Name: चिकन - तामिळ पद्धतीने
Cook time: ३० मिनिटे
Yield: २-३
Cuisine: दाक्षिणात्य
Ingredients: अर्धा किलो चिकनचे छोटे तुकडे; दोन मोठे कांदे; २ मोठे टॉमॅटो; आलं-लसूण पेस्ट २ चमचे; हळद; २ चमचे तिखट; ३ चमचे धण्याची पुड; २ चमचे मीरेपुड; मीठ; कोथिंबीर; तेल; २-३ चमचे ओल्या नारळाचा चव आणि थोडेसे ओल्या नारळाचे छोटे काप; मीठ; लिंबू फोडणीसाठी : तेल पळीभर; कढिपत्ता १ काडी; सुक्या लाल मिरचीचे तुकडे २-३; दालचिनीचे तुकडे ३-४; तमालपत्र १-२; लवंगा ३-४; विलायची ३-४; जीरे; बडीशेप १ चमचा

Submitted by अल्पना on 20 July, 2014 - 06:32

प्रत्यक्षात लागणारा वेळ:

३० मिनिटे

लागणारे जिन्नस:

अर्धा किलो चिकनचे छोटे तुकडे, दोन मोठे कांदे, २ मोठे टॉमॅटो, आलं-लसूण पेस्ट २ चमचे, हळद, २ चमचे तिखट, ३ चमचे धण्याची पुड, २ चमचे मीरेपुड, मीठ, कोथिंबीर, तेल, २-३ चमचे ओल्या नारळाचा चव आणि थोडेसे ओल्या नारळाचे छोटे काप, मीठ, लिंबू

फोडणीसाठी : तेल पळीभर, कढिपत्ता १ काडी, सुक्या लाल मिरचीचे तुकडे २-३, दालचिनीचे तुकडे ३-४, तमालपत्र १-२, लवंगा ३-४, विलायची ३-४, जीरे, बडीशेप १ चमचा

क्रमवार पाककृती:

चिकनचे तुकडे स्वच्छ धूवून त्यांना १ चमचा आलं-लसूण पेस्ट, थोडी हळद एक चमचा तिखट, एक चमचा धण्याची पुड आणि थोडं मीठ लावून २०-२५ मिनीटांसाठी मॅरिनेट करावे.

एका कढईमध्ये थोडं तेल घेवून त्यात फोडणीचं सामान घालून फोडणी करावी. त्यात बारिक चिरलेले कांदे आणि उरलेली आलं-लसूणाची पेस्ट घालून तेल सुटेपर्यंत परतून घ्यावे. त्यात बारिक चिरलेला टॉमॅटो घालून परत परतावे. परतताना शिजत आलेल्या टॉमॅटोला चमच्याने मॅश करावे. कांदा-टॉमॅटोचा मसाला व्यवस्थित एकजीव होत आला की त्यात थोडी हळद आणि उरलेले तिखट -धण्याची पुड घालून परत परतावे. नंतर त्यात नारळाचा चव आणि नारळाचे छोटे काप घालावेत. यात अर्धा कप पाणी घालून मॅरिनेट केलेले चिकनचे तुकडे व चवीप्रमाणे मीठ घालावे आणि झाकून शिजवून घ्यावे.
चिकन शिजत आले की त्यात ताजी मीर्‍याची पुड आणि एका लिंबाचा रस घालावा. जर पातळ रस्सा झाला असेल तर शिजल्यावर थोडावेळ आटवून घ्यावे.
वरून कोथिंबीर घालावी.

वाढणी/प्रमाण:

२-३

अधिक टिपा:

या प्रकारामध्ये रस्सा नसतोच. अगदी अंगासरशी रस असेल इतपत पातळ चालू शकेल.
धण्याची पुड शक्यतो धणे भाजून ताजीच वापरली तर जास्त छान चव येते.
हा प्रकार नुसता स्टार्टर म्हणून खाता येईल,
सांबार-भात किंवा चपातीबरोबर पण छान लागतो.

माहितीचा स्रोत:

मेरी मामी

आहार:

मांसाहारी

पाककृती प्रकार:

चिकनचे (कोंबडी) प्रकार

प्रादेशिक:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

अल्पना.. सेल्व्हीची रेसिपी

अल्पना.. सेल्व्हीची रेसिपी थोडीफार सेम आहे, पण ती मोठे कांदे वापरण्याऐवजी छोटे सांबार कांदे वापरते. मिरेपूडीसोबत फोडणीमध्ये अख्खे मिरे घालते. आणि नागकेशराचा छोटुस्सा तुकडापण घालते.

कढीपत्ता (१ काडी वगैरे नाही) भ र पू र घालते.

Submitted by नंदिनी on 20 July, 2014 - 06:44