Submitted by सुप्रिया जाधव. on 18 July, 2018 - 07:26
ह्याचसाठी बोट मी धरते तुझे
एक आहे तान्हुले माझ्यामधे
एवढ्यासाठीच मी उरते खुजी
वाढले की वस्त्र पडते तोकडे
ठेंगणा केलास दरवाजा तुझा
सांग ना वाकू कितीदा सारखे ?
का असा बघतोस तू माझ्याकडे ?
काय केलेले तुझे मी वाकडे ?
थांबला आहेस का दारामधे ?
आत ये किंवा मला कर मोकळे
सांगते आहे तुझे दुर्लक्ष हे
लक्ष आहे पूर्णतः माझ्याकडे
पकडली नाहीस तू जागा तुझी
मोकळे होते कधीचे बाकडे
सुप्रिया
विषय:
Groups audience:
Group content visibility:
Public - accessible to all site users
शेअर करा
छान आहे! आवडली!
छान आहे! आवडली!
मस्तच !
मस्तच !
खुप सुरेख पण
खुप सुरेख पण
पकडली नाहीस तू जागा तुझी
मोकळे होते कधीचे बाकडे
हा शेर नसता तरी चालले असते.
ठेंगणा केलास दरवाजा तुझा
सांग ना वाकू कितीदा सारखे ?
थांबला आहेस का दारामधे ?
आत ये किंवा मला कर मोकळे
खास!!
सांगते आहे तुझे दुर्लक्ष हे
लक्ष आहे पूर्णतः माझ्याकडे
हा सुरेख!
कमी श्ब्दात गझल बांधणे हे एक खास कौशल्य आहे.
आवडली गझल.