शब्दखेळ (२)

माझ्या ब्रॉडबँडचे मॉडेम खराब झालेय काल. केव्हा बदलतील अजून सांगितले नाही.
आणि माझ्या घरी सेलफोन नेट फार तुटक चालतेय. त्यामुळे नेट शोध निराशाजनक आहे सध्या.

जलवायुविज्ञान?

९. वातावरणीय आविष्कारांच्या दीर्घकालीन अभ्यासाला ....... असे म्हणतात. ( 7, वा ). >>>>
७ अक्षरे + ३रे अक्षर वा ---- म्हणजे वातावरण विज्ञान लिहून साईसुट्ट्यो करणे होणे नाही.
मानव, भरत, देवकी, वावे. अवनी. साद, कूल अंजली, अनुराग, श्रवु, अस्मिता --- कोणी बघताय का?
हा शब्द लौकर आला....
चला सुटले कोडे !!!!!!!!!!!!

मस्त, मजा आली, जरी विशेष भाग घेतला नाही.

Kharach maja aali. प्रामाणिकपणे सांगायचे तर आता थोडा कंटाळा आला होता तितक्यात सर्व सुटलेही.

अहो मानव तुम्ही किती पटकन सांगितलंत..

प्रभंजन शब्द सोडला तर कुठलाच शब्द आधी ऐकला नव्हता.. आज बरेच नवीन शब्द नवीन अर्थ कळले..

आणि उत्तम झुंज दिली. >>> छान होते कोडे... झुंजायला लागले खरे.... तरीही मजा आलीच. सोपे लौकर सुटते म्हणून मजा आणि कठीण टप्प्याटप्प्याने सोडवण्यात मजा....

डोकं भिरभिरलं.

श्रवु, देवकी, तुम्हीही एक एक कोडे बनवा.... १०च प्रश्न..... आणि आपण आरामात असतो. लोक शोधतात.

मी तर सध्या खिडकीतूनच बघतेय.. वर्गात काय चाललंय ते..

कारवी, तुम्ही खरेच सुरेख सोडवलं.

कारवी, तुम्ही खरेच सुरेख सोडवलं>> हो ना.
मला एवढा पेशन्सच नाही शब्द शोधण्यासाठी!!

मी तर नेहमीच कस्काय जमतं बाई ......या मोड
मधे असते
तुहिन ची शोधयात्रा सांगा बरं जरा..

मी तर नेहमीच कस्काय जमतं बाई ......या मोड
मधे असते
तुहिन ची शोधयात्रा सांगा बरं जरा..
Submitted by अवनी >>>>>

थोडं लौकर विचारलं असतं तर लिंक देता आल्या असत्या. खूप सर्च हिस्टरी झाल्याने आणि आता ती कामाची नसल्याने साफ केली.
कस्काय जमतं बाई प्रश्नात गुरफटून घेण्यापेक्षा ..... सगळ्यांना जमतंय, यावेळेला मीपण जमके प्रयत्न करणार हे ठरवलं आणि कृती केली की जमतंच कधी ना कधी, काही ना काही. तेच आज झालं.

जो प्रवास,
तेज/सूर्य/ऊन प्राशन ----- पासून ----- सूर्यप्रारण पर्यंत;
XX चित्ररेखनतंत्र----- पासून ----- दूरचित्रपुनर्मुद्रण पर्यंत;
प्रकाशन ----- पासून ----- तेजःशर पर्यंत;
झाला, जो दिसतोय मागच्या पानांवर --- तसाच प्रवास तुहिनचाही झाला. फक्त दिसला नाही कारण दुय्यम ट्रॅकवर होता.

बर्फाशी संबंधित २ प्रश्न होते.
१. आमच्या अंगणात खूप गारा पडल्या. ( 5, तिसरे का )
३. माझ्या कोटावर बर्फाचे कण पडले.( 3, न)

जेव्हा जेव्हा गारासाठी शोधले तेव्हा तेव्हा बर्फाचे कणही शोधले.
** थोडा भाषेचा ‘शासकीय’ चष्मा घालायचा !
** त्यावर संस्कृतचा प्रभाव दिसतो.
हे दोन सूचक मार्गदर्शक कोडेकर्त्यांनी दिले आहेत.
शासकीय शब्दकोश + गुगलच्या मदतीने मराठी-हिंदी- इंग्लिश-संस्कृत सर्व भाषांत समानार्थी शब्द शोधणे -- हे केले.
बाकी काम हे द्विभाषिक शब्दकोश नेटवर उपलब्ध करून देणार्‍यांनी उत्तम करून ठेवले आहे.
शब्द शोधणे, त्याचा अर्थ व अक्षरसंख्या जुळवणे इतकेच काम आपल्याला उरते.
शब्द स्वीकारला गेला नाही तर तोच मार्ग पुन्हा चालायचा.

रात्री करून बघा जरूर. कदाचित तुम्ही माझ्यापेक्षा कमी वेळात आणि कमी श्रमात हुडकाल शब्द.
आणि स्वतः केल्याने कळेलही की नेमके कसेकसे टप्पे घेत पुढे जातो आपण..... पुढच्या कोड्यात कामी येईल.
शुभेच्छा.

धन्यवाद सर.
कोडे मस्त होते सोडवायला.
कारवी, खूप छान खेळलात.

कोण देतंय पुढले कोडे?

धन्यवाद सगळ्यांना....
आज कोणी नाही देत, दमले सगळे?

मी गूढ शब्दकोडी देइन २ वाजता.
सोपा दहावी बारावीचा पेपर.

दहावी बारावीही नाही, आठवी-नववीचा पेपर आहे.

गूढ शब्दकोडी:
कृपया स्पष्टिकरणासकट उत्तरे द्यावीत. आधी उत्तर देउन मग स्पष्टिकरण देता येइल.

१. प्रथम श्रेणी आणि गुच्छ देणे कठीणच. (४)
२. नवर्‍या मुला भोवती आले तेव्हा आटोपले. (4)
३ हो ला हो देण्यापूर्वी खाट देणारे धान्य. (३)
४. म्हातार्‍याला काठी देउन टोपी घालून वाढ.(२)
५. संपत्तीच्या मागे सूर लावल्यास येणारे मरण. (३)
६. धिप्पाड यम हाका चुकवतो. (४)
७. पुष्कळ न बोलणारा मध्येच जोर लावतो. (४)
८. न टिकण्यार्‍या बुद्धीकौशल्याभोवती संदेशवाहक फिरतो. (४)
९. जळणारा कोळसा सूर मीठ घातलेला. (३)
१०. कुणी इंग्रजी सून हिंदीत नाचली तर मध्येच दोन ठेवून द्या एकसारख्या. (४)

शोधसूत्रात र्‍हस्व दीर्घाच्या चूका नसाव्यात.
पण एखादा समानार्थी शब्द दीर्घ असेल आणि उत्तरामध्ये तो र्‍हस्व हवा असेल अर्थ न बदलता, तर तेवढे चालवून घ्यावे. ( पाणी / पाणि अर्थ बदलतो म्हणुन चालणार नाही.)

दोन्ही बरोबर!