काकडीचा कोरोडा

श्रावण - भाद्रपद महिन्यात काकडीला जास्त महत्व, पोळा, गणपती, गौरी ला आवर्जुन प्रसादाला काकडी लागतेच.
या दिवसात काकडी चांगली मिळते देखिल.. शिवाय चातुरमास सुरु झालेला असतो तेव्हा कांदा - लसुण न घालुन सुद्धा एका चविष्ट भाजीची पा.कृ. देते आहे.

तर प्रथम काकड्या धुवुन ,पुसुन, सोलुन घ्या, किसणी नी किसुन घ्या, त्यातल अर्ध्या पेक्षा जास्त पाणी काढुन घ्या.( सगळ पाणी घातल तर खुप आसट होतो, आणि मग खुप डाळीच पीठ पण लागतं)

आता कढईत एक पळी तेल घाला, मोहरी तडतडली की हिरवी मिरची घाला, हिंग, हळद, तिखट घाला, आता
किसलेली काकडी घाला, मिठ घाला आणि ५ , ७ मि.झाकण ठेवुन शिजु द्या, काकडी चांगली शिजली की मग डाळीचे पिठ घालुन, नीट परतवुन घ्या,आणि पुन्हा झाकण ठेवुन दणदणीत वाफ काढा.. सगळ्यात शेवटी बारिक चिरलेली कोथिंबीर घालुन पानात वाढा..:) वरुन कढवलेले तेल नक्की घ्या. (कढवलेल तेल = फोडणीच तेल मोहरी आणि हिंग घातलेलं)

पोळी/ भाकरी, हिरवा ठेचा, कोरोडा आणी भात... मस्तच बेत होतो.. (मग वरणाची गरज नसते)