'मराठी कविता समूहा'च्या 'लिहा ओळीवरून कविता - भाग १०७' मध्ये माझा सहभाग -
डोळ्यांखाली नकळत बनली वर्तुळे शुष्क काळी
दृष्टीसुद्धा विझुन हरवली शून्य देशात गेली
जाळे आठ्यांमधुन पसरले कृष्णवर्णी कपाळी
झोळी त्याची मळकट विटकी भार खांद्यास झाली
प्रत्येकाने सजवुन लिहिली त्या खुळ्याची कहाणी
कोणासाठी मजनु अपयशी प्रेमखेळात झाला
कोणी बोले बहुत धनिक तो भोगतो शापवाणी
आला होता कुठुन समजले ना कधीही कुणाला
धुंदीमध्ये बडबड करि तो नेहमी आपल्याशी
ऐकू आले सहजच मज तो गातसे काव्यओळी
नाही त्याला फिकिरच कुठली सख्य नाही जगाशी
काही बाही खरडत असतो वाहते गच्च झोळी
काव्योत्पत्ती हरवत असतो बावळा हा, तसा मी
तोही आता समजुन हसतो आपला, हासता मी !
….रसप….
२५ जुलै २०१३
http://www.ranjeetparadkar.com/2013/07/blog-post_25.html
छान ! आवडलं सुनीत .
छान ! आवडलं सुनीत .
रणजीत ! जमले आहे सुनीत. अगदी
रणजीत ! जमले आहे सुनीत. अगदी वाहते शब्दांकन होऊन तुमची कविता येते आहे.
सुंदर..!!
सुंदर..!!
अगदी वाहते शब्दांकन होऊन
अगदी वाहते शब्दांकन होऊन तुमची कविता येते आहे.<<< हे मला समजले नाही
प्रतिसादाच्या प्रतिक्षेत .......
व्व ! छान जमलेय. शेवटचे दोन
व्व ! छान जमलेय. शेवटचे दोन खंड विशेष.