ॐनम:शिवाय

Submitted by vijaya kelkar on 4 March, 2019 - 19:57

ॐनम:शिवाय

भोळा उमापति । कैलासाधिपति । भूतअधिपति ।
पशुपति ।।
शिरी गंगा धरी।गळा विषधर ।मृगचर्मधारी ।
मदनारि ।।
महादेव शंकर । प्रणव ओंकार । रुद्र विश्वंभर
हरहर ।।
सदा भस्म लेप । सदा राम नाम ।सदा उग्र तप ।
सदाशिव ।।
दानवदमना । त्रिपुरमर्दना । त्रिदोषशमना ।
निरंजना ।।
परम पावन । रुद्राक्ष धारण । करी भक्त जन ।
पंचानना ।।
ॐनम:शिवाय। ॐनम:शिवाय । ॐनम:शिवाय ।
नमो नम: ।।
विजया केळकर_______