मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 2 October, 2018 - 15:17
स्वतःपासून थोडेसे स्वतःला दूर नेताना
मला मी जाणते आहे तुला समजून घेताना
नको सांगूस काहीही, मलाही माहिती आहे
तुलाही त्रास होतो ना मला मी त्रास देताना ?
कशीशी चुकविली होती विचारांची तुझ्या गर्दी
बरोबर गाठते खिंडीत माझी वाट येताना
तुझ्या चांगुलपणाबद्दल कुठे संदिग्धता आहे ?
मलाही दे जरासा त्यातला इतरांस देताना
असे नाहीच की माझ्यापुढे पर्याय नाही...पण
तुझा खांदातरी देशील ना उचलून नेताना ?
सुप्रिया
विषय:
Groups audience:
Group content visibility:
Public - accessible to all site users
शेअर करा
तुलाही त्रास होतो ना मला मी
तुलाही त्रास होतो ना मला मी त्रास देताना ?>>सुरेख.
असे नाहीच की माझ्यापुढे
असे नाहीच की माझ्यापुढे पर्याय नाही...पण
तुझा खांदातरी देशील ना उचलून नेताना ?
मस्त
तुलाही त्रास होतो ना मला मी
तुलाही त्रास होतो ना मला मी त्रास देताना ?>>
सुंदर शब्दरचना...
तुझ्या चांगुलपणाबद्दल कुठे
तुझ्या चांगुलपणाबद्दल कुठे संदिग्धता आहे ?
मलाही दे जरासा त्यातला इतरांस देताना >>> खूप छान