Submitted by माउ on 14 August, 2015 - 12:16
चांदणचुरा हा शब्द बरेच दिवस मनात घर करून होता..त्यासाठीच केलेला हा प्रयत्न!
दिवस सरतो सोनसळी, रंगांची अवचित दाटी
केशर ओली सांज भेटते कालिंदीच्या काठी
बहरत जाते आसावरी, दरवळती फूलथवे
निळासावळ्या रात्रीला चांदरुपेरी स्पर्श नवे
स्तब्ध शांत पाण्यावरती चंद्रकोर ती हिंदकळे
चांदफुलांनां वेलींना अनंतरांची जोड मिळे
सावळ्या कुंतली धरतीच्या जाईचा पडदा शुभ्र दिसे
प्रेमविरहीणी नवथर कोणी मुखचंद्रमा झाकितसे
चांदणे पिऊन वार्याला रातीची मग नशा चढे
स्वप्नांच्या दारी अलगद तेव्हा तृप्तीची चाहूल पडे
उमजत जाते..समजत जाते..रात्र भासते गंधितशी
बासुरीचे होते मन अन सावळ्याची साद जशी
गाभार्यातून जाग येते भूपाच्या पहिल्या स्वरा
धुके पसरते पहाटेवरी उधळून चांदणचुरा!!
- रसिका
विषय:
Groups audience:
Group content visibility:
Public - accessible to all site users
शेअर करा
सुंदर शब्दकळा !!! आवडली..
सुंदर शब्दकळा !!! आवडली..
ग्रुप सभासदाकरता का ठेवलिये ? सार्वजनिक करा म्हणजे इतर लोकही वाचतील
धन्स..नक्की करते..
धन्स..नक्की करते..
सुंदर कविता. आवडली. पहिल्या
सुंदर कविता. आवडली.
पहिल्या द्विपदीत सायंकाळची वेळ आणि सोनसळी हे शब्द एकत्र वापरले गेले आहेत. ते बरोबर आहे का ?
सोनसळी दिवस सरला असे म्हणायचे
सोनसळी दिवस सरला असे म्हणायचे आहे..
सोनसळी किरणे म्हणजे सकाळच्या
सोनसळी किरणे म्हणजे सकाळच्या वेळी सूर्य वर येत असतांना पाण्यावरून परावर्तित होणारी या अर्थाने हा शब्द वापरतात हे ठाऊक आहे. संध्याकाळच्या वेळेसाठी हा शब्द योग्य आहे किंवा कसे याबद्दल कल्पना नाही (शंका आहे).
मलाही नक्की माहीत नाही..चेक
मलाही नक्की माहीत नाही..चेक करते..
खूप छान कविता. सुरेख वातावरण
खूप छान कविता.
सुरेख वातावरण निर्मिती.
धन्यवाद!
धन्यवाद!
सुरेख कविता छान रंगत गेली
सुरेख कविता
छान रंगत गेली आहे
सोनसळी म्हणजे सोन्याचा वर्ख ल्यालेली ( वस्त्राचा पोत/ छटा या अर्थाने मूळ शब्द आहे बहुधा)
त्यामुळे संध्याकाळीसाठीसुद्धा वापरणे चूक नसावे.
व्वा! शब्द न शब्द आवडला..
व्वा! शब्द न शब्द आवडला..
चांदणचुरा>>> कसला मस्त शब्द
चांदणचुरा>>> कसला मस्त शब्द आहे हा छान आहे कविता.
मस्त !
मस्त !
मस्तच!
मस्तच!
धन्यवाद !
धन्यवाद !:)
>>>गाभार्यातून जाग येते
>>>गाभार्यातून जाग येते भूपाच्या पहिल्या स्वरा
धुके पसरते पहाटेवरी उधळून चांदणचुरा!!<<<वाह्...छान!
आई गं... कसे शब्दं.. कसं
आई गं... कसे शब्दं.. कसं शब्दंचित्रं...
माऊ, अगदी 'आहा आहा' झालय
वा वा
धन्यवाद सत्यजित आणी दाद!
धन्यवाद सत्यजित आणी दाद!
किती सुरेख
किती सुरेख