नदीच्या वाहण्याची गोष्ट!!
माझी फिल्म येतेय. त्या प्रवासाबद्दल थोडसं लिहिलं होतं ब्लॉगवर. तर माचकरांनी ते आपल्या पोर्टलसाठी परत आणि तपशिलात लिहून मागितलं. तो परत लिहिलेला लेख अॅडमिनच्या परवानगीने इथे टाकतेय. हा प्रवास इथे शेअर करताना मला खरंच खूप आनंद होतोय. श्वासच्याही आधीपासून मायबोलीशी माझं नातं आहे. त्यामुळे मायबोलीचे माझ्या आयुष्यात एक स्पेशल स्थान आहे. हे एक कारण आणि दुसरं म्हणजे यातला माझा बराचसा प्रवास चालू होता त्या काळात मी मायबोलीवर भरपूर अॅक्टिव्ह होते. अनेकांना माझ्या इकडेतिकडे फिरण्याच्या कहाण्याही सांगितल्या आहेत तेव्हा. तर हा लेख.
'मला नदी, पाणी याबद्दल कराविशी वाटतेय फिल्म!’ 'चालेल. करूया!’ असा एक संवाद आमच्यात घडला तो दिवस.
’इथे घरात नळाला पाणी येतं आपल्या. ते कुठल्या धरणातून येतं माहितीये पण धरण कुठल्या नदीवर आहे? नदीचं काय झालंय हे कुठे माहितीये आपल्याला? इथे नद्यांची तर परिस्थिती बिकट झालेली आहे. याचा शोध घ्यायला हवा.’ संदीप मनापासून बोलत होता. मलाही पटलंच.
काम सुरू झालं. पाणी, नदी याबद्दलची पुस्तकं जमा होऊ लागली. ती वाचून काही माहिती जमा होऊ लागली. जलतज्ञ माधवराव चितळे, हिवरे बाजारचे पोपटराव पवार अश्या दिग्गजांशी संपर्क साधला. त्यांच्या कामाबद्दल समजून घेतले. कधीही विचारांची देवाणघेवाण, चर्चा करायची गरज पडली तर माधवराव चितळे आवर्जून वेळ काढत.
महाराष्ट्राचे जलनायक वाचून मग एक दिवस जागतिक बॅंकेच्या जलस्वराज्य योजनेचे काम समजून घ्यायला आकेरीला डॉ. देवधरांच्या घरी जाऊन पोचलो. जलस्वराज्याचे काम बघितलेच पण भगीरथ ग्रामविकास प्रतिष्ठानचे काम आणि डॉ. देवधरांचा वेगळा दृष्टिकोनही समजायला लागला. तिथून सुरू झाला संदीपचा नद्यांचा, नद्याकाठच्या गावांचा शोध.
प्रत्येक दौर्यानंतर नदी, नदीकाठची आणि नदीची माणसं फिरून संदीप घरी यायचा तेव्हा त्याच्या सगळ्या असण्याला येणारा जंगलाचा, नदीचा हिरवा वास. त्याच्या बरोबरच्या कुठल्या तरी पिशवीतून निघालेलं एखादं रानफूल, एखादा दगड, मुंढरच्या साळवींच्या शेतातली तवशी आणि माणसांच्या रग्गड कहाण्या.
यावेळेला धरणामुळे विस्थापित झालेला एकजण भेटला. डोळ्यात पाणी होतं त्याच्या.
मायनिंगसाठीची जनसुनावणी बघून आलो. खोटेपणाचा कळस.
एक म्हातारबाबा भेटले होते. आयुष्यभर कष्ट केल्याच्या खुणा होत्या अंगावर. ’आयुष्य खूप सुंदर गेलं!’ म्हणाले.
गोव्यात राजेंद्र केरकर आहेत, त्यांच्या घरी अनेक मुलं शिकायला राहतात. सगळ्यांना जंगल पाठ असतं. त्यांची समृद्धी एवढीश्शी आहे पण कधीही जंगलात नदीवर जायला तयार.
डॉ बापू भोगटेकडे जाऊ एकदा आपण. रानडुकराची शिकार ते कोंबडीपालन सगळ्यामधे एक्स्पर्ट माणूस आहे.
समीरचं कृषि पर्यटन केंद्र, सचिनचे हळदीचे प्रयोग, पौनीकरांचा वेगळा दृष्टीकोन, हेमंत तांबेच्या टिप्पण्या, नितूची कलिंगडाची शेती, प्रसादचे (डॉ. देवधर) ग्रामविकासासाठीचे प्रयोग आणि बायोगॅस नावाचं त्याचं लाडकं प्रकरण.
एक मुलगी आहे. विशीबाविशीची. तिचं नदीशी नातं आहे... पटकथेने आकार घ्यायला सुरूवात केली.
पटकथेचा आवाका संदीपच्या नजरेत आल्यावर मग मीही त्याच्याबरोबर नद्या फिरायला सुरूवात केली. तिथलं जग, माणसं, निसर्ग सगळं ’बघायचं’ होतं मला आणि योग्य वेळी कॅमेर्यासमोर उभंही करायचं होतं. तेव्हा त्या निसर्गाला भिडताना माझ्या शहरी गाभ्याला सुरूवातीला दडपायला झालं. पण त्या दडपणाचं हळूहळू मैत्रीत रूपांतरही झालं. मग खळाळतं, वाहतं पाणी नजरेला, पायाला भिडल्यावर माझी तंद्री लागणंही सुरू झालं.
पटकथा आकार घेत असतानाच अभिनयाच्या कार्यशाळा आणि स्क्रीनटेस्टसही सुरू झाल्या. त्यात आमची, अंतीची माणसं सापडत गेली. एका ऑडिशनला समोर पूनम मांद्रेकर (आता शेटगावकर) समोर आली. हीच आपली नदीशी नातं असलेली मुलगी. तंतोतंत.
डॉ. हर्षदा देवधरची वीस रूपयाच्या नोटेची कविता. डॉ. प्रसाद देवधरबरोबर फिरताना उमजत गेलेलं कोकण, कोकणातलं गाव, कोकणी माणूस आणि राजकारण. पाण्याचं, जमिनीचं, निसर्गाचं राजकारण.
गोव्याचा श्रीकांत जोशी, त्याचं फार्म आणि तिथे येणारे मोर. आमचं गोव्यातलं घरच असल्यासारखं. असं निघून नसतं जायचं रे श्रीकांत! आता माझ्या आणि संदीपच्या डोक्यावर हात ठेवून ’सूरज कही भी जाये, तुमपर ना धूप आये!’ कोण म्हणणार?
नदीचे रंग, झाडांचे पोत, ऋतूंची रूपे, माणसांच्या रंगरेषा... ’परीसराची एकेक शीर जाणतेय मी!’ याची अनुभूती मिळेतोपर्यंत सगळा आसमंत हळूहळू आत झिरपू द्यायचा.
एखाद्या गावाचा चेहरा आनंदी दिसला की समजावं इथली नदी वाहती आहे. लोकांची आयुष्यं समृद्ध करतेय. गाव आणि नदीचं हे नातं अप्रूपाचं, सांभाळून ठेवण्याचं.
हे माझे पहिलेच कलादिग्दर्शन. आणि बरोबर कितव्यांदातरी केलेले वेशसंकल्पनही होते.
"कुणी निर्माता आपल्यासाठी उभा राहणार नाहीये. जमवू काहीतरी पैशाचं. आपणच करायला हवं." "तुझं श्रेय तुझंच असायला हवं आता. आपणच करायला हवं." अश्या संवादांचा एक दिवस. निर्माता बनायचं राज्य घेऊन बसलो. मग बाकीच्या कामाबरोबर पैसा उभा राहण्यासाठी प्रयत्न करणे आणि वाट बघणे हे आलंच.
शूटींगपर्यंत पोचलो. पहाटे पहाटे सावंतवाडीत तलावाच्या बाजूला कार्स, व्हॅन्स, ट्रक्स मिळून १५ -१६ गाड्यांचा जथ्था. सगळ्या गाड्या रांगेने लोकेशनवर पोचणार. अगदी कुडाळहून नाश्ता घेऊन आलेला टेम्पोही त्यातच. एकावेळेला १५-१५ दिवस सलग शूटिंग. अर्धे दिवस गोव्याच्या जंगलात अर्धे दिवस सिंधुदुर्गातल्या कानाकोपर्यात.
अजून असंख्य बारीक सारीक गोष्टी. या प्रवासाचे साथीदार आणि साक्षीदार असलेले असंख्य मित्र व सहकारी. या सगळ्या सगळ्यातून आता फिल्म रिलीज होतेय. नदी वाह्ती होतेय या सप्टेंबरमधे २२ तारखेला. ती वाहती ठेवणं तुमच्या हाती. तिकीट काढून प्रेक्षागृहात जाऊन फिल्म बघा अशी विनंती करून तुमच्या शुभेच्छा गृहित धरते आहे.
नदी वाहते चे दोन टिझर्स प्रसिद्ध झाले आहेत त्यांचे दुवे इथे देते आहे.
पहिला टिझर
- नी
<<<जबरदस्त प्रवास आहे नदी
<<<जबरदस्त प्रवास आहे नदी वाहतेचा , तुमचं कष्ट , झपाटलेपण दिसून येतयं .>>>
नदी वाहते टीमला खुप खुप शुभेच्छा !
शुभेच्छा नी!!
शुभेच्छा नी!!
तुमच्या सर्व टिमला खुप खुप
तुमच्या सर्व टिमला खुप खुप शुभेच्छा . नक्की पाहणार चित्रपट .
थँक्स ऑल!
थँक्स ऑल!
च्रप्स, टिझर मुळात फेबु पेजवर प्रसिद्ध केलाय. तिथे आहेत भरपूर व्ह्यूज. पण माबोवर फेबुची लिंक चालते की नाही या संभ्रमात असल्याने मी इथे युट्यूबची लिंक दिलीये.
>>Youtube विडिओ टायटल मध्ये upcoming marathi movie असे ऍड करता येईल का..<< टॅगमधे आहे ते सर्चसाठी.
Is this movie releasing in Hindi also?<< नाही. हा मराठी चित्रपट आहे आणि चित्रपटाला इंग्रजी सबटायटल्स आहेत.
सर्वांचे परत एकदा आभार.
खूप शुभेच्छा तुम्हाला नीरजा!
खूप शुभेच्छा तुम्हाला नीरजा!
छान ! नक्की पाहणार !!!
छान ! नक्की पाहणार !!!
छान लिहिले आहेस. शुभेच्छा!!
छान लिहिले आहेस. शुभेच्छा!!
आमच्या गावात येणार आहात का?
नायतर दिवाळीच्या वेळी माहेरच्या गावात तरी बघायला मिळावा.
तुमच्या गावात स्क्रिनींग
तुमच्या गावात स्क्रिनींग होणार गं. रिलीज बघूया.
माहेरच्या गावी रिलीज होईल. आशा करू की दिवाळीपर्यंत तो असेल.
ज्या ठिकाणी फिल्म रिलीज होणार नाही त्या ठिकाणच्या एखाद्या स्थानिक ग्रुपने/ संस्स्थेने पुढाकार घेतल्यास काही बेसिक फी घेऊन आम्ही स्वतः येऊन तिथे फिल्म दाखवू नक्की.
स्क्रिनिंग ला बघेनच गावात. पण
स्क्रिनिंग ला बघेनच गावात. पण दिवाळीला माहेरी बघायला मिळावा. बेस्ट लक.
खुप सुंदर लिहील आहेस. खुप
खुप सुंदर लिहील आहेस. खुप भावल. शुभेच्छा.
खूप खूप शुभेच्छा
खूप खूप शुभेच्छा
वा! छानच लिहिलंयस.
वा! छानच लिहिलंयस.
आणखी जरा डिट्टेलवार वाचायला आवडलं असतं. याला धावता आढावा म्हणेन मी.
सिनेमा थेट्रात जाऊन पाहण्याचा प्लॅन आहेच.
थँक्स लोकहो!
थँक्स लोकहो!
आणखी जरा डिट्टेलवार वाचायला आवडलं असतं.<< मग पुस्तक लिहावं लागेल लले!
इसकाळच्या फेबु पेजवर झालेली लाइव्ह मुलाखत, माझा सामनामधे या रविवारी येणार आहे तो लेख आणि फेबु पेजवरून आम्ही देत राहू ती माहिती यातून थोडे अधिक यातून थोडे अधिक तपशील मिळतील गं.
खूप सुंदर लिहिलं आहेस.
खूप सुंदर लिहिलं आहेस. मनापासून शुभेच्छा नी.
नक्कीच थेटरात जाऊन पहाणार.
तुमच्या टिमला शुभेच्छा.
तुमच्या टिमला शुभेच्छा. सिनेमा नक्की पाहणार.
छान लेख. तुम्हाला आणि तुमच्या
छान लेख. तुम्हाला आणि तुमच्या संपूर्ण टीमला शुभेच्छा!!
खुप छान .. आधी पासुनच ठरवल
खुप छान .. आधी पासुनच ठरवल होतं की थेटरात जाऊन पहायचाय .. आता नक्कीच केलय , तुम्हाला खुप शुभेच्छा !!
नदी वाहते टीमला खुप खुप
नदी वाहते टीमला खुप खुप शुभेच्छा !
पाहणार नक्कीच.
खुप सुंदर लिहील आहेस. खुप
खुप सुंदर लिहील आहेस. खुप भावल. शुभेच्छा.......... +१
वाह !! खूपच छान आहेत टिझर्स.
वाह !! खूपच छान आहेत टिझर्स.
अभिनंदन आणि बॉक्सऑफिस वर यश
अभिनंदन आणि बॉक्सऑफिस वर यश मिळण्यासाठी शुभेछा!!
नीरजा अभिनंदन आणि नदी वाहते
नीरजा अभिनंदन आणि नदी वाहते टिम ला खूप खूप शुभेच्छा.
अभिनंदन आणि ऑल द बेस्ट....
अभिनंदन आणि ऑल द बेस्ट.... जेव्हा संधी मिळेल तेव्हा अर्थातच सिनेमा पाहणारच.
अभिनंदन आणि शुभेच्छा नी.
अभिनंदन आणि शुभेच्छा नी.
खुप छान लिहिलयस नी..
खुप छान लिहिलयस नी..
माझ्या मनातली नदीपन आहे एका कोपर्यात तिची आठवण आली..
चित्रपटगृहात जाउनच बघणार मी हा चित्रपट.. वो दिन दूर नही.. मित्राला पण घेऊन जाणार आणि माझ्यावतीने माउथ पब्लिसिटीपन करणार..
नविन विषय आहे आणि तो पण इतका तजेलदार त्यासाठी ऑफबिट चित्रपट आवडणार्या माझ्यासारख्या साधारण प्रेक्षकाकडून लाखभर धन्यवाद आणि शुभेच्छा..
मस्तं , शुभेच्छा तुमच्या
मस्तं , शुभेच्छा तुमच्या टिमला !
थँक्यू लोकहो!
थँक्यू लोकहो!
नदी वाहते चं ट्रेलर आलय कि ,
नदी वाहते चं ट्रेलर आलय कि , इतक्यातच लेटेस्ट ट्रेलर पाहिलं त्यांच्या ऑफिशिअल पेज वर !
https://m.youtube.com/watch?v=ZY_x8aMhsOU
थँक्यू डीजे!
थँक्यू डीजे!
'नदी वाहते'ची झलक आवडली. खूप
'नदी वाहते'ची झलक आवडली. खूप खूप शुभेच्छा!!
Pages