असतो का देह अभंग ?

Submitted by सुशांत खुरसाले on 2 August, 2014 - 00:09

टुमदार घरांच्या टोळ्या
बदनाम मनांची वस्ती
जर इथे भेटलो असतो
तर फिकीर पडली नसती

तू भेटीला बोलवले
ती जागा संथ निराळी
सांजवतो डोह तिथे अन्
सुर्याचा संप कपाळी

वर अशा सभ्य खडकांवर
टाकून पाय बसताना
मन तर-तम, तर-तम करते
भोवती तूच असताना

वाचल्या पहा डोहाने
सावल्या एकरुपताना
नवखेच जाणवे काही
हे शब्द नवे सुचताना

आठवे पुन्हा शब्दांना
सत्याचा धुरकट रंग
जन्मभर पुरावा इतका
असतो का देह अभंग ?

--सुशांत ..

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

धन्स ...

Submitted by सुशांत खुरसाले on 10 August, 2014 - 04:39

कविता दमदार सुशांत,
तू भेटीला बोलवले
ती जागा संथ निराळी
सांजवतो डोह तिथे अन्
...........................
हे निराळेपण अजून स्पष्ट करणारी चौथी ओळ हवी .. असं मात्र वाटलं.

Submitted by भारती.. on 10 August, 2014 - 07:15

धन्यवाद भारतीताई .

तुम्ही म्हणताय त्या ओळीबाबत विचार केलेला मी ;पण त्या क्षणी ते ठीक वाटलं ..
I'll try for better options . Happy

Submitted by सुशांत खुरसाले on 27 August, 2014 - 13:42