फ़ोटोस टांगली माळ,
दिव्याचा जाळ,बोडके भाळ,लेकरे तान्ही..
जोडली तुझ्याशी नाळ,
सरकता काळ,तसा सांभाळ,करावा कोणी..
नांदलो उपाशी जरी,
आपल्या घरी,दुखवटा तरी,पाहिला नाही..
झोपला आज तू कसा,
सांग राजसा,तुला भरवसा,राहिला नाही॥
पांढर्या कपाळी खोक,
थांबले लोक,सावरु झोक,कुणाच्या साठी..
अर्ध्यात सोडुनी हात,
विझवली वात,तोडल्या सात,शेवटी गाठी..
मारते कधीची हाक,
ऐकुनी झाक,कोरडेठाक,राजसा डोळे..
हंबरे बिचारी माय,
चोळते पाय,मागती काय,पोटचे गोळे ॥
दुःखात शेत रापले,
रान तापले,पाय कापले,हारलो नाही..
खाण्यास नसे भाकरी,
सदा चाकरी,स्वतःच्या घरी,थांबलो नाही..
येतील सुखाचे दिवस,
बोलले नवस,संपली अवस,ढोरकामाची..
तोडलास का विश्वास,
घेतला फ़ास,सांग ही साथ,काय कामाची ॥
ऊठ रे ऊठ राजसा,
कोरडा घसा,आवरु कसा,हुंदका येई..
खुंटली एक कंठात,
हाक ओठात,जोडते हात,पिलांची आई॥
-- संतोष वाटपाडे (नाशिक)
संतोषराव व्यथित करणारी रचना
संतोषराव व्यथित करणारी रचना आहे हो!
ओह
ओह
डोळ्यात पाणी आले
डोळ्यात पाणी आले
बापारे! योगायोग म्हणू की
बापारे!
योगायोग म्हणू की काय?
आज सकाळीच आपली रचना 'आकांत'...पेटली दिव्याची वात जाहली रात कधीची काळी...वाचनात आली,आणि आता हा 'हंबरडा'!
त्यात भरीस भर म्हणून की काय,बेफिजी आणि निशिकांतजीनी नेमक्या याच विषयावर,आजच रचना पोस्ट केल्या आहेत!
सर्वांनीच वास्तव व्यथा अत्यंत बोलती...सलती अशी मांडली आहे! त्याबद्दल आभार!
धन्यवाद!
मन हेलावून जाते,काय जबरदस्त
मन हेलावून जाते,काय जबरदस्त वास्तव रेखाटले आपण,,,,!!
धन्यवाद मित्रानो...
धन्यवाद मित्रानो...
बापरे फारच वाईट हो. आपण
बापरे
फारच वाईट हो.
आपण त्यांच्या करता फारस काही करू शकत नाही याच फार वाईट वाटत राव !