स्मार्टफोनचे श्लोक...

Submitted by _आदित्य_ on 20 May, 2021 - 12:24

स्मार्टफोन जो प्रिय सर्वा कुणासी |
तयालागीं सारे विसरले जगासी ||
अति वापरे इंद्रिये नष्ट होती |
सगे सोयरे सर्वहीे लांब जाती || 1 ||

डिप्रेशनी देह पुरता बुडाला |
मनी षड्रिपुंचाही शिरकाव झाला ||
निरोगी नी योगी जनी भोगी केले |
असे होत रोगी कितीयेक मेले || 2 ||

उध्वस्त झाला पुरा नेटयोगे |
वायफायची तो तरी भीक मागे ||
ध्यानीमनी तो सदा फोन राही |
युसेज काही प्रमाणात नाही || 3 ||

यूट्यूब ते कामकारी विकारी |
फेसबुक नी व्हाट्सऍप ही खेदकारी ||
नको रे सदा व्हीडिओ गेम्स खेळू |
नको रे जनी तू असे शौक पाळू || 4 ||

विवेके अटॅचमेंट सोडूनि द्यावी |
जनी संगती पुस्तकांची धरावी ||
निसर्गात जावे हसावे रडावे |
आता पुरे स्वप्न, सत्यात यावे || 5 ||

-आदित्य

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा

कविता आणि फोटो छानच.

अति वापरे इंद्रिये नष्ट होती >>> डार्विनला नाराज करू नये. वापराविना शेपूट गेलं असं त्याचं म्हणणं आहे. यातून योग्य तो बोध घ्यावा.

Submitted by ------ on 20 May, 2021 - 12:38

धन्यवाद..
आणि.. मी मोबाईल च्या अति वापराने इंद्रिये नष्ट होतात असं म्हटलंय तिथे..
इंद्रियांचा अति वापर केल्याने ती नष्ट होतात असं नाही म्हटलंय.. so.. I think डार्विन नाही नाराज होणार..

Submitted by _आदित्य_ on 20 May, 2021 - 13:47

मस्त

Submitted by हाडळीचा आशिक on 20 May, 2021 - 14:28

Thanks

Submitted by _आदित्य_ on 20 May, 2021 - 14:48