Submitted by द्वैत on 1 January, 2022 - 03:01
संध्येचे लेऊन रंग
संध्येचे लेऊन रंग
झाकले अंग
तरी ना परतून आले पक्षी
लाटांची उमगत गाज
बुडाली सांज
उमटली वाळूवरती नक्षी
तार्यांची गुंफुन माळ
जोडते नाळ
उदासीन आकाशाशी पाणी
काठावर चांदणभूल
तुझी चाहूल
शोधती नक्षत्रांची गाणी
गात्रांना स्मरते प्रीत
सखीचे गीत
लागते ओढ नव्या जन्माची
होतात पुन्हा आभास
नवा विश्वास
घालतो वीण मुक्या शब्दांची
द्वैत
विषय:
Groups audience:
Group content visibility:
Public - accessible to all site users
शेअर करा
सुंदर कविता...!
सुंदर कविता...!
छानच...
छानच...
धन्यवाद रुपाली, धन्यवाद निरु
धन्यवाद रुपाली, धन्यवाद निरु
छान !
छान !
मस्त
मस्त
गात्रांना स्मरते प्रीत
गात्रांना स्मरते प्रीत
सखीचे गीत
लागते ओढ नव्या जन्माची
होतात पुन्हा आभास
नवा विश्वास
घालतो वीण मुक्या शब्दांची
खूप सुंदर
वा!
वा!
धन्यवाद मंडळी
धन्यवाद मंडळी