एक बाग - कोरोनाच्या दिवसांत

Submitted by दवबिंदू on 2 June, 2020 - 10:46

हिरवी मखमल अंथरलेली,
बाग एक फुललेली,
मुलांशिवाय हिरमुसलेली.

झोपाळा थांबलेला,
सी-साॅ झुकलेला,
घसरगुंडीचा चेहरा उतरलेला,
बाक एक एकटाच बसलेला.

फुलांनी विचारलं फुलपाखरांना,
"मुलं का येत नाहीत खेळायला?"
फुलपाखर॔ म्हणाली, "काही कळेना!
चिऊताईला सांगायला हवं.
खिडकीत त्यांच्या डोकावून ये.
काय? कसं? विचारुन ये."

भूभू म्हणाला, "मनीमाऊला,
"पिल्लांना सोबत घेऊन जाऊ.
मुलांशी दुरुन खेळून येऊ."

हिरवी मखमल अंथरलेली,
बाग एक फुललेली,
मुलांशिवाय हिरमुसलेली.

- दवबिंदू

विषय:

शब्दखुणा:

Groups audience:

Group content visibility:

Use group defaults