मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 12 April, 2016 - 15:11
गुलाबी आठवांना टाळण्यासाठी
नवे क्षण दे नव्याने भाळण्यासाठी
मनाचा मामला नाजुक तुझ्या-माझ्या
पुरेसा वेळ घे हाताळण्यासाठी
प्रसंगांच्या नदया वाहून जाणाऱ्या
स्मृतींचे बांध ....ते सांभाळण्यासाठी
दिला नाहीच तर कळणार कोठुन हे ?
दिेलेला शब्द असतो पाळण्यासाठी !
खुशालीच्या क्षणांना ने तुझ्यासोबत
उदासी ठेव मागे माळण्यासाठी
अशी आत्मीयता आटून गेली की,
टिपुसही पाझरेना गाळण्यासाठी
निखारे संभ्रमांचे पेटते ठेवू
कलेवर जाणिवांचे जाळण्यासाठी
सुप्रिया
विषय:
Groups audience:
Group content visibility:
Public - accessible to all site users
शेअर करा
पुराण्या आठवांना टाळण्यासाठी
पुराण्या आठवांना टाळण्यासाठी
नवे क्षण दे नव्याने भाळण्यासाठी>>व्वा
प्रसंगांच्या नदया वाहून जाणाऱ्या
स्मृतींचे बांध ....ते सांभाळण्यासाठी >>सुंदर
अशी आत्मीयता आटून गेली की,
टिपुसही पाझरेना गाळण्यासाठी>>व्वा
निखारे संभ्रमांचे पेटते ठेवू
कलेवर जाणिवांचे जाळण्यासाठी>>खूप आवडले!
गजल आवडली,
क्या बात! बहोत खूब! शेवटचा
क्या बात! बहोत खूब!
शेवटचा निखाराच!!