*कवी ग्रेस यांना काव्यांजली*

Submitted by किमयागार on 16 October, 2020 - 08:30

मी बराच भटकत गेलो
कवितेच्या ऐकून हाका
अर्थांचे विणले जाळे
शब्दांचा घेऊन धागा

दररोज तुझ्या सृजनाचे
रहस्य नवे उलगडते
प्रतिमांची उंची तुझिया
विश्वाला व्यापून उरते

तो आला , रमला, जगला
संध्येच्या कातर वेळा
तो महाकवी दुःखाचा
दुःखाला सजवून गेला

मज सूर्यास्ताची आता
हुरहूर सतावत नाही
तिन्हीत्रिकाळ संध्यासुक्ते
हृदयात ग्रेस गुणगुणतो.

-----©मयुरेश परांजपे(किमयागार)-----
१६/१०/२०२०

शब्दखुणा: 
Group content visibility: 
Use group defaults

छान! खूप छान!! तुमची हि काव्यांजली, नक्कीच पोहचली असेलत्यांच्यापर्यंत!

फारच सुरेख लिहिले आहे तुम्ही.
कवितेतले, त्यातही ग्रेस, फारसे कळत नाही.

पण ग्रेसच्या शैलीला दिलेली भाववंदना आमच्या सारख्या नूबला पण कळते म्हणजे खास जमलीये...