आवाहन - कविता पाठवा : कै. सुचेता जोशी स्मृतीप्रीत्यर्थ काव्यस्पर्धा (नवोदितांसाठी)

Submitted by अ. अ. जोशी on 20 February, 2013 - 01:07
ठिकाण/पत्ता: 
कविता पाठविण्यासाठी पत्ता:- वर नमूद केलेल्या तारखेपर्यंत कविता पाठवाव्या. अ. अ. जोशी, १२ बी, दुर्वांकूर, वृंदावन हौसिंग कॉम्प्लेक्स, कोथरूड, पुणे ४११०३८. महाराष्ट्र. ईमेल : suchetanantprakashan@gmail.com

नमस्कार,
कै. सुचेता जोशी काव्यस्पर्धेचे यंदाचे ४थे वर्ष. दरवर्षी वेगवेगळ्या विषयांवरच्या कविता या स्पर्धेसाठी मागविल्या जातात. त्या कवितांचे काव्यलेखनाचे परीक्षण केले जाते. त्यातील पहिल्या १५ ते २० कवितांचे प्रत्यक्ष काव्यवाचन त्या त्या कवीने सादर करायचे असते. त्यानुसार ५ क्रमांक काढले जातात. आतापर्यंत जवळपास १५० कवींनी यात सहभाग घेतला आहे. आतापर्यंत व्यक्ती, पाणी, निसर्ग संतुलन असे विषय गेले तीन वर्ष दिले होते.

दरवर्षी ही स्पर्धा पार पडल्यानंतर मी मायबोलीवर स्पर्धा कशी झाली याबद्दल सांगत असे. मात्र, मागील वर्षी काहींनी ही माहिती स्पर्धेच्यावेळी सांगावी असे सुचविले होते. त्याप्रमाणे आवाहन करीत आहे.

या स्पर्धेत शक्यतोवर नियमित मायबोलीवर अथवा जालावर लिखाण करणार्‍यांनी भाग घेऊ नये ही विनंती. मात्र सूचना जरूर कराव्यात. आपल्याला माहित असणार्‍या आणि भाग घेण्याची इच्छा असणार्‍या कवींना आपण ही माहिती जरूर सांगू शकतो.

स्पर्धेत भाग घेणार्‍यांसाठी :
१) स्पर्धेसाठी "माणुसकी" या विषयावर आधारीत १ कविता आणि दुसरी इतर कोणत्याही विषयावर आधारीत कविता, अशा दोन स्वरचित कविता पाठवाव्यात.
२) दिनांक २८ फेब्रुवारी २०१३ पर्यंत कविता नमूद केलेल्या पत्यावर पोचाव्यात.
३) काव्यलेखनाच्या गुणांकनाप्रमाणे पहिल्या जास्तीत जास्त २० कवींना कार्यक्रमासाठी निमंत्रित करण्यात येईल.
४) मोठी बक्षिसे देण्यासाठी आम्ही कोणताही फंड गोळा करायचा नाही असे ठरविले आहे. त्यामुळे केवळ स्मृतीचिन्हाच्या स्वरूपातच सन्मानित करण्यात येते.
५) कवींमध्ये एकप्रकारे काव्यमैत्री व्हावी हा उद्देश स्पर्धेमागचा आहे.
६) क्रमांक काढताना जात, धर्म, संप्रदाय, वय, शिक्षण, इ. काव्यात्मकता सोडून कोणत्याही गोष्टीचा विचार केला जात नाही.
७) कविता पाठविणार्‍या कवींनी स्वतःचीही काव्यक्षेत्राबद्दलची माहितीही पाठवावी.

ही स्पर्धा या वर्षी साधारणपणे मार्चच्या शेवटच्या शनिवारी/रविवारी होईल. नक्की झाल्यावर कळवेनच.

कळावे,
आपला
अ. अ. जोशी

तारीख/वेळ: 
Thursday, February 28, 2013 - 07:30 to 07:36
Group content visibility: 
Public - accessible to all site users