तुटल्या तारा

Submitted by मनोजकुमार देशमुख on 23 May, 2023 - 13:54

काय म्हणावे या नशिबाला, जुळण्या आधी तुटल्या तारा
शीड बांधणे बाकी होते, तोवर सुटला सुसाट वारा

उंच किती या भीषण लाटा, लढतो आहे सागर सारा
भरकटलो मी वाट हरवलो, दिसतो आहे कुठे किनारा ?

काडी काडी जोडून कसा, उभारलेला छान निवारा
वादळ आले उडून गेला, उरला खाली फक्त पसारा

मतलबी साऱ्या दुनिया मध्ये, कोण कुणाला देतो थारा ?
सरली आहे सगळी आशा, आता केवळ तुझा सहारा

Group content visibility: 
Use group defaults

काय म्हणावे या नशिबाला, जुळण्या आधी तुटल्या तारा
शीड बांधणे बाकी होते, तोवर सुटला सुसाट वारा
आवडली.