Submitted by Gandhkuti on 20 April, 2021 - 04:23
रंग प्रार्थनेचे
सोनसळी बहावा फुले
जणू लक्ष लामणदिवे
नाम तुझे गोड देवा
सदा मनी मी ध्यावे
कृष्ण सावळी तुळस
डोले माझ्या अंगणात
रूप तुझे देखणे देवा
झुले माझ्या रे मनात
शुभ्र पांढरा तगर
मंदिराच्या दारात
सदा वसतोस देवा
तू माझ्या रे अंतरात
लाल पळस पांगारा
रूप तुझेच रे उदारा
तुझ्या नामस्मरणे
उजळे मनाचा गाभारा
केशराचे सडे
पारिजात घालतो
शिंपतो अत्तर केवडा
वाट तुझीच पाहतो
आकाशाची निळाई
रूप पाहते तळ्यात
तुझे गीत गाण्यासाठी
उतरे नादब्रह्म गळ्यात
तुझ्या कृपेचे इंद्रधनू
सप्तरंगात सजले
तुझ्यावर विसंबून
मी जागेपणी निजले
नीज तूच, तूच जाग
रंग तू, तूच गंध
शब्द तूच, तूच आर्त
नाद तू, तूच छंद
विश्वरूपी तू सर्वत्र
फुलात, पानात, दिपात
पूजा कशी करू तुझी मी
तू तर माझ्याही रूपात...
गंधकुटी
विषय:
Groups audience:
Group content visibility:
Use group defaults
शेअर करा
सुंदर लिहीली आहे..
सुंदर लिहीली आहे..
Thank you.
Thank you.
सुंदर
सुंदर
Thank you
Thank you
सुंदर
सुंदर
सोनसळी बहावा फुले
सोनसळी बहावा फुले
जणू लक्ष लामणदिवे
सुंदर
Thank you.
Thank you.
अप्रतिम आणि
अप्रतिम आणि प्रासादिक
I am so glad it is resonating
I am so glad it is resonating with others too.
Thanks.
आवडली कविता.
आवडली कविता.
सुंदर.
सुंदर.
Thanks
Thanks
सुंदर प्रार्थना.!!
सुंदर प्रार्थना.!!