नरवाल जी को उनके एक बयान के संदर्भ में सोशल मीडिया पर जिस प्रकार से निशाना बनाया जा रहा है, वह अत्यंत निंदनीय एवं दुर्भाग्यपूर्ण है। किसी महिला की वैचारिक अभिव्यक्ति या निजी जीवन को आधार बनाकर उसे ट्रोल करना किसी भी रूप में स्वीकार्य नहीं है।

किसी भी प्रकार की सहमति या असहमति को सदैव शालीनता और संवैधानिक मर्यादाओं के भीतर व्यक्त किया जाना चाहिए। राष्ट्रीय महिला आयोग प्रत्येक महिला की गरिमा और सम्मान की रक्षा के लिए प्रतिबद्ध है।

काही राइट विंगर्सची मजल हिमांशीच या दहशतवादी हल्ल्याची मास्टर माइंड आहे, इतकं लिहिण्यापर्यंत गेली. बाकी नेहमीच्याच लिंगपिसाट कमेंट्स.

स्वतः दहशतवाद्यांशी लढलेले, सैन्यातील कामगिरीसाठी पुरस्कार मिळालेले निवृत्त ब्रिगेडियर दीप भगत पहलगाम हल्ल्याबद्दल काय म्हणतात?

वर यु ट्यूब ची लिंक आहे.

ज्यांना वाचायचंय त्यांच्यासाठी

पहलगाम हल्यांत अगदी जवळच्या व्यक्तीं गमावलेल्या दोन महिलांच्या प्रतिक्रिया लक्ष वेधणार्‍या आहेत. ते या घटनेचे साक्षीदार आहेत म्हणून त्यांच्या प्रतिक्रिया मला महत्वाच्या वाटतात.

(अ) आसावरी जगदाळे यांच्या वडिलांना तसेच काकांना दहशतवाद्यांनी मारले आहे. संपूर्ण मुलाखत आवश्य बघा.
https://youtu.be/VUdCms60Fsk?si=oDeGSsjReRnFiUWR&t=454

(ब) नौदल अधिकारी लेफ्टनंट विनय नरवाल यांच्या पत्नी हिमांशी नरवाल यांची प्रतिक्रिया. अवघ्या सात दिवस आधीच लग्न झालेले विनय आणि हिमांशी नवविवाहित दांपत्य होते.

" I don't want any hatred towards anybody... people going against muslims and kashmiris - We do not want this.
We want peace and only peace.
Of course, we want justice. We want justice, people that have done with him should be punished. "

https://www.instagram.com/reel/DJG8pS6ywAn/

<<भावनेच्या भरात नी जर्क रिअ‍ॅक्शन म्हणून जनतेकडून युद्धाचा आग्रह नको.>>
अनुमोदन.
तसेहि एका कविता गाडगीळ यांच्या म्हणण्यावर युद्ध हवे की नको हे ठरत नाही.
भारतात जे मंत्रि, लष्करप्रमुख बसले आहेत त्यांना पाकीस्तानबद्दल जास्त माहिती आहे.
प्रश्न सध्या असा आहे की हे संपूर्णपणे मोडकळीला आलेले राष्ट्र, कोपर्‍यात सापदलेला उंदीर जसा प्राणांची पर्वा न करता शेवटचा हल्ला करतो, तसे काही पाकीस्तान्यांनी भारतावर अणुबाँब सोडण्याची शक्यता आहे का याचा अभ्यास करावा लागतो. जास्त माहिती मिळवावी लागते.
मायबोलीवर तावातावाने आपले मुद्दे मांडण्यापेक्षा प्रत्यक्ष युद्ध करणे जास्त जबाबदारीचे काम आहे. ते लष्करी अधिकार्‍यांवर सोडा. ते करतील त्यावर विश्वास ठेवा.
माहीतरी इथे मायबोलीवर लिहिण्यापलीकडे आपण काय करू शकतो?

कविता गाडगीळ यांच्या म्हणण्यावर युद्ध हवे की नको हे ठरत नाही.
भारतात जे मंत्रि, लष्करप्रमुख बसले आहेत >> हल्ल्यात आपला पती गमावलेल्या चार दिवसाची विवाहिता असलेल्या मुलीचे चित्र न विचारता जिलबी आर्ट बनवून व्हायरल केले, त्याच मुलीने युद्ध नको असे मत व्यक्त केल्यावर आधी शहीदपत्नी झाली म्हणजे सर्व कळते का असे प्रश्न विचारले गेले.

लष्कराला समजते हे युद्धाची भाषा करणाऱ्यांना समजते तर ते हा उपदेश स्वतःला का करत नाहीत? फक्त युद्ध नको म्हणणाऱ्या शहीदांच्या आईला, विधवेला का सांगतात? सगळेच्या सगळे आपण लष्कराचे मालक आहोत या थाटात का बोलत आहेत?

त्या मुलीला ज्या नीच पातळीवर ट्रोल केले गेले आहे त्याची सर्वांना कल्पना असेल. कुणाला निषेध करावा असे वाटत नाही. एकाने तर शहीद कुणाला म्हणायचे असा प्रश्न विचारला होता.

युद्ध कुणाच्याच मताने होत नाही आणि थांबत नाही हे शेंबड्या पोरालाही कळते. मग ते बोलून का दाखवायचे? ते ही स्वतः आर्मीत न जाता शहीदांच्या कुटुंबांना. सुनावले जातेय.

युक्रेन आणि रशिया युद्धात या दोन देशांचा काय फायदा झाला? रशिया तर महासत्ता आहे ना?
मग कुणाला वाटले कि अन्य उपाय अजमावेत तर ते ही बोलायचे नाही?
सिव्हिलियन व्यक्तीने बोलले कि "तिकडे सैनिक सीमेवर..." हे भजन करून त्याला तू अपराधी आहेस असे अप्रत्यक्ष रितीने सुनवायचे.
आणि शहीद पत्नीने तेच बोलले कि तिच्या कॅरेक्टर बद्दल, पायगुणाबद्दल हिडीस मतं मांडायची.

जसे काही हे सगळे स्वतः सीमेवर बंदूक घेऊन उभे राहिले आहेत.

<< शहीद पत्नीने तेच बोलले कि तिच्या कॅरेक्टर बद्दल, पायगुणाबद्दल हिडीस मतं मांडायची. >>

------ वीरमाता किंवा वीरपत्नी किंवा वीरकन्या असो, यांना काही फरक पडत नाही. या महिलांच्या वक्तव्यामुळे द्वेषी विचार ( hate narrative ) पुढे रेटण्यास मदत होत नाही. बस.

शिवानी नरवालने युद्ध नको असे म्हटल्याचे वाचले , ऐकले नाही. मुस्लिम आणि काश्मिरी लोकांबद्दल द्वेष नको असे म्हटले.
“We don’t want people going against Muslims or Kashmiris,” she said. “We want peace and only peace. Of course, we want justice, but the government must take precise steps against specifically those who did us wrong.

हे म्हणजे काही लोकांना तुम्ही श्वास घेऊ नका, असे सांगण्यासारखे झाले.

शिवानी नरवालला ज्या हिडीस पद्धतीने ट्रॉल केले गेले ते पाहून हिंदुत्वाची नवी व्याख्या समजली. इथले बरेच शहाणे जे कविता गाडगीळांवर तुटून पडले होते ते आता वाळूत तोंड खुपसून बसले आहेत अशी शंका यायला वाव आहे

मोदीनी शिवानीचे कौतुक केले तर त्यानाही पाकिस्तानात पाठवतील हे भक्तान्डु !

>>> ज्या हिडीस पद्धतीने ट्रॉल केले गेले ते पाहून हिंदुत्वाची नवी व्याख्या समजली.
'आमचा धर्म सहिष्णु आहे' अशी सुरुवात करून पुढे जे बोललं/लिहिलं जातं ते अनाकलनीय आहे! काय बोलावं समजत नाही खरंच!

मुस्लिमांच्या व्यवसायांच्या याद्या पूर्वीपासून तयार आहेत >> त्यांच्या आस्थापनांच्या याद्या देखिल तयार आहेतच.