मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by डॉ.विक्रांत प्र... on 25 June, 2020 - 13:49
मनीचे वस्त्र
**********
माझिया मनीचे
वस्त्र हे घडीचे
तुझिया पदाचे
स्वप्न पाहे ॥
किती सांभाळावे
किती रे जपावे
डाग न पडावे
म्हणूनिया ॥
मोडली न घडी
परी डागाळले
मोहाचे पडले
ठसे काही ॥
कुठल्या हवेचे
कुठल्या वाऱ्याचे
गंध आसक्तीचे
चिकटले ॥
कुठल्या ओठांचे
कुठल्या डोळ्यांचे
पालव स्वप्नांचे
फडाडले ॥
बहु दत्तात्रेया
समय तुम्हाला
आम्हा जोडलेला
काळ थोडा ॥
पाहुनिया वाट
जाहलो विरळ
फाटे घडीवर
आपोआप ॥
या हो क्षणभर
स्पर्शा हळुवार
विक्रांत जुनेर
धन्य करा॥
Groups audience:
Group content visibility:
Public - accessible to all site users
शेअर करा
खूपच छान...
खूपच छान...
सुरेख !
सुरेख !
धन्यवाद स्वाती रुपाली
धन्यवाद स्वाती रुपाली
सुंदर
सुंदर