Submitted by विजय दिनकर पाटील on 3 August, 2017 - 03:36
होणे नाही इथून पुढचे बदल वाटते
एवढीच होती का अपुली मजल वाटते
कुठेतरी एखादी कळ उठलीच पाहिजे
कुठेच नाही दुखले तर मग नवल वाटते
प्रथम प्रयत्नामधेच संधी हुकली होती
उगाच मग मन खात राहिले उचल वाटते
कसल्या वैराग्याचे सावट जग पांघरते
जितके उन्नत होते तितके विफल वाटते
जाताना तर नव्हते इतके नीटनेटके
खूपच मोठी झाली अदलाबदल वाटते
अकस्मात वातावरणाचा नूर बदलला
ह्याही गावी आली तुमची सहल वाटते
विजय दिनकर पाटील
विषय:
Groups audience:
Group content visibility:
Public - accessible to all site users
शेअर करा
खालचे २ शेर आवडाले
खालचे २ शेर आवडाले
२ मग वाले शेर फारसे पटले नाही
अकस्मात वातावरणाचा नूर बदलला
अकस्मात वातावरणाचा नूर बदलला
ह्याही गावी आली तुमची सहल वाटते
क्या बात क्या बात