पाऊस

Submitted by _तृप्ती_ on 20 May, 2020 - 23:06

कालचा पाऊस खिडकीशी थडकला, गालावर ओघळला
तसे त्याचे येणे जाणे नित्याचे, कधी भरतीचे, कधी सरतीचे

वीज कडाडली, काच तडकली,आवाजही झाला
ढगांचा गडगडाट, तुटण्याचा आवाज मीच ऐकला

त्याला पर्वा नव्हती कशाची,कोसळत होता
आडवा तिडवा, बेभरवशी अन सैरावैरा

मेघ आटले, तोही थकला अन मग थांबला
आता मला कळले तो मला आरपार भिडला

तो मोकळा झाला आणि मी कोसळत राहिले
तडकलेल्या त्या काचेबरोबर तुटत राहिले

विषय: 
काव्यलेखन
शब्दखुणा: 
पाऊस
Groups audience: 
गुलमोहर - कविता
Group content visibility: 
Use group defaults
शेअर करा

छान....

Submitted by मनोजकुमार देशमुख on 21 May, 2020 - 14:15

मस्त

Submitted by राजेंद्र देवी on 22 May, 2020 - 00:59

तो मोकळा झाला आणि मी कोसळत राहिले
तडकलेल्या त्या काचेबरोबर तुटत राहिले >>>

या कडव्याला भुवया उंचावल्या! मग कविता पुन्हा वाचली समजून घेतली.

व्हाट ए ब्यूटी!!!! _/\_
फार दिवसांनी बेहतरीन कविता वाचली!!

Submitted by जव्हेरगंज on 25 May, 2020 - 12:25

@जव्हेरगंज, तुम्ही भरभरून दिलेल्या प्रतिसादाबद्दल खूप धन्यवाद. मी फारश्या कविता लिहीत नाही. गोष्ट सहज होते. पण सध्या कविता उतरते आहे तर लिहिते आहे. अजून काही लिहिलं तर पोस्ट करेन.
@सामो, धन्यवाद.

Submitted by _तृप्ती_ on 31 May, 2020 - 07:39