पालखी

Submitted by सप्रसाद on 25 November, 2020 - 20:00

भूतकाळाची कबर उकरून झाली
राहिलेली हाडके चघळून झाली

होत आहे वेळ कसला निर्णयाला?
साक्ष सगळ्यांची अता वदवून झाली

वाटले, येशील मथुरेहून गावी
पण तुझी तर द्वारका वसवून झाली

जन्म सरल्यावर म्हणे, जगलोच नाही
कारणे आपापली ठरवून झाली

न्यायची आहे कुठे, माहीत नाही
जीवनाची पालखी सजवून झाली

विषय: 
तत्त्वज्ञान
Groups audience: 
गुलमोहर - गझल
Group content visibility: 
Public - accessible to all site users
शेअर करा

वा! सुरेख गझल.
मतला वेगळा आहे, इतर शेरही सहजसुंदर ....
- कुमार

Submitted by कुमार जावडेकर on 2 January, 2021 - 15:06