काय करायचे अजून?

म.वॉ., इतक्यात मी येल्लो सिनेमा पाहिला. तुझी ही पोस्ट म्हणजे त्या आईची डायरीतली पाने असावीत. फक्त तू ओपन फोरमवर ती मांडल्यामुळे तुला स्वीच ऑफ वगैरे सल्ले मिळणं साहजिक आहे. तुझी तू तुझे ब्रेक्स वरच्या पोस्टमध्ये म्हटल्याप्रमाणे करत असशील. करावंच लागेल नं?

मागचा फॉल माझ्या ६ वर्षाच्या मुलाच्या काही तब्येतीच्या तक्रारीत गेले आणि त्याचं पर्यवसान शेवटी एका छोट्या सर्जरीमध्ये झालं. जी डिसेंबरला झाली. त्या सर्व काळात मी स्वतः अनेकदा या सगळ्यासाठी मी जबाबदार आहे का? अशा विचित्र मानसिकतेतून गेले. आताही त्याला त्याच कारणासाठी दर सहा महिन्यांचा फॉलो अप वगैरे काही वर्षे असेल मग पुढचं कळेल वगैरे असल्यामुळे मग तेव्हा मी हे टाळण्यासाठी काही करू शकले असते का? अशा काही विचारांनी कुणाशीही काही दिवस बोलु पण नये वगैरे मधून मी आजकाल जात असते. काही वेळा वाटतं विंटरमुळे असं होतं, काहीवेळा सपोर्ट सिस्टिम नसल्यामुळेही असे विचार येतात. तुझ्या प्रश्नापुढे अर्थात माझा सध्याचा प्रश्न फारच गौण आहे पण लक्षात घे हे होत असतं. आपण पालक म्हणून जितकं करावं आणि जितकी चांगली सुविधा द्यावी तितकं मी करते. अर्थात आपलं मन आपलंही न ऐकता निगेटिव्ह विचार आणून हे असं वाटत राहाणंही सुरू असतं.
तुझी कळकळ कळते. स्टे देअर इतकंच म्हणेन. कदाचीत हेही दिवस जातील. आणि हो तुझ्या पोस्ट्स वाचल्या की निदान तेव्हासाठी तरी मला माझे प्रश्न किती छोटे आहेत हे पुन:पुन्हा कळतं. प्रत्येक वेळी तरीही आपापल्या भावनांतून जाणं हे आपाप्लया पर्सनलिटीप्रमाणे होत जातं गं. तू लिहून मोकळी झालीस हे चांगलं केलंस.

ग्रेट ! बरोबर, राईड म्हणूनच बघ. तुझे प्रयत्न लवकर सार्थकी लागतील.

म वॉ, तुला एक positivity ने भरलेली बिग हग!

मदर, मला तुमच्या मानसिकतेची पूर्ण कल्पना आहे. तुमची परिस्थिती सर्वात जास्त तुम्हालाच माहिती आहे. पण एक मैत्रीण म्हणून तुमची काळजी वाटली म्हणून मी म्हटले. कधि कधी परिस्थिती आपल्याला खाउन टाकायला बघते तेव्हा तिच्या पासून थोडे दूर होउन बघायचे हाच तो ब्रेक. मग जरी आपन हाताने काम करत असलो तरी
मनाने दूर दूर जायचे. मला पण जबरदस्त सेपरेशन काळजीचा त्रास होतो. तुम्ही जमेल तसे कोप करताच आहात त्याला माझ्यातर्फे फुल इमोशनल सपोर्ट.

ऑटिझम् साठी स्वमग्नता हे नाव जरा वेगळं वाटतं. काही वेळा माझ्यासारख्या अंतर्मुखी (introvert) व्यक्तींच्या स्वभावालासुद्धा autism under control असं म्हणत असतील. लहान वयाच्या ऑटिझम् रुग्णाला झोप येत नसेल तर मेलॅटोनिन देण्याआधी हलक्या हाताने त्याला facial massage करून पहावा. आयुर्वेदाच्या परिभाषेत बोलायचं तर कदाचित अशा मुलाच्या शरीरात उष्णता साठली असेल. शक्य झाल्यास त्याची एखाद्या आयुर्वेदाचार्यांकडून तपासणी करून घ्या... (हे सल्ले डॉक्टरी ज्ञान नसलेल्या सामान्य व्यक्तीने दिलेले आहेत. तेव्हां ह्याबाबत तज्ज्ञ डॉक्टरांचा सल्ला जरूर घ्यावा.)

ऑटिझम् साठी स्वमग्नता हे नाव जरा वेगळं वाटतं. काही वेळा माझ्यासारख्या अंतर्मुखी (introvert) व्यक्तींच्या स्वभावालासुद्धा autism under control असं म्हणत असतील. लहान वयाच्या ऑटिझम् रुग्णाला झोप येत नसेल तर मेलॅटोनिन देण्याआधी हलक्या हाताने त्याला facial massage करून पहावा. आयुर्वेदाच्या परिभाषेत बोलायचं तर कदाचित अशा मुलाच्या शरीरात उष्णता साठली असेल. शक्य झाल्यास त्याची एखाद्या आयुर्वेदाचार्यांकडून तपासणी करून घ्या... (हे सल्ले डॉक्टरी ज्ञान नसलेल्या सामान्य व्यक्तीने दिलेले आहेत. तेव्हां ह्याबाबत तज्ज्ञ डॉक्टरांचा सल्ला जरूर घ्यावा.)