Submitted by सुप्रिया जाधव. on 8 November, 2017 - 10:13
बंजर ...
मित्राची बायको,
बायकोची मैत्रिण,
सख्खी शेजारीण,
गरजू नातेवाईक,
नाहीतर हक्काने पैसे मोजलेली
डांस बार अदाकारीण,
उरली-सुरली मोलकऱीण
अगदी कुणी कुणीही चालायचे तुला !
.
.
.
तळपता सूर्य माझ्या माथी मारून
तुझ्या क्षितिजदूर चौफेर कोसळण्याला
ना नव्हती माझी !
कोसळेनास का बाबा !!
पण एक सांग ..
अतिवृष्टीच्या पट्ट्यावर कोसळण्यात
कसला साधायचास रे पुरूषार्थ ?
कधी भेगाळल्या जमिनीवर
चार शिंतोडे शिंपडून दाखवले असतेस ?
तर तर ..
नसतीच झाली मनाची जमीन बंजर
अगदीच फळफुल नाहीत
पण निश्चित दिसली असती
टवटवीत प्रसन्न हिरवळ
निदान
आल्या-गेल्या
थकल्या भागल्या वाटसरूला सुखावणारी !
सुप्रिया
विषय:
Groups audience:
Group content visibility:
Public - accessible to all site users
शेअर करा
क्या बात है!!!
क्या बात है!!!
फॅन झालो तुमचा!!!!
मनापासून धन्यवाद आपले
मनापासून धन्यवाद आपले