डुप्लीकेट धागा

34 वर्षा नंतर शैक्षणिक धोरणात बदल

सविस्तर बातमी ईथे वाचा

https://www.bbc.com/marathi/india-53578620

हायलाईटस साधारण अश्या

१. दहावी आणि बारावी बोर्ड रद्द होणार आहेत

नवीन ५+३+३+४ आराखडा लागू होणार आहे.

पहिला टप्पा: पूर्व प्राथमिक ते दुसरी - पाच वर्षे
दुसरा टप्पा: तिसरी ते पाचवी- तीन वर्षे
तिसरा टप्पा: सहावी ते आठवी - तीन वर्षे
चौथा टप्पा: नववी ते बारावी- चार वर्षे

म्हणजेच उच्च माध्यमिक शिक्षण आणि माध्यमिक शिक्षण एकत्र करण्यात आले आहे !

२. शिक्षण व्यवस्थेत पहिल्यांदाच पूर्व प्राथमिक शाळेसाठी अभ्यासक्रम ठरवला जाणार आहे. देशातील सर्व पूर्व प्राथमिक शाळांना हा अभ्यासक्रम लागू असेल.

३. पाचवी पर्यंत मातृभाषेतून शिक्षण - हे नक्की काय आणि कसे याबाबत मी खूप उत्सुक आहे !
ईंग्रजीचे महत्व कमी होणे अत्यंत गरजेचे आहे. याकडे आपण पहिले पाऊल टाकले आहे हे फार दिलासादायक आहे.

४. सहावीपासून व्होकेशनल अभ्यासक्रम शिकता येणार आहे. यामध्ये कारपेंटर, लाँड्री, क्राफ्ट अशा विषयासाठी विद्यार्थ्यांना इंटर्नशिप करता येईल.
म्हणजेच व्यावसायिक शिक्षण शालेय शिक्षणात समाविष्ट केले जाणार आहे.

५. रिपोर्ट कार्डमध्ये विद्यार्थी, वर्गमित्र आणि शिक्षक यांचाही शेरा असणार आहे. शिक्षणाव्यतिरिक्त विद्यार्थी काय शिकला याचाही उल्लेख करायचा आहे.
एखाद्याची क्षमता जोखायची पद्धतच नाही तर शिक्षणाकडे बघायचा एकूणच दृष्टीकोण बदलतोय. पुस्तकी शिक्षणाच्या पलीकडचा विचार जो अगदी बारावीपर्यंत आपण केला नाही तो येणारी पिढी करेल.

६. महाविद्यालयीन शिक्षणात कला, वाणिज्य आणि विज्ञान अशा तीन शाखा प्रवेश प्रक्रियेत आहेत. पण नवीन मसुद्यानुसार कला आणि विज्ञान या शाखांमधले काही विषय निवडून विद्यार्थ्यांनी पदवीचे शिक्षण घेता येणार आहे. यामध्ये मानवी शिक्षण, विज्ञान, कला, स्पोर्ट्स, वोकेशनल कोर्स असे पर्याय असतील.
थोडक्यात, कला, वाणिज्य आणि शास्त्र असा शाखा निहाय फरक रद्द केला असून एकूण 8 सेमिस्टर चा हा कोर्स असेल ज्यात भाषा, गणित आणि शास्त्र हे विषय बंधनकारक करून इतर कोणतेही विषय आपल्या आवडीनुसार निवडता येतील.

एकूणच फारच आशादायी बदल आहे