निसर्गाच्या गप्पा (भाग २३)

Submitted by जागू-प्राजक्ता-... on 10 November, 2014 - 14:09

निसर्गाच्या गप्पांचा धागा २३ व्या भागामध्ये पदार्पण करत आहे. सगळ्या निसर्गाच्या गप्पांच्या सदस्यांचे हार्दिक अभिनंदन.

"हिवाळा" हा सगळया ऋतुंमधे आल्हाददायक ऋतु वाटतो. हिवाळ्याची पहाट खुपच रम्य वाटते. पहाटे सभोवताल पसरलेले धुके, गार वारं, पक्षांचा किलबिलाट, गाईचे हंबरणे, कोवळ्या उन्हाचा किरणोत्सव, आंगणात पेटवलेल्या चुलीचा धुर,वाफाळता चहा.. सगळेच कसे रमणिक आणि प्रसन्न वाटते.

हिवाळ्यात थकवा, चिडचिड जाणवत नाही, शीण येत नाही, एरवी नकोस झालेले उन सुदधा हवेहवेसे वाटते. या दिवसात अहार वाढलेला असतो तसेच पचन शक्ती पण चांगली असते. या ऋतूत सशक्त होऊन ही ताकद साठवुन वर्षभर पुर्वायची असते..

तसेच थंड हवामानामुळे या दिवसात फळ भाज्यांची रेलचेल असते.. पेरु,सिताफळे,पपई,, चिक्कु अशा मधुर फळाची मेजवानी असतेच जोडीला संत्रे, मोसंबी अशी निमफळ पण चाखायला मिळतात. थंडी मुळे फुला - फळांचे रंग अधिकच गडद आणि लोभस वाटतात.

या दिवसात काही झाडांची पान गळती असते तर..काही झाडे ओसंडुन बहरत असतात.
एकी कडे बुची , पारिजातकांचे सुगंधीत सडे पडलेले असतात तर दुसरीकडे शेवंती, चमेली, सायली नटलेली दिसते..
तर असाहा सुगंधोत्सव कधीच संपु नये असे वाटते...

आपण सगळे नुकतीच दिवाळी जलौषात साजरी करुन एका वेगळ्याच जोशात कामाला लागलेले असतो... आता वेद लागतात ते तुळशीच्या लग्नाचे! आपले सगळे सण समारंभ निसर्गाशीच निगडीत आहेत.. उदा. कार्तीक महिन्यातच तुळशी विवाहा असण्याचे कारण असे की या महिन्यात तुळस बहरलेली असते , तिला भरपुर पान आणि मंजीर्‍या आलेल्या असतात.. म्हणजेच विवाहा योग्य झालेली असते... या सणाच्या निमित्याने कन्या योग्य वयात आल्यावरच तिचा विवाह करावा असे तर आपल्या पुर्व़जांना सुचवायचे नसेल ना! असे श्री दिलीप व सौ पोर्णिमा कुलकर्णीं यांच्या एका पुस्तकात वाचल्याचे आठवते..

शिवाय, तुळशीच्या लग्नासाठी लागणारे सगळे साहित्य आपल्याला निसर्गचे देते..उदा. विवाहासाठी लागणारी झोपडी किंवा मांडव उसाची किवा ज्वारीची असते,.. पुजेच्या साहित्यात बोरं, चिंचा, आवळे, सिताफळ हवेच. म्हणजेच काय तर सणा समारंभाच्या निमित्याने आपण निसर्गाचीच पूजा करतो, आभार मानतो. आणि असे करणे गरजेचे आहे.कारण आपण निसर्गाकडुन नेहमिच काही ना काही घेत आलो आहोत. त्याचे आपल्यावर अनंत उपकार आहेत, कधी न फेडु शकणारे.

तर अशा या "कधी न संपावा" अस वाटणार्‍या रुतुचे आपण सगळे मना पासुन नि.ग. वर स्वागत करुया.

(वरील फोटो व लेखन मायबोलीकर निसर्गप्रेमी सायली पातुरकर यांच्याकडून)

नि.ग. च्या धाग्याची सुरुवात झाली आहे ५ डिसेंबर २०१० रोजी पासून.

निसर्गमय झालेले आयडी
१) दिनेशदा, २) साधना, ३) जिप्सी, ४) शांकली, ५) जागू, ६) शोभा १२३, ७) अनिल ७६, ८) माधव,
९)चातक, १) प्रज्ञा १२३, ११) मामी, १२) अश्विनी के १३) पुरंदरे शशांक, १४) यो-रॉक्स, १५) उजू,
१६)मानुषी, १७) मी अमी, १८)सावली, १९) मोनलीप, २०) निराली, २१) शुगोल, २२) कळस,
२३) निकिता, २४) डॉ. कैलास गायकवाड, २५) मेधा, २६) श्रीकांत, २७)साक्षी १, २८) नादखुळा,
२९) चिंगी, ३०) गिरीकंद, ३१) जयू, ३२) सारीका ३३) स्_सा ३४) स्निग्धा ३५) जो_एस ३६) पद्मजा_जो ३७) मनिमाऊ ३८) रुणुझूणू ३९) मृदूला ४०) शुभांगी हेमंत ४१) अवनी, ४२) प्रिती १ ४३) शकुन ४४) आस ४५) मृण्मयी ४६) रावी ४७) इनमीन तीन ४८) रीमा ४९) आशुतोष ५०) वैजयन्ती ५१) सेनापती ५२) ज्ञानेश राऊत ५३) इन्डिगो ५४) गौरी ५५) चिमुरी ५६) शकुन ५७) बी ५८)वेका ५९) वर्षू नील ६०) बंडोपंत ६१) मुक्तेश्वर कुलकर्णी ६२) मधू-मकरंद ६३) सुर्यकिरण ६४) पिशी अबोली ६५) सुमंगल ६६) गमभन ६७) दक्षिणा ६८) आर्या ६९) येळेकर ७०) प्राची ७१) हेमा वेलणकर ७२) अन्जू ७३) झरबेरा ७४) चंद्रा ७५) Sayali Paturkar ७६) सामी ७८) anjalichitale@y ७९) वर्षा ८०) मृनिश ८१) सरिवा ८२) रिया ८३) नलिनी ८४) गौराम्मा ८५) पलक ८६) केशर ८७) कांचन कुलकर्णी

मागील धागे.
निसर्गाच्या गप्पा (भाग १) http://www.maayboli.com/node/21676
निसर्गाच्या गप्पा (भाग २) http://www.maayboli.com/node/24242
निसर्गाच्या गप्पा (भाग ३) http://www.maayboli.com/node/27162
निसर्गाच्या गप्पा (भाग ४) http://www.maayboli.com/node/29995
निसर्गाच्या गप्पा (भाग ५) http://www.maayboli.com/node/30981
निसर्गाच्या गप्पा (भाग ६) http://www.maayboli.com/node/32748
निसर्गाच्या गप्पा (भाग ७) http://www.maayboli.com/node/34014
निसर्गाच्या गप्पा (भाग ८) http://www.maayboli.com/node/34852
निसर्गाच्या गप्पा (भाग९) http://www.maayboli.com/node/35557
निसर्गाच्या गप्पा (भाग१०) http://www.maayboli.com/node/36675
निसर्गाच्या गप्पा (भाग ११) http://www.maayboli.com/node/38565
निसर्गाच्या गप्पा (भाग १२) http://www.maayboli.com/node/40660
निसर्गाच्या गप्पा (भाग १३) http://www.maayboli.com/node/41996
निसर्गाच्या गप्पा (भाग १४) http://www.maayboli.com/node/43114
निसर्गाच्या गप्पा (भाग १५) http://www.maayboli.com/node/43773
निसर्गाच्या गप्पा (भाग १६) http://www.maayboli.com/node/45755
निसर्गाच्या गप्पा (भाग १७) http://www.maayboli.com/node/47785
निसर्गाच्या गप्पा (भाग १८) http://www.maayboli.com/node/48236
निसर्गाच्या गप्पा (भाग १९) http://www.maayboli.com/node/48774
निसर्गाच्या गप्पा (भाग २०) http://www.maayboli.com/node/49280
निसर्गाच्या गप्पा (भाग २१) http://www.maayboli.com/node/49967
निसर्गाच्या गप्पा (भाग २२) http://www.maayboli.com/node/50615

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय: 
शब्दखुणा: 
Groups audience: 
Group content visibility: 
Public - accessible to all site users

दिनेश कीवी हे न्युझीलन्डचे राष्ट्रीय फळ असं काही आहे का?
डायनॅमो चे शो डिस्कव्हरी वर मी पण बघीतले..>>>>>>>> मी पण .

दिनेश कीवी हे न्युझीलन्डचे राष्ट्रीय फळ असं काही आहे का? >>>> मला वाटतं किवी हा न्यूझिलंडचा राष्ट्रीय पक्षी आहे .... Happy

काल सकाळी ७ - ७.३० वाजता कावळे कुणालातरी हुसकवत होते. नीट पाहीले तर पांढर्‍या पोटाची पाणकोंबडी होती. बदामाच्या झाडाच्या बुंध्याशी फिरत होती. काहीबाही टिपत होती. तशी ती कावळ्यांना थोडी घाबरली. माग तिला भरगच्च पाने असलेल्या कुंतीच्या झाडाचा सुगावा लागला. आणि त्याच्या पानात ती लपून बसली. जवळ जवळ दुपारपर्यंत ती तिथेच होती. मग मीच बाहेर गेले. परत काही दिसली नाही.
हिचे दर्शन प्रथमच घडले. पण कांदिवली पूर्व, मुंबई येथे स्टेशन जवळ ही पाणकोंबडी कशी काय आली असावी. तसे जवळपास पाणथळ जागा, तलाव नाही मग ही वाट कशी चुकली???

त्या पक्ष्यावरूनच त्या फळाचे नाव ठेवलेय. किवी हा न उडणारा पक्षी आहे. न्यू झीलंडमधले अनेक पक्षी उडत नाहीत कारण त्यांना जमिनीवर कुणी शत्रूच नव्हता. ( न्यू झीलंडमधे सापासारखे सरपटणारे प्राणी नाहीत कि वाघ सिंहांसारखे प्राणी नाहीत. ) तिथे राहणार्‍या लोकांनी त्यांच्यासोबत कुत्रे आणि मांजरी आणल्या, नाहीतर तेही नसते तिथे.

पण सध्या किवींची संख्या खुप कमी होतेय. त्यांची कृत्रिम पैदास केली जाते. ( ते केंद्र मी बघितले ) हा पक्षी निशाचर असल्याने, त्या केंद्रात अंधार केलेला असतो.

या किवीची आणखी एक खासियत म्हणजे त्याच्या आकाराच्या मानाने अंड्याचा आकार खुपच मोठा असतो.

तिथल्या लोकांना पण किवीच म्हणतात.

बी, मस्त फोटो.. पण या झाडातली सगळीच काही परावलंबी नसतात. त्यांना केवळ खोडाचा आधार लागतो. आपले अन्नपाणी ते स्वतः मिळवतात. आणि तसाही खोडाचा मूळ झाडाला फक्त आधारापूरताच उपयोग असतो. खोडावर अशी झाडे वाढल्याने मूळ झाडाचे नुकसान होत नाही. क्वचित या झाडांचे जास्तच वजन झाले तर फांदी मोडते, एवढेच.

मधु मकरंद, बर्‍याच दिवसांनी आलात..
पाण कोंबडीचा किस्सा छान.

त्या वरुन आठवले आज सकाळी ५, ५.३० च्या सुमारास आमच्या घराच्या मागच्या गल्लीत एक मोठ कडुलिंबाचे झाड आहे, त्यावर एक कोकीळ, आणि नेहमीचे पक्षी, बुलबुल, सात भाई, कर्कश्य ओरडत होते.. आधी मला वाटले कोकीळा बाईंचा निशेध चालला असेल, पण नंतर एक कुत्र्र पण झाडाकडे बघुन खुप वेळ भुंकत होता...
काय प्रकार असेल? झाडावर साप आला असेल का? काळोख असल्यामुळे काहीच स्पष्ट दिसत नव्हते

दिनेश दा छान माहिती..
त्याच्या आकाराच्या मानाने अंड्याचा आकार खुपच मोठा असतो+++ नवलच वाटले..

आह्हा.. मस्त माहिती आणी फोटोज,,

मानु, कंठी झळके तर इमॅजिनेशन ची कम्माले.. Rofl

खंड्या फारच सुर्रेख आहे..

सायली, बहुतेक सापच आला असणार.. त्यात तो बहीरा, ह्यांनी आरडाओरडा करून त्याला काय फरक पडणार ?

सगळेच फोटो मस्त.... खंड्या तर एकदम ग्रेसफूल Happy

मानुषी, आपल्याकडे किवीची लागवड यशस्वी होईल का ? >> दिनेश दा आपल्याकडे किवी हमखास मिळतात अगदी रस्त्यावरच्या फळवाल्याकडे ही असतात. आधी फक्त मॉल मधेच दिसायचे. एवढ्या संखेने आता मिळतात म्हणजे लागवड इथेच होत असेल ना?

बी, किवी चे पिलर ने साल काढले (काकडी सारखे) आणि स्लाईसेस केले तर अजिबात रस फुकट जात नाही.

सामी, चायनामधूनही येत असतील Happy
गल्फमधे इराणमधले यायचे. इराणी फळांना एक वेगळी छान चव असते. डाळींब, अंजीर, कलिंगड तर अगदी खासच असतात.

मानुषी, आपल्याकडे किवीची लागवड यशस्वी होईल का ? >> दिनेश आपली अशीच अव्हाकाडोवरही चर्चा झाली होती.
मी खरंच बीया साठवल्या होत्या. पण नियमांसाठी नाही आणल्या.
हो आणि न्युझीलन्डवासीयांनाही कीवीच म्हणतात +१०० . न्यूझिलन्डचे क्रीकेटर यायचे तेव्हा त्यांचा उल्लेख हमखास कीवीज म्हणून व्ह्यायचा.

मानुषी, अवाकाडो तूमच्याकडे नक्की होईल.. गोव्यात आणि बंगलोरला दोन्ही कडे छान वाढतो. एखाद्या चांगल्या नर्सरीत रोपही मिळेल.
कोल्हापूर रत्नागिरी रस्त्यावर, निळं या गावाजवळ एक मोठी नर्सरी आहे. तिथे अशी अनेक रोपे उपलब्ध आहे. राहुरी ऋषी विद्यापिठातही असावीत....

एखाद्या पक्ष्याला असे मिरवणारे न्यू झीलंडकर किती ग्रेट ना ! आपला राष्ट्रीय पक्षी मोर.. आपण स्वतःला मोरू म्हणून घेऊ काय ? Happy

आपण स्वतःला मोरू म्हणून घेऊ काय ? स्मित >>> Biggrin
बघू .......कोकण दौर्‍यात या नर्सरीला भेट देऊ. अव्हाकडो रोपासाठी!

मस्त फोटो सगळ्यांचेच . अवाकाडो चा २ नं फोटो कसला मस्त आलाय. Happy

हे मी काढलेले , हे फुलांचे फोटोज एका क्लिनिक च्या गच्ची वरचे आहेत. आता मी तिथे का गेलेली हे विचारु नका. Happy

flower1.jpgflower2.jpgflower3.jpg

हे तिसरया फोटोतील फुल कोणते ते माहीत नाही. कुणी ओळखु शकेल का?

मधु मकरंद, बर्‍याच दिवसांनी आलात.. >>> हो सायली ... मागच्या भागात अजिबात नव्हते. सध्या मात्र दोन दिवसांनी ईथे येते. सगळे वाचते. नियमितपणा जमेल असे वाटते.

मी टिपलेले काही नवीन फोटो पण मला ह्यांची नावे माहिती नाहीतः

ही फर्नच्या पानाची मागची बाजू आहे. पुढची बाजू केळीच्या पानासारखी आहे. तसे चित्रात जरा मागे पाहिले तर एक अर्धे पान दिसते:

ही फळे मला विषारी वाटतात पण पाने मात्र बदामाच्या पानासारखी जाड हिरवी सुरेख दिसत आहेतः

ह्या झाडाच्या फान्द्या सुद्धा फार गोड होत्य दिसायला:

दिनेशदा ही कुसुंबी आहे का?

हे अबोली रंगाचे ऑर्चिडः

बी, खूपच सुंदर आहेत फोटो.
हे फोटो कुठे घेतले ते ही तिथे लिहाल का?
त्यातलं जांभळं-गुलाबी फूल तामणाचं वाटतं आहे.
लाल पानांचं झाड कुसुंबीचं नसावं. कुसुंबीची पानं संयुक्त असतात.
शेवटचं ऑर्चिड खास आहे.

Pages