आता सुरू नव्याने...

Submitted by डॉ अशोक on 26 October, 2013 - 10:59

आता सुरू नव्याने...
(तरही गझल- एक प्रयत्न)

वाटेत वाटले ना, पूरे प्रयास झाला
आता सुरू नव्याने माझा प्रवास झाला

त्यांचेच बाण होते, त्यांचीच सांत्वने ही
तो श्रीहरी असावा, तो का हताश झाला?

स्वप्नात काल माझ्या, येऊन ती म्हणाली
"पाहून आपल्याला, चंद्रास त्रास झाला !"

सारे खरे असावे, की ते मिथ्याच होते?
ओठावरी मधाचा, भुंग्यास भास झाला !

हा डाव आज तू ही, खेळून घे "अशोका"
हारून तू म्हणावे, हा ही झकास झाला !
-अशोक
(मतल्यातली दुसरी ओळ: श्री सारंग भणगे यांचे सौजन्याने)

Group content visibility: 
Public - accessible to all site users

प्रयत्न चांगला आहे.

<<<स्वप्नात काल माझ्या, येऊन ती म्हणाली
"पाहून आपल्याला, चंद्रास त्रास झाला !"

हा डाव आज तू ही, खेळून घे "अशोका"
हारून तू म्हणावे, हा ही झकास झाला !>>>

या दोन द्वीपदी आवडल्या!!

Thanx !