Submitted by विदेश on 14 January, 2016 - 23:38
हल्ली-
उन्हाळ्यात पाऊस पडतो
पावसाळ्यात थंडी वाजते
हिवाळ्यात ऊन रणरणते ..
आमच्यावेळी नव्हते ब्वा असे -
हल्ली-
दिवसा काही झोपा काढतात
रात्री जागरणे काही करतात
फेस्बुकात फेस घालतात ..
आमच्यावेळी नव्हते ब्वा असे -
हल्ली-
एकेकजण एकेका खोलीत
प्रत्येकजण स्वत:च्या चालीत
कानात हेडफोन असतो घालीत ..
आमच्यावेळी नव्हते ब्वा असे -
हल्ली-
तो गाडीवर वाकडी करतो मान
तो हातवारे करत बसतो छान
तो धडकून घालवत असतो जान
आमच्यावेळी नव्हते ब्वा असे -
हल्ली-
संक्रांतसण पंधरा जानेवारीला
लग्नाऐवजी महत्व शूटिंगला
शांततेची सुरुवात गोंधळाला ..
आमच्यावेळी नव्हते ब्वा असे -
............... विजयकुमार देशपांडे
.
विषय:
Groups audience:
Group content visibility:
Public - accessible to all site users
शेअर करा
व्वा .. छान आहे.. शेवटचे कडवे
व्वा .. छान आहे..
शेवटचे कडवे खास समजले नाही
पूर्वी १४ जानेवारी म्ह्णजेच
पूर्वी १४ जानेवारी म्ह्णजेच संक्रांत असायची.
दुस-या दोन ओळी लग्नमुहूर्तवेळीच दिल्या जाणा-या व्हिडिओशूटिन्ग आणि वधूवराच्या हार घालण्यासाठीच्या उचलाउचलीस उद्देशून . प्रतिसादासाठी आभार !
साधारणपणे दर आठ वर्षांनी
साधारणपणे दर आठ वर्षांनी संक्रांत १५ जानेवारीला असते. ते सूर्याच्या संक्रमणावर अवलंबून असते .. पुर्वीपासून !!
दिनेशजी - आमच्या लहानपणी कधी
दिनेशजी -
आमच्या लहानपणी कधी १५ जानेवारीला संक्रांत आल्याचे खरेच आठवत नाही ...चुभूदेघे !