हेल्दी नवरत्न सँलेड

( हेल्दी नवरत्न-सँलड )

- ✍️ ©सौ. शिवानी श्री.वकील©

वजन वाढीची समस्या बहुदा प्रत्येकालाच कमी अधिक प्रमाणात भेडसावत असते, त्यासाठी प्रत्येकजण आपापल्या पद्धतीने त्याचा सामना करत असतो, पण कधी कमी डाएट घेण्याच्या नादात शरीराला आवश्यक असणारे प्रोटीन-व्हिटँमिन- मिनरलस् योग्य प्रमाणात पुरवले जात नाहीत, कधी कधी कमी (कँलरीज) तेल तुप खाण्यासाठी पदार्थांची चवही हवी तशी नसते. अशावेळी डाएट करणे अवघड वाटू लागते आणि रसरशीत पदार्थ समोर दिसले तर मात्र डाएट पाळणे अवघड जाते.

एखादया दिवशी असे खाणे चालू शकते पण रोज काय खावे हा प्रश्नही छळत असतो. कधी वजनवाढ तर कधी आहाराचे पथ्य, तर सध्या रोगराई रोखण्यासाठी, ईम्युनीटी वाढवण्यासाठी, अशा एक ना अनेक कारणांसाठी आहाराचे तंत्र सांभाळून ठेवणे गरजेचे असते, अगदीच चवीचे न खाण्यापेक्षा या चटपटीत सँलेड रेसिपी आपण दिवसातून एकावेळी आपल्या सोयीनुसार ((सकाळी /संध्याकाळी) जेवणाला पर्याय म्हणून वापरु शकतो, त्यासाठी किती प्रमाण घ्यावे ते आपण आपल्या आवडीने ठरवू शकतो. आपण काही सँलेड रेसिपी बघु. प्रमाण (एका व्यक्तीसाठी) - त्या आधी काही टिप्स बघु -

- सोयाबीन नगेटस् / भाज्या शिजवताना पाण्यात
किंचीत मिठ घालून शिजवावे.
- नाँन वेज खाणार्यांनी सँलेड च्या जोडीला
एखाददुसरे उकडलेले अंडे घेतले तरी चालेल.
- उन्हाळ्यात भरपुर ताक घेऊ शकता.
- पालक /मेथी पाने अगदीच आवडत नसल्यास
सेलरीची घेऊ शकता.
- कांदा,मुळा देखिल आवडी प्रमाणे घालु शकता
- मशरुमही वापरुन पहा. बिट कधी कच्चे तर
कधी शिजवून वापरु शकता.
- आवडत असल्यास वरून थोडेसे आँलीव्ह
आँईल घालावे.
- एखादेवेळी आवडत असल्यास चवीसाठी ३-४
पास्ता मँकरोनीचे तुकडे शिजवून त्यात अँड
करु शकता.
- रोज दोन-तिन तुळस/पुदीना/कोथींबिर पाने अँड
करु शकता
- रोजसाठी प्रमाणाचा एक मोठा बाऊल तोच
ठेवावा.
- शक्यतो दोन्ही आहाराची रोज सारखी वेळ
ठेवावी.
-डाळिंबाचे दाणे, थोडे कच्चे मोडाचे धान्य, एखादे
वेळी घेऊ शकता.
- ज्या दिवशी कडधान्य घेणार असाल, त्याच्या
आदल्या दिवशी रात्री पाण्यात भिजत ठेवले तर
दुसर्‍या दिवशीव्यवस्थित मऊ शिजते. (चवळी,
छोले ई.)