इमारत पुनर्विकास संदर्भात सल्ला हवा

सन ऑक्टोबर २०१३ आम्ही आमची जागा पुनर्विकासासाठी एका विकसकास दिली होती. त्या जागेवर आमच्या मालकीचा बंगला होता. तो विकसकाने विकसन करण्याच्या नावाखाली त्याच वर्षी पाडला. त्याच्यासोबत आम्ही विकसनाचा रितसर करारही केला होता तसेच मुखत्यारपत्रही त्याच्यासोबतच केले होते. मुखत्यारपत्राच्या आधारे त्याने डिसेंबर २०१३ ला ती जागा दुसऱ्या विकसकास पुनर्विकास करण्यासाठी दिली. त्याच्यासोबतही त्याने करार केला आहे. परंतु गेले ४ वर्ष दुसरा विकसक बांधकाम परवानगी न मिळण्याचे कारण सांगून इमारत विकसित करण्यास टाळाटाळ करत आहे. पहिल्या विकसकास याबाबत विचारले असता ‘मी ती जागा दुसऱ्या विकसकास दिली आहे’ असे सांगून हात वर करतो.

याबाबत काय करता येऊ शकेल? अजूनही काही डिटेल्स हवे असतील तर मी ते देतो.