पेप्पर रस्सम

Submitted by mrunali.samad on 19 August, 2020 - 08:43
paper rassam
प्रत्यक्षात लागणारा वेळ: 
१५ मिनिटे
लागणारे जिन्नस: 

1. चिंच ( छोट्या लिंबाएवढी)
2. २ टोमॅटो
3. १/४ छोटा चमचा मेथी दाणे
4. कडीपत्ता
5. २ लाल सुक्या मिरच्या
6. 12-15 लसूण पाकळ्या(ठेचून)
7. मोहरी
8. हळद
9. हिंग
10. अर्धा छोटा चमचा काळी मीरे पावडर
11. अर्धा छोटा चमचा जिरं पावडर
12.कोथिंबीर.
13.तेल
14.मीठ

क्रमवार पाककृती: 

प्रत्येकाची रस्सम पद्धत वेगळी असू शकते.
माझी पद्धत माझ्या माहेरी हिट आणि सासरी सुपरहिट आहे. Happy
●पातेल्यात पाऊण ग्लास पाणी ,दोन टोमॅटो फोडी करून, चिंच आणि मेथी दाणे टाकून दहा मिनिटे उकळून घ्या.
●हे मिश्रण व्यवस्थित गाळून घ्या.
●पातेले गैस स्टोव्हवर ठेवून गैस चालू करा.
●पातेल्यात अर्धा छोटा चमचा तेल टाका.
●तेल तापल्यावर मोहरी, ठेचलेला लसूण, कडीपत्ता, हळद,हिंग,सुक्या मिरच्या, जिरे पावडर,पेप्पर पावडर टाका.
●लगेच वर गाळलेले चिंच टोमॅटो चे पाणी टाका.
●हवे तितके पाणी टाका.
●मिठ आणि कोथिंबीर टाका.
●एक उकळी आली की गैस बंद करा.

टैंगी,स्पायसी रस्सम तयार.
गरमागरम भातात, चमचाभर तूप, एखादे पोरीयल(सूकी भाजी).
लंच तयार.

अधिक टिपा: 

ज्यांना गोड आवडते त्यांच्या साठी:-
जिरे पावडर, मिरे पावडर स्किप करा. जिरे फोडणीत टाका आणि जराशी साखर टाका. बाकी क्रुती सेम. टोमॅटो रस्सम तयार.
ज्यांना आवडत असेल त्यांनी चमचाभर शिजवलेली तुर डाळ टाकावी अजून एक रस्सम प्रकार तयार.

माहितीचा स्रोत: 
मैत्रीण
पाककृती प्रकार: 
प्रादेशिक: 
Group content visibility: 
Use group defaults

खूपच छान, खिचडी सोबत आवडते. एकदा वेल्लोर वरून कुणी मसाला आणला होता फारच अप्रतिम व्हायचे ते रसम. आता असे करून बघते. हिवाळ्यात फारच छान वाटते सूप सारखे प्यायला.

वाह

सोपी आहे ही पाकृ.
पुढच्या खिचडीच्या वेळी करण्यात येईल.

हिवाळ्यात फारच छान वाटते सूप सारखे प्यायला.

हो अस्मिता, ईथे होसुर मधे नेहमी थंड हवामान असते. मस्त वाटतं प्यायला. वरणभात खाणारी मी, रस्सम भात तितकासा आवडत नाही.

टॉमेटोच्या फोडी जितक्या बारीक तेवढेच सोयीचे असेल ना?

हो फिल्मी,लवकर शिजतात आणि टोमॅटोचा सगळा गर व्यवस्थित गाळता येतो.

योकु, आपण लिंक दिलेल्या रेसिपीतील टिप्स अगदी योग्य आहेत.

फोडणी घातल्यावर रस्सम उकळू नका.
सर्दी असेल तर पेप्पर रस्सम ने घशाला मस्त आराम मिळतो.

मी हि असेच करते पेपर रस्सम ..नेहमीप्रमाणे माझा शॉर्टकट..टोमॅटो फोडी ऐवजी, टोमॅटो पेस्ट टाकते..आणि गाळत नाही....गरम गरम प्यायला मस्त लागते.. साऊथ इंडियन टोमॅटो सूप..

मला तरी रस्सम प्यायला आवडते.
पण दक्षिणेकडची लोकं मस्त आणि मस्ट रस्सम राईस खातात.
माझ्या मुलांना आणि नवर्याला आवडते भातासोबत. एरवी माझी अडीच वर्षाची मुलगी तासभर लावते जेवायला.रस्सम राईस असेल तर १५ मिनटात संपवते.
Happy

अरे वाह. छानचं पाकृ, फोटो मस्त आहे!
चिंचं आणि टोमॉटो शिजल्यावर गाळन्यापुरी कुस्कुरून घ्यायचे का? Mash करायचे का?

Webmaster
हा फोटो टाकता येईल का मुख्य चित्र म्हणून..
IMG_20201003_212930.JPG

लै भारी.
माझ्या मुलीला जाम आवडते. पण आम्हाला नुसतं प्यायला आवडतं सुप सारखं.

थँक्स mi_anu.

थँक्स जेम्स बॉन्ड.

आमच्याकडे हा पदार्थ फक्त नवराच आवडीने आणि चवीने खाणार. मग त्याला ती रसम पावडर विकत घेऊन देतो Wink
कष्टइवगैरे नको आम्हाला.
मस्त फोटो. Happy

Pages