चित्रपटाचा ट्रेलर कसा वाटला?

Submitted by ऋन्मेऽऽष on 11 February, 2017 - 04:35

नवीन प्रदर्शित होणार्‍या चित्रपटांच्या ट्रेलरवर चर्चा करायला हा धागा.
मराठी, हिंदी, ईंग्लिश तिन्ही भाषेतील चित्रपट याच धाग्यात चालतील.
चित्रपट प्रदर्शित झाल्यावर आणि बघितल्यावर मात्र चित्रपट कसा वाटला हा धागा वापरा Happy

विषय: 
Groups audience: 
Group content visibility: 
Public - accessible to all site users

मनमर्जिया ट्रेलर बघितला. विकी कौशल आवडतो, पण सिनेमा बघेन की नाही माहिती नाही.
विकी कौशलने भारंभार सिनेमे करू नयेत असं समहाऊ ट्रेलर बघताना वाटलं.

सुई-धागा ट्रेलर आवडला. सिनेमा चांगला असावा अशी आशा करायला हरकत नाही. वरूण धवनला चांगल्या भूमिका मिळायला हव्यात.

मन्टो या सिनेमाचा ट्रेलर पाहून उत्सुकता वाटू लागली आहे. नंदिनी दास निर्माती दिग्दर्शक आहे. पिरीयड फिल्म साठी आवश्यक वातावरणनिर्मिती उत्तम असल्याचे जाणवले. नवाजुद्दीनचे जे काही दोन चार सीन्स आहेत त्यात त्याने संयमी भूमिका केल्याचे दिसते. दंगलीची पार्श्वभूमी वगैरे ट्रेलरमधे पण अंगावर येणारी.
एकंदरीतच मन्टोची ओळख करून घ्यायला हा सिनेमा न्याय देईल असे वाटले ट्रेलरवरून.

माफ करा. नंदिनी दास नव्हे नंदीता दास. ती निर्माती नाही. फक्त दिग्दर्शक आहे. निर्माते बक्कळ आहेत.

स्त्री - कॉमेडी हॉरर पिक्चर आवडतात। राजकुमार राव आणि श्रद्धा कपूर कॉम्बि छान दिसते।
एक राधा एक मीरा - गश्मीर, मृन्मयी आणि सुरभी गोखले। तिघेही फ्रेश दिसलेत। स्टोरी काय असेल कळत नाही प्रोमो वरून।

शुभलग्न सावधान - हा सिनेमा माझ्या काही शाळूसोबत्यांनी मिळून produce केला आहे.

'बोगदा' - मराठी सिनेमा. ट्रेलर फसलेला वाटला!

मन्टो या सिनेमाचा ट्रेलर पाहून उत्सुकता वाटू लागली आहे>>> नवाज कमाल करनार आहे ह्या चित्रपटात.

chitti is back. थलैवा रजनीकांतच्या २.० चित्रपटाचा टीजर आज रीलिज झाला. चिट्टीच्या करामती पुन्हा पहायला मिळणार.

तुंबाड चा नवा २ मिनीट ५१ सेकंद चा ट्रेलर भयंकर आहे.
पिक्चर नारायण धारप ची बळदाची गोष्ट आणि आजी/हस्तर ची गोष्ट यांचे कॉम्बीनेशन वाटते.(अर्थात पटकथा लेखकाने रिसर्च करुन परदेशी साहित्यातून बनवलेली पूर्ण वेगळी कथाही असू शकते.ट्रेलर वरुन अंदाज बांधणं योग्य नाही.)
मुख्य कलाकार मुलगा आणि मुख्य कलाकार माणूस दोघंही तरतरीत आहेत.
पिक्चर चालणार हे नक्की.

अरारा
एकदम बकवास वाटला ट्रेलर. Lagaan स्टाइल पण जरा डार्क असेल असे वाटले होते हे तर भलतेच काहीतरी विचित्र निघाले. Thugs of Hindustan कमी आणि pirates of the Caribbean ची नक्कल जास्त वाटतो आहे.

ठग्ज ऑफ हिंदुस्तान बहुतेक क्रांतीचा आणि पायरेट्सचा एकत्र रिमेक दिसतोय.
चना जोर गरम च्या जागी कुठले गाणे आहे ?

ठग्स ऑफ ही हिंदुस्थान नावावरून हा ठग गँग बद्दल असेल असे वाटले, हे काहीतरी भलतेच आहे,
जितू, धरमु ला घेऊन जे धरम वीर, राजतीलक वगैरे पिक्चर बनायचे त्याची चकचकीत आवृत्ती वाटते.

त्यात आमिर आत्ता जरी फुटीर माणसाच्या भूमिकेत दिसत असला तरी शेवटी तो आझाद ला मदत करणार हे नक्की.

बझारचा ट्रेलर बघितला. एकदम भारी मसालापट वाटतो आहे.

इथे सोन्याबापूंनी लेख लिहिला होता ठग्सबद्दल. योगायोगानं त्यानंतर थोड्याच दिवसांत चित्रपटाची घोषणा झाली तेव्हापासून चित्रपट बघायचा असं ठरवलं होतं पण ट्रेलर बघून निराशा झाली.

thugs of hindustan
https://www.youtube.com/watch?v=zI-Pux4uaqM >> पायरेट्स.. डिट्टो..
अगदी आजुबाजु जहाजं येऊन एकमेकांवर तोफा डागतायत तिथुन सुरुवात आहे.. काय साला त्रास आहे..
आमिर खान जॅक स्पॅरोच्या भुमिकेत दिसतोय.. तलवारी पन कसल्या बोर आहे श्या..

ट्रेलरवरुन तरी खर्‍या ठग-पेंढार्‍यांचा दूर-दूरपर्यंत काहिहि संबंध असेल असं दिसत नाहि. ठगांचं समुद्री चाच्यांमधलं रुपांतर हा सिनेमॅटिक लिबर्टीचा भाग असावा असं वाटतंय.... Happy

इंग्रज वगैरे चा काय संबंध आहे? स्वातंत्र्य युद्ध वगैरे घुसडणार आहेत का त्यात? आमीर ओवरअ‍ॅक्टिंग करत आहे असे वाटतेय.
कत्रिना अगदीच मॉडर्न आयटम गर्ल, आणि कम्प्लीटली आउट ऑफ प्लेस वाटते आहे.

इंग्रज वगैरे चा काय संबंध आहे? >> आजची क्रिमिनल डॅटाबेस सिस्टिम, सेंट्रल ब्युरो ऑफ ईन्वेस्टिगेशन सिस्टिम वगैरे संकल्पना स्वातंत्रपूर्वकाळात ज्या ईंग्रज अधिकार्‍याने मांडली आणि काही प्रमाणात अंमलात आणली ती त्या काळाच्या 'ठ्ग्ज ऑफ हिंदुस्तान' च्या मेंबर्स आणि लीडरला पकडण्यासाठीच. म्हणून ईंग्रज आणि ऊत्तर हिंदुस्तानच्या भगभगीत बॅकड्रॉपवर जुन्या काळातले ईंटेन्स (ठ्ग्ज अतिशय क्रूर असत) चोर-पोलिस असे ठग्ज-ईंग्रज नाट्य अपेक्षित होते.

आमीर खान आणि यश राज फिल्म्स बिग नो नो काँबिनेशन आहे हेच खरे.
अजय अतुलचे म्युझिक सुद्धा 'पायरेट्स' ईन्स्पायर्ड वाटले.
कमर्शिअल सिनेमा म्हणायचे झाले.. मेंदू बाजूला काढून ठेवतो तसे मग अ‍ॅक्टर्/डिरेक्टर्स ची पुण्याई सुद्धा मनातून काढून टाकायची...
घोर निराशा..

ठ्ग्ज अतिशय क्रूर असत >> हो तेच वाचले होते. ठग्ज बद्दल कसलाही पॉझिटिव ट्विस्ट ऐकला नव्हता कधी. त्यांना हिरो म्हणून कसं दाखवणार हाच प्रश्न होता. पण़ हे लोक या सिनेमात ठग्ज हे छुपे स्वातंत्र्यवीर होते असले काही लॉजिक दाखवणार असतील तर अवघड आहे. व्हॉट अ वेस्ट ऑफ टॅलेन्ट!

ठग्ज चा ट्रेलर पाहुन घोर निराशा झाली. खरेतर इथे इंग्रज नायकाच्या भूमिकेत व भारतीय ठग्ज खलनायकाच्या भूमिकेत घेऊन एक विचित्र पॅरॉडॉक्सीकल चित्रपट बनवता आला असता. आधी लीक झालेल्या पोस्टर्सवरुन खरेतर तसेच वाटत होते. आमीर अमिताभ क्रूर ठग्ज गॅन्गचे मेम्बर्स असे काही. पण चित्रपट पाहुन वर कोणीतरी लिहिल्याप्रमाणे क्रांती + पायरेट्स ची भ्रष्ट कॉपी वाटते आहे. चित्रपट टीवीवर आल्यावरच पाहीन.
अवांतर : फातिमा साना कातिल दिसली आहे ट्रेलरमध्ये.

Pages