'पालखी'

Submitted by dr.sunil_ahirrao on 21 February, 2014 - 03:38

'पालखी'

कुणी मोल केले, कुणी मापले
भल्या भाविकाने तुला कापले

घडावीत रांगेतुनी दर्शने
जरी चोरट्याने खिसे नापले

उठे ही सुखाची तुझी पालखी
उरे भर्जरी दुःख आपापले

तुझी आसवे लागली सार्थकी
तुझे त्याग नोटांवरी छापले

नसे आज चिंता तुझी जीवना
पहा दुःख हे छानसे रापले !

डॉँ.सुनील अहिरराव

शब्दखुणा: 
Group content visibility: 
Public - accessible to all site users

गझल आवडली.

मत्ल्यावरून माझा एक शेर आठवला.

सोय देव ठरवून आपली पोळी शेका
पिढ्यापिढ्यांची परंपरा राखाल तुम्हीही

धन्यवाद.

आवडली