टू व्हीलर कोणती घ्यावी?

Third numberplate (sticker) म्हणजे काय हे नेमकेपणाने लक्षात यावे यासाठी खालील फोटो पहा: >>> चासीस न. आणि इंजिन न . कशाला म्हणे डिस्प्ले केले आहेत ? याचा दुरुपयोग होऊ शकेल ना?

चासीस न. आणि इंजिन न . कशाला म्हणे डिस्प्ले केले आहेत ? याचा दुरुपयोग होऊ शकेल ना?...
महाराष्ट्रात दिल्या जाणाऱ्या third numberplate वर चासीस न. आणि इंजिन न . दिलेले नाहीत. कालच माझ्या गाडीला HSRP बसवली.
Third Numberplate वर गाडीचा क्रमांक, मागच्या - पुढच्या numberplate चे laser कोड नंबर आणि गाडीची नोंदणी दिनांक इतकीच माहिती आहे. (इतर राज्यांचे माहीत नाही, मागच्या एका प्रतिसादात मी दिलेला फोटोसुद्धा इंटरनेटवरून डाऊनलोड करून दिला होता.)
आणि जरी इतर राज्यांनी चासीस न. आणि इंजिन न . दिले असले तरीही त्याचा दुरुपयोग होण्याची शक्यता नाही, कारण गाडीशी संबंधित कोणतेही काम करायचे असेल तर वाहन मालकाच्या मोबाईलवर OTP येतो, तो टाकल्याशिवाय काम होत नाही.
आणि मोठ्या गाड्या जसे की बेस्ट बस, ट्रक, टेम्पो यांच्या बाह्यभागावर (डावीकडे) गाडीचे सर्व डीटेल्स जसे की चासीस न. आणि इंजिन न ., वाहन मालकाचे नाव, पत्ता, गाडीचे वजन इ. माहिती लिहिण्याचा नियम आधीपासूनच आहे.

फास्ट टॅग ची जबरदस्ती करून झाली आता हा नवीन निर्णय म्हणजे सर्व खटाटोप सरकारी आमदनी वाढवायला आहे फक्त, बाकी खरंच कोणाचा अपघाती मृत्यू झाला आणि पळून जाणारी कुठलातरी पोर्शे असेल तर कितीही नंबर प्लेट असून उपयोग काहीच नाही.

बाकी खरंच कोणाचा अपघाती मृत्यू झाला आणि पळून जाणारी कुठलातरी पोर्शे असेल तर कितीही नंबर प्लेट असून उपयोग काहीच नाही....+१११११

कालपरवाच अंधेरीला सातबंगला भागात एक स्कूटर बघितली, जिच्यावर HSRP तर होती, पण चिकटपट्टी लावून त्यावरील काही अंक झाकले होते, जेणेकरून CCTV मध्ये capture झाली तरी चलान येऊ नये!

खरंच कोणाचा अपघाती मृत्यू झाला आणि पळून जाणारी कुठलातरी पोर्शे असेल तर कितीही नंबर प्लेट असून उपयोग काहीच नाही>>> अगदी हाच विचार मनात आला होता. प्रत्येक राज्यात हा सोपस्कार करायला वेगवेगळी किंमत मोजावी लागते. शिवाय जर ह्या प्रकारच्या पाट्या पुरवणारे वेंडर्स अनधिकृत आहेत तर तशा पाट्या द्यायची परवानगी का दिलीय?

प्रत्येक राज्यात हा सोपस्कार करायला वेगवेगळी किंमत मोजावी लागते. शिवाय जर ह्या प्रकारच्या पाट्या पुरवणारे वेंडर्स अनधिकृत आहेत तर तशा पाट्या द्यायची परवानगी का दिलीय?>>>
किंमतीचे माहीत नाही. पण सरकारी संकेतस्थळावरून जी नोंदणी होते त्या सेंटरवर जे नंबरप्लेट बसवतात ते अधिकृत वेंडर्स आहेत. त्यांना numberplate बसवल्यावर बसवलेल्या दोन्ही नवीन numberplate चा फोटो (पुढची व मागची) तसेच स्टीकर (third numberplate) असल्यास त्याचा फोटो, गाडीच्या chassis number चा फोटो आणि ज्या जुन्या साध्या numberplate काढल्या त्या तोडून त्यांचा तोडलेल्या अवस्थेतला एक फोटो असे सगळे फोटो वाहन पोर्टलवर अपलोड करावे लागतात. म्हणजे संकेतस्थळावर देखील अमुक एका गाडीला अधिकृत HSRP लावली आहे, याची नोंद होते.
हेच जर रस्त्याच्या कडेला असणारी numberplate बनवणारी जी दुकाने असतात त्यांच्याकडून हुबेहूब HSRP सारखी दिसणारी numberplate जरी बसवून घेतली तरी त्यांना वाहन पोर्टलला access नसल्याने वाहन पोर्टल वर नोंदणी होण्याचा प्रश्नच नसतो.

मला नवीन टू व्हीलर घ्यायची आहे...e bike घेण्याची खूप इच्छा आहे...पण त्याचे reviews तेवढे खास नाही...इथे कोणाला काही अनुभव आहे का? e bike घ्यावी की petrol ची...hybrid असा काही option असतो का? ज्यात हे दोन्ही use करता येईल...

e bike घ्यावी की petrol ची...hybrid असा काही option असतो का?....मी तरी अशी कोणत्याही कंपनीची स्कूटर पाहिलेली नाही.
पण काहीजण extra kit लावून अशी convert करतात.
https://www.youtube.com/watch?v=m9sdOTUcNV4
अर्थात हे प्रकार करण्याआधी संबंधित RTO ची परवानगी घेणे आवश्यक आहे, नाहीतर illegal modification चा दंड होऊ शकतो.

E-bike बाबत:
जर तुमचा बंगला / बैठे घर असेल आणि घराशेजारीच स्कूटर पार्क करण्याची जागा असेल किंवा बिल्डिंगमध्ये राहत असाल आणि parking lot मध्येच एखादा charging point बसवून घेण्यास काही अडचण नसेल तर e-bike उत्तमच आहे. पण जर जुनी बिल्डींग असल्याने stilt parking च्या ऐवजी open parking असेल आणि पावसा-पाण्यामुळे parking lot मध्येच charging point बसवून घेणे शक्य नसेल आणि त्यामुळे प्रत्येक वेळी battery काढून घरी न्यावी लागणार असेल किंवा लिफ्ट नसल्याने ३-४ थ्या माळ्यावरून वायर खाली सोडून मग चार्जिंग वगैरे करावे लागणार असेल तर हे प्रकार आपल्याला long term मध्ये झेपतील का? याचा नक्की विचार करा. कारण नव्याचे नऊ दिवस संपले की या सर्व प्रकाराचा कंटाळा येतो आणि मग battery discharge अवस्थेत अधिक काळ राहिली तर battery खराब होते.
चार्जिंग इतके सोपे हवे की, बाहेरून स्कूटरने आल्यावर स्कूटर पार्क केल्यावर घरी न जाता तिथल्यातिथेच चार्जिंग सुरु करता आले पाहिजे! (charging point च्या cover ला कुलूप लावलेले असल्यास त्याची चावी स्कूटरच्या चावीसोबतच असली पाहिजे, charger हा on-board किंवा स्कूटरच्या डिकीतच असला पाहिजे.)

माहितीसाठी धन्यवाद...माझ्याकडे बर्‍यापैकी सोयी आहेत...बैठे घरंच आहे..आणि आम्ही सोलर पॅनेल्स पण लावले आहेत...पण ते नसते तरी e bike घ्यायची माझी ईच्छा आधीच होती...पण खूप जणांनी घेऊ नका असं सुचवल्याने गोंधळ होतोय...शिवाय battery पण वारंवार बदलावी लागते का?

EV ला येणारा मोठ्ठा प्रॉब्लेम म्हणजे रेंज anxiety.
१० किमी च्या वर अन् जोरदार ट्रॅफिक मधे न्यायची असेल तर नक्कीच.
शॉर्ट राईड अन् सारखं चार्जिंग केलं तर बॅटरी जाण्याचा धोका.

तस्मात्, पेट्रोल गाडी घ्या.
बाबांना जानेवारीत घ्यायची होती तेंव्हा फुल मार्केट सर्व्हे केला होता. बहुतेक सगळ्या कंपन्यांची एक टिपिकल, एक स्पोर्टी अन् एक x factor वाली मॉडेल्स आहेत. सर्वांचं एक तर 110cc / 125cc इंजिन आहे. ज्या क्रमाने गाड्या पाहिल्या त्याच क्रमाने देतोय:
- हीरो : दुकानात सर्वात दुर्लक्ष करण्याची गोष्ट म्हणजे गिऱ्हाईक (त्यात टेस्ट राईड साठी एकही गाडी उपलब्ध नाही), सर्व्हिस सेंटर बऱ्यापैकी दूर
- यामाहा : रे (स्पोर्टी) अन् फसीनो (टिपिकल). दोन्ही गाड्या हायब्रीड आहेत. हायब्रीड मधे इंजिन ला इलेक्ट्रिक मोटार जोडतात ज्यानी गाडी विना क्रँकिंग सायलेंट सुरू होते. बॅटरी जरा जास्त कपॅसिटी ची लावतात, जी जास्त थ्रॉटल दिल्यावर ॲडीशनल पॉवर देते. अन् ब्रेकिंग मधे चार्ज होते. यामुळे सिग्नल ला आयडल स्टार्ट स्टॉप ऑप्शन पण मिळतो. या सर्व प्रकारामुळे मायलेज 10-15% अधिक मिळतं. या गाड्या फक्त 125cc मधे येतात. सस्पेंशन चांगलं होत. याचं सर्व्हिस सेंटर मॉडरेटली दूर होतं (फासीनो टॉप बट वन शॉर्टलिस्ट केली होती. रंगा प्रमाणे किमतीचे ब्लॉक बदलतात, फीचर्स सर्व सेम). यांची एरॉक्स पण आहे, पण 155cc अन् किंमत दुप्पट.
- होंडा : ट्राईड अन् टेस्टेड Activa अन् डियो. यात डियो फक्त 110cc मधे येते. Activa 125 ला सायलेंट स्टार्ट मोटार आहे,पण हायब्रीड नाही. शोरुम मधल्या स्टाफला कामावर घेताना चेहेऱ्यावर माजट्ट भाव नसतील तर नारळ देत असावेत. किंमत बाकी सर्वांपेक्षा जास्त अन् फीचर्स कमी. जुन्या डियो च्या एक्सचेंज प्राईस (तिथेच सर्व्हिस हिस्ट्री असूनही) फारच कमी कोट केली. सर्व्हिस सेंटर जवळ असूनही माजामुळे फुली.
- सुझुकी : Access (टिपिकल), बर्गमन (शो शा) अन् अजून एक डियो टाईप. सस्पेंशन कायच्या काय हार्ड होतं. टेक्नॉलॉजी बाकी सर्वांच्या तुलनेत एक जनरेशन मागची (फेसालिफ्ट मॉडेल ड्यू आहेत) यांचं ही सर्व्हिस सेंटर दूर होतं
- टी वी एस : जुपिटर (टिपिकल), एक डियो टाईप, nटॉर्क (x factor) अन् झेस्ट (स्कूटी). यात nटॉर्क चा फेसलिफ्ट ड्यू आहे. झेस्ट ला एक जनरेशन जुन्या जुपिटर 110cc चं इंजिन आहे. जुपिटर 110cc an 125cc चा लुक टोटली वेगळा आहे. पेट्रोल इनलेट पुढे n टँक फुट रेस्ट खाली दिल्यानं 33 लिटर डिकी आहे (बाकी सर्वांची 21 लिटर). 110 च्या टॉप 2 मॉडेल मधे हायब्रीड आहे (सर्व फीचर्स फसिनो प्रमाणे), फक्त फ्रंट डिस्क असण्या नसण्याचा फरक. सस्पेंशन चांगलं, सर्व्हिस सेंटर जवळ. त्यामुळे 110cc चं नॉन डिस्क मॉडेल घेतलं. इथे ही मॉडेल नुसार रंगाचे ऑप्शन मिळतात.

जुन्या डियो ची एक्सचेंज प्राईस कोटेशन : होंडा - 0.75x, सुझुकी - 1.5x, यामाहा अन् टी वी एस - 2x, हीरो - 2.5x

..बैठे घरंच आहे..आणि आम्ही सोलर पॅनेल्स पण लावले आहेत..
मग तर EV हाच चांगला option वाटतो आहे! तुमचा प्रवास अक्षरशः फुक्कट होईल!!! इतरांच्या उलट-सुलट सल्ल्यांमुळे जर EV घ्यावी की नाही, या विचारात असाल तर एक सुचवेन.
ओळखीत किंवा OLX वर वगैरे second hand EV scooter मिळाली तर घ्या, वर्षभर वापरून पहा. जर आवडली, चार्जिंग वगैरे जमते आहे असे वाटले तर नवीन घेऊ शकता किंवा मग पेट्रोलची स्कूटर घेऊ शकता!

EV स्कूटरचे फायदे:
१. अजिबात आवाज नाही (त्यामुळे तुलनेने शांततेत प्रवास)
२. मेंटेनन्स अत्यंत कमी (जवळजवळ नाहीच). IC (internal combution) इंजिन नसल्याने engine oil, gear oil, air filter हे सगळे प्रकारच नाहीत! EV स्कूटरमध्ये महत्वाचे भाग तीनच - battery, controller आणि motor
3. २५० watts पेक्षा कमी क्षमतेची असेल तर नोंदणीचीही गरज नाही. त्यामुळे चलान येण्याचेही टेंशन नाही. (मी नियम मोडण्याचे समर्थन करीत नाही, पण दुसऱ्याच्या / सरकारी यंत्रणेच्या चुकांमुळे जेव्हा आपल्याला चलान येते तेव्हा खूप मानसिक त्रास होतो)

EV स्कूटरचे तोटे:
१. अजिबात आवाज नसल्याने रस्त्याला गार्डनमधला pathway समजून बेफिकीरपणे चालणाऱ्या लोकांपासून जास्त सावध राहावे लागते!
२.मोटर पाठीमागच्या चाकात बसवलेली असल्यास (hub motor) tyre puncture झाला आणि जर tubeless tyre नसेल तर puncture काढणे थोडे कठीण जाते.
३. वर अँकी नं.१ यांनी म्हटल्याप्रमाणे, रेंज anxiety! अर्थात पूर्वी lead acid प्रकारच्या battery यायच्या, ज्यात रेंज कमी मिळायची. आता Lithium-ion / lithium phosphate battery असतात ज्यात रेंज जास्त मिळते.

battery पण वारंवार बदलावी लागते का?
Lead acid battery चे आयुर्मान साधारण १००० चार्जिंग सायकल्स असते. म्हणजेच ती battery १००० वेळा चार्ज / डिस्चार्ज करता येते. म्हणजेच दररोज चार्ज करून पूर्ण डिस्चार्ज केली तर साधारण ३ वर्षांनी battery खराब होऊन बदलावी लागते.
हेच lithium phosphate battery (LiFePO4) battery चे आयुर्मान किमान ३००० चार्जिंग सायकल्स असते. (संदर्भ : wikipedia) म्हणजेच ती battery ८-९ वर्षे आरामात चालू शकते!!!

HSRP नंबर प्लेट बसवण्याची मुदत आता ३० जून पर्यंत

नमस्कार
मला टीव्हीएस रेडीओन ही गाडी घ्यायची इच्छा आहे . बाकी कंपन्यांच्या (hero /Honda) 100/११० CC गाड्या याच्या आधी मी वापरल्या आहेत पण त्या माझ्या शरीर यष्टी पुढे फारच बारीक भासतात/दिसतात.
माझी उंची 5.8 वजन 96kg

कोणी टीव्हीएस कंपनीची मोटरसायकल वापरली असल्यास अनुभव जरूर सांगा

TVSस्कुटी होती पूर्वी माझ्या कडे आणि सध्या ज्युपिटर वापरतेय. TVS गाड्या फार प्रॉब्लेम देतात, असा माझा अनुभव आहे. मुख्यत्वेकरून बॅटरी इश्यू खूप येतो. ओळखीतल्या ज्यांनी ज्यांनी TVS ची गाडी घेतली आहे त्यांची काही ना काही तक्रार बघितली आहे.

रिचर जरा हाय cc गाडी घ्या की मग
100 / 110 cc मध्ये बजेट सेगमेंट असल्याने बारीक दिसणाऱ्या असणाऱ्या हलक्या फुलक्या गाड्याच आहेत
150 cc मध्ये भरपूर option आहेत बघा
Unicorn देखील चांगली

ज्युपिटर आहे माझ्याकडे
Tvs lucas ची बॅटरी बरोबर 12 महिने warrenty संपून झाली की खराब झाली
मी exide ची घेतलीय
ती मस्त सुरुय
Average मार खातात आणि सगळ्या स्कुटर मध्ये हा प्रॉब्लेम आहेच
एका लिटरला 40 किमी गेल्या तरी खुश राहायचं

जास्त वजनाला स्कूटर पेक्षा बाइक अधिक बरी
Avenger Cruiser Best option.
Power Stability Comfort Mileage
मी 350किमी 7 तासात जातो. बाइक आणि मी दोघेही एकदम स्ट्रेस फ्री. काही त्रासच नाही.
Tvs ची ronin मला हैंडलिंगसाठी कम्फर्टेबल नाही वाटली. बाकी फीचर्सच्या दृष्टीने तिची सध्या चलती आहे.
Unicorn सारख्या हलकी बिल्ट वाल्या नकोच शक्यतो. जर माइलेज पेक्षा आराम आणि मजबूती - सेफ्टी उजवी असेल (असावीच खरं तर ).