लाइव स्ट्रिमिंग - हियर टु स्टे!

बरेच दिवस चाललं होत या विषयावर एक धागा हवा. आधि सर्च करुन बघितलं आॅलरेडि आहे काय - सापडला नाहि, नंतर वाट बघत होतो कोण काढतोय का, शेवटि मीच ठरवलं काढायचा...

तर मंडळी, टेक्नाॅलाॅजीच्या क्रुपेने आता घराघरात हायस्पिड इंटरनेट आहे आणि त्याच्याबरोबर आॅन डिमांड, लाइव स्ट्रिमिंग सर्विस पुरवणारे बरेच प्रोवायडर्स आहेत. उदा: नेटफ्लिक्स, ॲमेझान विडियो, स्लिंग टिवी, यप टिवी इ. इ. या प्रोवायडर्सकडे प्रचंड प्रमाणात कांटेट उपलब्ध आहे; चित्रपट, सोप्स, डाॅक्युमेंटरीज, रिजनल/इंटरनॅशनल चॅनल्स च्या स्वरुपात. आणि त्यात सतत भर पडत असते. या खाणींतुन निवडक रत्नं शोधुन काढणं हे महाजिकिरीचं काम आहे, इथे टिमवर्कच हवं. हा पहिला हेतु.

त्याचप्रमाणे या सगळ्या प्रोवायडर्स मध्ये उत्तम कोण, चॅनल लाइनअप, सर्विस, वॅल्यु फाॅर मनी कोणाकडे चांगली, कोणता नविन कांटेट (चित्रपट, सोप) रिलिज झाला आहे, त्या कांटेटवर तुमचं मत काय इत्यादि बाबींवर चर्चा करुन आपल्याला सोयिस्कर असा निर्णय घेणं सोप्पं पडावं; हा दुसरा हेतु.

या पुर्वि अशा प्रकारची चर्चा इतरत्र वाहत्या धाग्यांवर होत/झाली असण्याची शक्यता आहे; या पुढे हि व्हावी पण सगळी माहिती एकत्र राहावी म्हणुन हा प्रपंच...