सैराट - रिव्यु (रीडः कौतूक)

Submitted by वैद्यबुवा on 10 June, 2016 - 16:29

पाहिला बॉ एकदाचा! अंमळ उशिरच झाला म्हणायचा बघायला. खरं तर बघायचा प्लन पण नव्हता आजिबात, असच टिपिकल स्टोरी असेल जरा चांगली गाणी असलेली म्हणून फार लक्ष नाही दिलं. पुढे थेट्रात पुढे जाऊन पबलिक नाचतय वगैरेचे व्हॉट्स अ‍ॅप विडियो यायला लागले आणि मसालाच आयटम दिसतोय असं मनोमन अधोरेखित झालं आणि नाद सोडून दिला.
मग आत्ता काही दिवसांपुर्वी माझे बेकरी फ्रेंड फारएण्ड ह्यांनी टिपापा ह्या ठिकानी येऊन नव्यानं एकदा सैराटच्या कौतूकाचं खातं उघडलं तेव्हा माझे कान परत वर गेले. मग पुढे बाकी इतर फ्रेंडांनी पण तीच री ओढली आणि ते टाकत असलेल्या पोस्टींमुळे माझ्या डोक्यात वातावरण तयार होऊ लागलं. निव्वळ ह्या पोस्टींमुळे मी सैराटची गाणी एकायला आणि पिकचर बघायला घेतला!
२-३ दिवसांपुर्वी सुरवातीची फक्त २० मिनिटं हा सिनेमा बघितला आणि मला त्या सिनेमानी खिशात घातलं! कित्येक दिवसांनी किंवा वर्षांनी एखाद्या पिकचरची झिंगं चढली असं झालं!!!
कुठल्या शॉट बद्दल अन कुठल्या गाण्याबद्दल किंवा कुठल्या एक्स्प्रेशननांबद्दल बोलावं अन किती बोलावं हेच समजेनासं झालय. लोकं आपापल्या अँगलनी सिनेमे बघतात, त्यांना त्यातून बरच वेगळं काही काही सापडतं आणि वेगवेगळ्या कारणांमुळे एखादा सिनेमा त्यांना आवडतो.
एक सिनेमा म्हणून स्वतंत्रपणे तो पिकचर छान असला तरी माझ्याकरता तरी ह्या पिकचरनी काही केलं असेल तर कॉलेजच्या दिवसांपासूनचा पुढचा काही काळ मला अक्षरशः परत जगवून आणलय!

सुरवातीच्या मंजुळेंच्या कॉमेंट्री पासून जी काही एकेक प्रसंगांना सुरवात होते, माणूस त्यात हरवूनच जातो!
काय त्यांची ती कॉमेंट्री अन ते रखरखलेल्या उन्हातलं मैदान अन ते पॅविलियन, ते ढोल तडम ताशे वाले अन सरवात महत्वाचं म्हणजे मॅच सुरु असलेल्या दरम्यान त्या प्लेयरांचं एकेक बोलणं!
लंगड्याच्या "हे हलगथ कोन पाठवलं रे ." " मंग्या मंग्या आरं नीट खेळ मंग्या नीट खेळ!अरं बॉल बघाय आधी बॅट नगं न फिरवू" पासून पुढे परत मंगेश मोहिते पाटलांनी बॉल हुकवल्यवर त्याच्या संतापाचा अक्षरशः अंत होतो तेव्हा " मला खेळायचच नै जा..." म्हणून बॅट सोडून ऑल्मोस्ट तो चालायलाच लागतो हा प्रसंग त्यातली लंगड्याची तळमळ किती लोकांनी अनुभवलेली आहे? Lol कधी आपण लंगड्याच्या बोटीत शिव्या घालत असतो तर कधी कधी मंग्याच्या सुद्धा बोटीत कारण "अर किती फाष्टाक्तोय बघ्तोन तू?" असाही प्रसंग येऊन गेला असेलच (तुम्ही अगदी स्टार बॅट्समन नसाल तर नक्कीच येउन गेला असेल).
मधल्यामध्ये बिली बाऊडींग अन शकुना आत्याचा सीन पण खल्लास आहे! किती वेळा पोरं आया, आज्या बोंबल्त आल्याकी बॉल बॅट हातात जे असेल ते टाकून पळायचे. फोर सिक्सच्या अ‍ॅक्शन पण कहर आहेत! एकदम किडमिडीत अंगकाठी अन त्यावर बनियन, डोक्याला आधी फडकं अन मग त्यावर कॅप! पुर्वी अंपायर लोकं खुप वेळा तसं करायचे! निरिक्षण सॉलिड आहे मंजुळेंचं किंवा ज्यानी कोणी डिटेलिंग केल्य त्याचं.
पर्श्यानी आधी फोर सिक्स मारल्यावर लंगड्याच्या एकेक शिवीसुचक हातवारे (काही न बोलता नेमकी काय शिवी दिली हे लगेच कळतं Lol ) अन पुढे म्याच जिंकून दिल्यावर आडम तिडम मुद्दाम हारलेल्या टीम समोर केलेला नाच!
इतकं बारिक आणि चोख निरिक्षण म्हणजे काय चेष्टाय का राव? अन त्यापेक्षाही ते बरोबर शॉट मध्ये उतरवणं म्हणजे फार भारी! नागराज मंजुळेकी जय!

पुढे तात्यासाहेबांचं भाषण ज्यात खरं एक पुढे होऊ घातलेल्या काही गोष्टींना किती महत्व आहे हे अधोरेखित करणारं वाक्य आहे. "अहो तालुक्याचं राहुद्या आधी आपल्या बायका संभाळा म्हना ह्यांना..." असं ते म्हणतात.
थोडक्यात घरातल्या बाया/मुली ह्यांच्याशी स्वतःची अन घराण्याची इज्जत बांधलेली आहे ह्या टाईपची विचारसरणी असलेलं घर आहे. आणि हे बोलताना त्या सोनलताई का कोण असतात त्या शेजारीच बसलेल्या असतात. Happy
(ह्याच संदर्भात अजून एक गंमत म्हणजे तात्यासाहेबांच्या बंगल्याचे नाव अर्चना असतं))

नंतर विहिरीचा सीन. तिथे आर्चीची हापिशियल एंट्री होते अन क्या बॉस एंट्री बोले तो एंट्री आहे पोरीची! अर काय एक्स्प्रेशन अन काय तो कान्फिडन्स अन काय तो हेल बोलण्याचा! झन्नाट! ती ज्या पद्ध्तीनी येऊन विहिरीवर एक पाय ठेवून वाकून खाली बघते त्यातच सगळं येतं! पाटलाची पोरगी असल्याचा शुद्ध माज!
अय रत्ताळ्या निग्ग्कीरं भैर... आत्तागंबया भैरा बिराएकाकाय.... अय अय खुळखुळ्या उभाssssर!!!!

खलाssssस... अरे लेडी गब्बर वाटते ती इथे!!! (थांबा अजून! पुढे मी अजून तिचे अन तिच्या अ‍ॅक्टिंगच्या तारिफांचा पूल बांधणारच आहे. ही नुसती सुरवात आहे! Happy )

त्यानंतरची होते ती लंगड्याची होलपट तर निव्वळ कमाल आहे! त्याचे ते तसं चालणं असल्यामुळे ते आण्खिनच विनोदी झालय सगळं. ह्याउपर काय दिसतं ते म्हणजे मैत्री. येवढा पायानी अधू असून सुद्धा लगबगीनी (साबण अंगावर असताना) जाऊन आधी परश्याला सांगतो. (ते कसं सांगतो ते वाचण्यापेक्षा बघण्यातच मजा आहे). पण मी पवायला गेल्तो तिकडं आर्चिनं मला हाकल्ला हे सांगताना मला हाकल्ला ह्याचं तुसभर सुद्धा दु:ख किंवा लाज नाहीचे कुठे! नसतेच. सगळ्यात महत्वाचं काम त्यावेळी असतं ते मित्राला त्याचं सामान (आवडणारी मुलगी) कुठेतरी येऊन उभी आहे हा मेसेज जाणं! त्यात आपली इज्जत गेली तरी बेहत्तर पण मित्राचं झ्यंगाट हे जमवून दिलच पाहिजे, ते परम कर्तव्य असतय लगा!!

परश्याला स्वप्न पडतं तो प्रसंग आणि त्या भोवतीचे डायलॉग तर हसून हसून पुरेवाट आहेत. "कुठं दिवस भर कुत्री मारत हिंडत असतं कै म्हाईत" इति पशाचा बाप. ते नगं घरचे उठतीन आर्चे म्हणताना परश्याचा आवाज अशक्य दबलेला, चिरका अन लाडिक होतो! (स्वप्नात किस सुरु असतो ना?) Lol स्वप्न पडतात त्यात सुद्धा घरच्यांची भिती असतेच हे टीनेजर असताना काही आजिबात नवीन नसावं!

आता परशाची एंट्री!! म्हणजे सैराट एंट्री ह्या अर्थानं. फायन्ली लंगड्याची तगमग एकदाची "तिथं आर्चि आली आर्चि....." म्हणत कानावर पडल्यावर मग खरी जादू सुरु होते. याड लागलं! भन्नाट म्युजिक, बॅकड्रॉप अन सिनेमॅटोग्राफी! खरं डोळे मिटले आणि फक्त म्युजिक एकलं तर असं वाटेल की एखादा हॉलिवूडमधल्या जबरी म्युजिकलच सुरु असावं. मागची सीनरी जब्बरदस्त जमलीये. डिस्नी म्युजिकल सारखं ग्रँड वाटावं असं म्युजिक पण त्यात आपली माती, गवत, पक्षी अन आपला गावरान परश्या पण अगदी लिलया फिट्टं बसतात! कशाला बॉलिवूडवाले उगच झकमारी करत स्विझरलंडला जाऊन त्या हिरोंना गरम कपड्यात अन हिरवणींना स्लीव्लेस ब्लाऊजांमध्ये बरफात नाचायला लावतात देव जाणे!
पुढे आवरुन सावरुन भांगपट्टी करुन आलेला परशा कपडे अन सँडलांसकट जी उडी मारतो आगा ना पिच्छा बघत व्हिरीत त्यावर मी तर थेट्रात पैशे फेकले असते! ह्याला मंतेत जिगर! आधी उडी मारली, बघून घेतलं आर्चिला आता पुढचं पुढं बघू!
आत्तगंबया हे कुठून पड्लं व्हिरीत यून!
अssय निघ भायेर..
सॉरी सॉरी,
हss सॉरी सॉरीच्या लाडक्या.. आधी निघ भायेर..
मला मैतीच नवतं, बघितलच न्हाईमी..
बरं डोळं झाकून पडला रं हिरीत... आता बघितलं ना? हो भाएर..

आता खरं सीन बाय सीन कौतूक करत बसलो तर तो पर्यंत मंजुळेंचा दुसरा पिच्चर यायचा एखादा! त्यापेक्षा जरा फॉरमॅट बदलून, ज्या गोष्टी मला जास्त आवडल्या त्या बद्दलच लिहितो.

सैराट झालं जी:
ह्या गाण्यानी नुसतं वेड लावलय. खरं खुप सारे फॅक्टर्स आहेत ते गाणे आवडण्यामागे. एक तर आर्ची, परशा आणि त्यांचं एकेक प्रसंगातून फुलणारं प्रेम ह्या गाण्यात एकदम tempo धरतं (मालवहातुक वाला टेंपो नाही, गाण्यातला टेंपो असतो तो!).
अप्रतिम सिनेमॅटोग्राफी आणि त्याला साजेसं तेवढच अत्यंत ग्रँड ग्रँड पण थोडा गावाकडला टच असलेलं म्युजिक! (ढोलांचा वापर आणि ग्रामिण बाज असलेली भाषा)
खरंही वाटत नाही की हे करमाळ्याचं वगैरे शुटिंग आहे! काय एकसे एक अ‍ॅंगल घेतले आहेत!
गाण्यातले काही मोमेंट्स पण मस्त टिपले आहेत.

अगं झन्नानलं काळंजामंदी
अन हत्तामंदी हात आलं जी....
सैराट झालं जीssss
सैराट झालं जीssss

ह्या शॉट मध्ये आधी परशा आर्चिला गोल फिरवतो आणि नंतर आर्चि खाली वाकून खळाळून हसताना दाखवलीये.
ही हसतानाची आर्चि माझ्या करता कायमची स्मरणात गेलीये. Happy

नंतर गाण्यातच आर्चि परशाच्या बहिणीला स्कुटरवरुन घेऊन जाताना दाखवलीये आणि पुढे आर्चि मंदिरातून बाहेर गाभार्‍यात येते आणि तिथे तिच्या रंगीत चपलांमध्ये गुलाबाची फुलं ठेवलेली असतात. ती इकडे तिकडे बघते शोधत कोणी ठेवले असतील आणि तिला दोन खांबांमधून बसलेला परशा दिसतो, तो पाया पडल्या सारखं करुन मग हाथ जोडतो, मी ठेवले आहेत हे सांगत. मग आर्चि ती फुलं उचलून त्याचा वास घेते आणि मग छातीशी कवटाळते. पुढे आर्चि आणि सपनी, परशा, सल्या अन लंगड्या बसलेले असतात त्यांच्या शेजारून जातात तेव्हा लंगड्या सपनीवर फुल फेकल्याची अ‍ॅक्शन करतो! आणि त्या पुढे गेल्या की मग आल्या अन लंगड्या दोघंही बाबा प्रेमीपरशांच्या पाया पडतात की काय बॉ आय्ड्या काढली लगा बाबांनी!!! पोरगी फिदाssss...
(हा शॉट सुरु असताना मला वाटतं मागे आधी वायोलिन आणि नंतर बासरी आणि सॅक्सोफोन आहे. अप्रतिम जमून आलाय शॉट, म्युजिक, चित्रिकरण, सगळ्यांचे एक्स्प्रेशन्स सगळ्याच दृष्टिनी!! टोटल गुंडाळून खिशात जाणार हे असले शॉट दाखवले की आशिक दिलाचा प्रेक्षक!) Happy

नंतर घोडेस्वारीच्या शॉट मध्ये लंगड्या, सल्या आणि आनी असतातच. बघताना गंमत वाटते पण आपल्याकडे तरुण मुलं मुलींना घोडेस्वारीच काय एकांतात कुलफ्या पण खाऊ देतील कोणी तर शपत. आपल्याला नेमून दिलेली कामं सोडून तरुण मुलं मुलींच्या एकांतात व्यत्यय आणण्यात पोलिस, गावातली इतर लोकं वगैरे अशी सगळी बिन प्रेम करताच कुटुंबवत्सल झालेली मंडळी अगदी तरबेज असतात. सतत बिचार्‍या प्रेमींना आपलं लक्ष ठेवावं लागतं, कोणी पाहतय का, किंवा मग असं मित्रांना तरी राखणाला ठेवावं लागतं.
(असं कसं? असं आडनिड्या वयातल्या मुलं मुलींना एकांतात कसं काय सोडायचं, नाही? उद्या काही वेडंवाकडं झालं तर? आपल्या इज्जतीचं काय होईल? अहो आम्ही पण बरीच वेडीवाकडी कामं करतोओ पण ते बंद दरवाज्या आड, तिथे कोणाला कळतय?) Proud

कवळ्या पानात ह्या
सावल्या उन्हात ह्या
पवळ्या मनात ह्या भरलं… भरलं च्या वेळेस जेव्हा परशा हवेत किस सोडतो तेव्हा लंगड्याचा "आयो.." वासताना स्लो मोशन मध्ये स्पष्ट दिसतो!! Lol

पुढच्या कडव्यात रंगा खेळतात तो प्रसंग आहे आणि त्याच्या बॅकग्राऊंड मध्ये काय आहे खरं? आपल्या इथे ग्रामिण परिसरात असतात तशी दगड मातीच्या भिंती असलेली घरं, आजूबाजूला उगवलेलं कोरडं गवत, त्या दगडमातीच्या घरांमधून असलेल्या धुळीच्या वाटा! ह्या असल्या बॅकग्राऊंड असताना सुद्धा आधी बिल्ड केलेल्या वातावरणामुळे आणि म्युजिक, सिनेमॅटोग्राफी मुळे काय जब्बरदस्त भाव खाल्लाय ह्या प्रसंगानी?!

गाणं संपत असतानाचे शॉट्स (त्या कळसाच्या छोट्या गच्चीवर वगैरे) मला वाटतं ड्रोन वापरुन शॉट्स घेतले आहेत. सिंपली (अ‍ॅज इन सिंपल) इन्क्रेडिबल! Happy

आर्चि:
आर्चि मला वाटतं एका पिकचर मधलं एक पात्र नसून एक फिनोमेनॉन होऊन गेली आहे. ह्यात खरं तिच्या अ‍ॅक्टिंगला दाद द्यावी की मंजुळेंच्या परफेक्ट कास्टिंगला हे समजत नाही कारण ती अ‍ॅक्टिंग करते असं मला वाटतच नाही इतकी ती फिट बसली आहे त्या रोल करता. ह्याच अर्थ इथे मी झुकतं माप मंजुळेंच्या कास्टिंग ला देइन, पण ते देत असताना तिनी ज्या प्रकारे रोल पेलला आहे त्याला जवाब नाही. हे मान्य की रिंकु राजगुरु रियल लाईफ मध्ये बरीचशी तशीच चालते बोलते पण पिकचर मध्ये फक्त तिचं चालणं आणि बोलणं नाहीये ना ? खुप ठिकाणी तिला स्ट्राँग इमोशन्स दाखवावे लागले आहेत, एका अल्लड पाटल्याच्या पोरी पासून पुढे हलाखीत दिवस काढून नंतर एकदम मचुअर, आत्मविश्वासानी संसार करणारी तरीही आई वडीलांच्या आठवणीनी झुरणारी आर्चि हे ट्रान्सफॉर्मेशन तिला पेलावं लागलेलं आहे and oh my god has she done it well!!!

आता खरं खुप काही लिहिता येइल पण एक शेवटचा माझ्या कायमचा लक्षात राहिल असा प्रसंग आहे त्या बद्दल लिहून आवरतं घेतो. हा प्रसंग खरं मंजुळेंचं डायरेक्शन, परशा आणि आर्चिच्या अ‍ॅक्टिंगमुळे अत्यंत रियलिस्टिक होऊन आपल्या अंगावर येतो अगदी.
त्या फोनच्या पासवर्ड वरुन आधीच परशा जरा उखडलेला असतो, दुसर्या दिवशी कामावर जायच्या आधी पण त्यावरुन खटका उडतो आणि आर्चि निघत असे पर्यंत सुरुच असतं भांडण.
"तिथं कामावर कोणी फोन बघू नये म्हनून बदल्लाय" इथे खरं परशा थोडा शरमल्या सारखा होतो, कारण त्याला स्वतःची चूक लक्षात येते बहुतेक पण तो पर्यंत डॅमेज झालेलं असतं.आर्चिचा संयम संपलेला असतो.
"कुडं चालली?"
"चालली मसनात! कुटं जाती रोज मी?" "तुझ्या ह्या असल्या सबावाचा लै वैताग आला मला"
"काय यवडा वैटे का मी?"
"मंग मी वाईटे का?"
"मी आसकुडं म्हनलं?"
"म्हनायची काय गरजे?"
"कामावर जावच लागल का?"
"लोडय कामाचा, सर वोरड्त्याल"

काम संपवून आर्ची परशाच्या डोसा टपरीवर येते.
परश्या अजून घुसाट्यातच असतो.
"परश्या..... ओ साह्येब... पिकचरला जायचं का?"
"कामय मला.."
"मी इचारतीकी सुमनताईला"
"दुसरं कामेमला"
"चल ना..."
"तुला एकदा सांगितलेलं कळतय का?"
"हळू बोल की मग येवडं वरडतो कशाला?"'
"लै गाजलेला पिच्चरय, तुझ्या आवडत्या हिरोचा"
"...."
"मी एकटी जाईना?"
"जां..."
"खरच एकटी जाईन"
"निग्की मग कशाला थामली!"
"लै इगोए तुला, बस तसाच..."
असं म्हणून आर्चि एकटी पिकचर ला जाते....

त्या प्रेमानी म्हणलेल्या ओ सायेबाला पुढे जी अत्यंत तुसडी वागणूक मिळते ती बघून आणि एस्पशली विहिरीवरची ७-८ पोरांना दमात घेऊन हाकलणारी आर्चि आठवून ह्रदयाला खिंडारं पडतात!
पाटलाची पोरगी म्हणून येवढा माज केलेली, तेवढच ह्या परशावर प्रेम करणारी अन त्याला वाचवताना स्वतःच्या वडिलांकडून मार खाणारी, आबावर गोळी झाडणारी पण नंतर परिस्थितीशी दोन हात करत पण प्रेमानी राहू बघणार्या आर्चिची वाताहत बघवत नाही. पुढे प्रकरण आण्खिन थोडं विकोपाला जाऊन नंतर शेवटी परत ती दोघं आपल्याला एक मेकांशिवाय कोणी नाही हे समजून परत एकत्र येतात.
परशा तसा चांगला दाखवलाय आणि पिकचर मध्ये आर्चिच्या घरचे खुप जास्त कडक दाखवले आहेत पण एकंदरितच हे सगळं आपल्याकडच्या बर्‍याच मुलीं/स्त्रियांबद्दलचं खुप बोलकं असं उदाहरण आहे.
पळून जाऊन लग्न केलेलं नसलं आणि घरच्यांनी करुन दिलेलं असलं तरी एकदा लग्न करुन दिलं की आपली जबाबदारी संपली आणि माहेरपणाला आनंदानी ये असं म्हणाले तरी टेकनिकली घरी परत जायचे दरवाजे बंद असतात. सो उद्या काही अनबन झाली तरी एक तर तुम्ही ते निभावून न्यायचं किंवा मग आपला आपण मार्ग बघायचा येवढच उरतं.
असो..... Happy

अकरित घडलया
सपान हे पडलया
गळ्यामंदी सजलंय डोरलं.. डोरलं
साता जन्माच नात रूजलया काळजात
तुला र देवागत पुजलं
रूजल बीज पिरतीच सजणी रुजलं
भिजलं मन पिरमान पुरत भिजलं
सरल मन मारून जगण सरलं
हरलं ह्या पीरमाला समद हरलं
कडाडलं पावसामंदी
अन आभाळाला याट आल जी
सैराट झालं जी…
सैराट झालं जी…
सैराट झालं जी…….

_/\_

विषय: 
शब्दखुणा: 
Group content visibility: 
Public - accessible to all site users

का त्याला सीन काय आहे ते समजावलं नव्हत ?>>
>>
त्याला तेवढाच सीन समजावला होता. आर्चीच्या घरी जायचे नि चहापाणी करायचे.
पुढे काय दाखवणार आहेत ते माहितीच नव्हतं त्यांना

आर्ची परश्याला शेवट माहीत होता. एका इंटर व्ह्युमधे सांगितले तसे त्यांनी की सुरुवातीला वाचन झाले होते स्टोरीचे.

आणि एक नोट केलंत का, शो मधे ती पा'णी' पुरी म्हणते, पानीपुरी नाही. पहले सीखा फिर चलाया ट्रॅक्टर हे अजून दोन वर्षांनी ती पुन्हा पाहील तेव्हा तिचं तिलाच हसू येईल.>>>

बरोबर तर उत्तर दिलय तिने....
तो कपील विचारतो.. कि कमेरा समोर तु ट्रक्टर कसा चालवला...."ट्रक्टर कैसे चलाया..?"
ति उत्तर देते.. "पहले सीखा फिर चलाया ट्रॅक्टर"...

"पहले सीखा" = पहले चलाना सीखा (off camera learned)
"फिर चलाया ट्रॅक्टर" = मग नन्तर कमेरा समोर ट्रक्टर चालवला...!!

Happy

७५+ कपल, भाषा समजली नाही तर सबटायटल्स वर कळवून घेतला.
so cute... Happy +११११

माझ्या खुप सार्‍य साउथ मित्रानी सबटायटल्स ने पाहीला, खुपच आवडला तो त्याना...


साधना | 14 June, 2016 - 18:24
आग कापलेल्या शेताला लावलेली. उभ्या उसाला नाही.

सहमत....
आग उस कापलेल्या शेताला लावलेली आहे... उभ्या हिरव्या उसाला नाही...

स्मिता_१३ | 14 June, 2016 - 09:52
किती वेळा अगदी अगदी म्हणू.. मी तर ह्या बाफ आणि प्रतिक्रियांच्या पण प्रेमात पडलेय.

+ १११११

स्मिता... अगदी मनातल बोललीस.. Happy

shriramk>> +१. आणि या मागे अजून १ कारण असतं ते म्हणजे आमची इतकी बदनामी झाली, समाजात तोंड दाखवायला जागा नाही राहिली हे केवळ त्या पळून जाणार्‍या दोघांमुळे... ते दोघं सुखात, आनंदात आहेत पण आम्हाला मात्र अजूनही मान खाली घालूनच जगावं लागतंय याचा राग काळानुसार वाढत जाऊ शकतो.

मानलं पाहिजे मंजुळे ना.त्यामुळेच तो सीन इतका अंगावर येतो ना, की आरामात लोक आईच्या गिफ्ट देतात, चहापाणी घेतात,टीव्ही बघत बसतात आणि पुढे ओ माय गॉड हे काय असं होतं.मी तो सीन पाहिला, नंतर ट्रेलर पाहिला आणि ट्रेलर च्या शेवटी त्यांचं स्वप्नरंजन आहे ना, घर, झुळझुळ पाणी, तू काम कर मी स्वयंपाक करीन ला डोळ्यातून पाणी च वहायला लागलं.

ट्रेलर पाहणाऱ्या विदेशी प्रेक्षकांच्या प्रतिक्रिया मजेशीर आहेत, विदेशी मुलींना 'कित्ती बाई क्यूट रोमान्स आहे' आणि नंतर ट्रेलर ला हिंसक वळण लागल्यावर 'ओ माय गॉड' होतं.

सैराटच्या ट्विटर अकाउंटवर बऱ्याच बॉलिवूडकरांच्या प्रतिक्रिया आहेत सगळ्यांना प्रचंड आवडलाय .बॉलिवूडला सुद्धा याड लावलंय सैराटन

साधना, तुझं उसाविषयी पोस्ट नीट कळलं नाही.

आग कापलेल्या उसाला लावली आहे. उस कापून भरलेले ट्रक दाखवलेत फोन येतो तेव्हा. इथपर्यंत सगळं कळलं पण कापलेल्या उसांत कसे लपणार असं म्हणतेस ना? ह्याचा अर्थ ते ने कापलेल्या ज्सांत लपले तर आग ही तिथेच लावली असेल ना?

आग लावणे हां त्यांच्या लपण्याशी संबंधित नसून नार्मल शेती लाइफ सायकल मधला भाग असू शकतो, की बुवा काढून झाले उस, आता जाळा जमीन आणि घालवा तण.

तो आगीचा शॉट बॅकड्रॉप म्हणून वापरलाय. आग यांच्यासाठी नव्हती लावली. यांची पुढची वाटचाल आगीतून आहे हे दर्शवण्यासाठी हि योजना असावी.

Shriramk, सहमत. सामाजिक नियमविरुद्ध जाण्याचा त्रास पूर्ण घराला भोगावा लागतो आणि त्याबद्दलच्या रागाची परिणीती सुडात होते. नाहीतर कुठला भाऊ सुखासुखी आपल्या धाकट्या बहिणीला मरेल? आजवर झालेल्या हत्याकांडात भाऊ, काका, मामा हेच लोक अशा कामात पुढे असलेले दिसलेले आहेत.

तो फोटोचा शॉट मी परत परत दोन तीनदा पाहिला, पण सल्या बाळ्या दिसले नाहीत. एका फोटोत चारजण आहेत पण त्यात कोणीही वाकड्या पायाचा नाही Happy

साधना, मला अजूनही वाटतंय की आग त्यांच्याकरताच भर उसाला लावली. जेव्हा सुगावा लागतो पाटलांनां ते कुठे लपून बसले आहेत त्याचा तेव्हा भर उसाला आग लावली हीच पुढच्या भागाची नांदी.

उसाला लागलेली आग.. (या वर आता एक वेगळा बाफ निघेल बहुतेक ) Happy

१. हिरव्या उसाला अशी भडकलेली आग लागु शकत नाही...

२. mi_anu | 14 June, 2016 - 22:09 नवीन
उसाला आग लावणे हां त्यांच्या लपण्याशी संबंधित नसून नार्मल शेती लाइफ सायकल मधला भाग असू शकतो
>> सहमत.. तो नार्मल शेती च्या लाइफ सायकल चा च भाग आहे..

३. जर तो Escape sequence नीट पाहीला तर ते अगोदर ज्वारी, नन्तर फळबाग, मग उसाचा फड इथे लपतात.. आणि मग लपत, पळत जाताना, एका शेतातुन दुसर्‍या शेतात, तेव्हा ते उस कापलेल्या शेतातुन जातात जीथे अगोदरच उस कापुन घेउन गेल्यवर उरलेल्या पाचोट्यना आग लवलेली असते..

साधना | 14 June, 2016 - 22:16
तो आगीचा शॉट बॅकड्रॉप म्हणून वापरलाय. आग यांच्यासाठी नव्हती लावली. यांची पुढची वाटचाल आगीतून आहे हे दर्शवण्यासाठी हि योजना असावी.
>>>>

अगदी मनातल...good observation...मला पण असच वाटल...

आणि ते चौघे पळतान..मागे लागलेली आग आणि त्य उजव्या कोपर्‍यात पुर्ण चन्द्र दा़खवलाय (full moon night असावी बहुदा ) ...कसली छान दिसते ती फ्रेम..

येस, आता परत पाहिले Happy त्या शॉटच्या आधी बॅटरी घेऊन बाईकवरून शोधताना दाखवले आणि नंतर पालांमध्ये म्हणजे टेम्पररी झोपड्यांमध्ये शोधताना दाखवले. यांच्यासाठी आग लावली असती तर आगीच्या आजूबाजूला, हे बाहेर पडतात का हे शोधलं असतं.

श्रीरामके, तुमच्या आलिकडच्या पानावरच्या पोस्टी बद्दल. शक्य आहे. माणूस आपापल्या अनुभवांनुसार इण्टरप्रेट करतो. मी फार उदाहरणं नाही पाहिली/एकली तशी म्हणून मला तितकासा बिलिवेबल नाही वाटला मला. Happy

तो फोटोचा शॉट मी परत परत दोन तीनदा पाहिला, पण सल्या बाळ्या दिसले नाहीत. एका फोटोत चारजण आहेत पण त्यात कोणीही वाकड्या पायाचा नाही
>>
मी देखील तो सीन पुन्हा पुन्हा पाहिला पण सल्या नि बाळ्या नाही दिसले त्यात.

मोरपंखिस आणि साधना, जर भरलेल्या हिरव्या उसाला आग लागणार नाही तर नुकत्या कापलेल्या (पण तरिही न वाळलेल्या शेताला ) आग लागेल का?

असो. मी म्हंटलं दुसरी कडे की क्रिकेट सारखं डोक्यावर घेतलं जात आहे. पिसं अन् पिसं निघत आहेत पिक्चरची Lol

सशल तुझ्या शंका डायरेक्ट परश्यालाच विचार की फोन करून, श्री ला सुद्धा कधीची ती रिंग ऐकायची आहे,,

घी नंबर,
अठ्ठ्यान्नव
पंचवीस
पंधरा
हां
सत्तेचाळीस
अठ्ठेचाळीस

ते याड लागलं गाण्यात परश्या सलूनच्या आरशात स्वतःला पाहत सावरत असतो आणी डायरेक्टर त्याच्याकडे बघत असतो. यात मंजुळे स्वतःचा गोड भुतकाळ वगैरे आठवतोय असे वाटते.

मंजुळेचे सगळेच प्रसंग मस्त आहेत तसे. झिंगाट मधे प्लास्टिकच्या ग्लासात दारु पिताना किंवा 'तराट झालोया' लाईनवर नुसते मागे पुढे झोकांड्या देत नाचतो ते तर एकदम जबरी. अ‍ॅक्चुअल तर्राट असेच झोकांड्या देतात. Wink

निघू दे की सशल. त्या करताच उघडलाय बाफं. होल वावर इज आवर! Happy

इथे काल ते लंगड्याचं "काय लगा अब्रु खाय लागलाय" कळ्यापासून अजून हसायला आलं बघितल्यावर परत. Lol
मी खरं मेन लेखा मध्ये लंगड्याची तारिफ करायची राहिली आहे! एकदम नॅचरल अ‍ॅक्टर आहे तो!

'तराट झालोया' लाईनवर नुसते मागे पुढे झोकांड्या देत नाचतो ते तर एकदम जबरी. अ‍ॅक्चुअल तर्राट असेच झोकांड्या देतात>>>>>> हो हो! परफेक्ट केलय एक्दम ते! बघूनच हसायला येतं ती अ‍ॅक्शन. पुर्वी गणपतीत वगैरे तराट लोकांना नाचताना पाहिलय असं. Lol

हायझेनबर्ग, भारी!
एकदम टायमात येतो सल्या मदतीला धावून! Happy

सशल :
पिसं अन् पिसं निघत आहेत पिक्चरची

Lol मनापसुन सहमत...

पहिल्या वेळेस अस होतय की, चित्रपट ईतका फ्रेम बाय फ्रेम पाहीला जातोय...

फकीर - हो :). मला ती एकदम कसलेही भाव नसलेल्या चेहर्‍याने बघत असलेली पोज एकदम मजेदार वाटली Happy

तो सुरूवातीचा "एकच फाईट वातावरण टाईट" फ्लेक्स प्रिन्सचाच आहे का?

बाकी त्या झिंगाट गाण्यात जब्या सापडला. एकदम ओझरता दिसतोय.
मागील पानावर दिलेल्या यु ट्युबच्या लिंकवरुन नेमकं कुठे बघायचे ते कळते. पण अ‍ॅक्चुअल गाण्यात त्याचा शॉट कापलाय.

https://www.youtube.com/watch?v=7L4lz2h1X_I

तो सुरूवातीचा "एकच फाईट वातावरण टाईट" फ्लेक्स प्रिन्सचाच आहे का?>> नाय, त्याच्या बापाचा.

त्याच्या फ्लेक्स मध्ये
बघ्तोस काय? मुजरा कर!
असे आहे. झिन्गाट च्या जस्ट स्टार्टला.

सशल, शेत कापले कि त्याच्या कापलेल्या खुंटांवर वाळकी पाने, काटक्या, लाकडे वगैरे भरपूर माल टाकून तो माल जाळतात. मूळ पिकाचा पाला फारसा नसतो जाळायला. चित्रात जी दणाणून आग दिसतेय ती शेतातल्या पिकाची नाहीय तर त्यावर टाकलेल्या जळाऊ मालाची आहे. मे महिन्याच्या अखेरीस गावी सगळीकडे हाच उद्योग असतो. असे केल्याने जमीनीचा कस सुधारतो असा समज आहे. वर टाकलेल्या पाल्यापाचोळ्याच्या राखेमुळे खरेच कस सुधारत असावा.

त्यांच्या घरात भिंतीवर जे फोटो आहेत त्यात एका फोटोत आहेत सल्या बाळ्या.....

अजून एक प्रसंग....आर्चि पर्श्याच्या आईच्या पाया पड्ते तेव्हा आनी नाकाला ओढ्णी लावुन बसलेली दिसते...बहुदा माशांच्या वासामुळे...पण आर्चि तसं करत नाही...निवांत बोलत असते...आणि नमस्कार करुन पर्श्याकडे बघत निघुन जाते तेव्हा पर्श्या अगदी कौतुकाने बघताना दाखवला आहे.... Happy

त्यातही नाहीयेत. मी सक्रीनशॉट घेतले पण इथे टाकता येत नाहीयेत ... नाहीतर दाखवले असते. मी तर बाळ्याचे पाय दिसतात का बघत होते, पण नाही दिसले.

उस कापल्यावर उरलेल्या खोडवांवर प्रचंड पाचट पडलेलं असतं ते जाळलं जातं, त्याच्यावर अजुन दुसरा माल टाकायची गरज भासत नाही. ती आग पाचटाला लावलेली आहे.

Pages