Submitted by Asu on 22 July, 2018 - 00:37
विठ्ठल दर्शन
रूप तुझे सुंदर, पाही निरंतर |
रिकामे मंदिर, अंतर्यामी ||
कटीवर तव हात, नाही तू बोलत |
गरीबाची हालत, पाहोनिया ||
काय तुज मागू, नाही तुजपाशी |
राही मी उपाशी, पंढरीशी ||
काय तुज देऊ, नाही मजपाशी |
भक्तीभाव पायी, ठेवियला ||
दगडाच्या देवा, नाही तुझा हेवा |
खाशी तू मेवा, विटेवरी ||
पंढरीशी आलो, तुझ्या दर्शनाला |
नाही तू दिसला, पंढरीला ||
वारकरी गोंधळ, रिकामे देऊळ |
सर्वत्र धावपळ, शोधण्याला ||
घेऊन एकतारी, बैसला भिकारी |
तिथे तुझी स्वारी, विठ्ठला ||
धन्य धन्य झालो, केला सहवास |
सोडी उपवास घास, भरोनिया ||
- प्रा.अरुण सु.पाटील (असु)
https://www.facebook.com/AsuChyaKavita
शब्दखुणा:
Groups audience:
Group content visibility:
Public - accessible to all site users
शेअर करा
वाह! छान!
वाह! छान!
मस्तच!
मस्तच!
छान. विठ्ठलाशी लटके भांडणही
छान. विठ्ठलाशी लटके भांडणही छान.
फक्त भिकारी खटकला ...... कारण
नसे राऊळी वा नसे मंदिरी
जिथे राबती हात तेथे हरि
छान !
छान !