थेंब थेंब

Submitted by पुरंदरे शशांक on 17 June, 2013 - 00:26

थेंब थेंब

थेंब थेंब अलवार
घेती मातीत आकार
कणसात उमलोनी
मोती झाले दमदार

थेंब थेंब मेघातला
मातीविण तळमळे
नदी नाल्यात वाहता
जलसंजीवन झाले

थेंब थेंब नाजुकसा
पानांवरी झुलतसे
गंध होऊनी फुलात
वार्‍यालाही लावी पिसे

थेंब थेंब डोळ्यातला
मन डोही डुचमळे
वारा सोसाट्याचा येता
पापणीच्या कडा आले....

विषय: 
काव्यलेखन
लेखनसुविधा
शब्दखुणा: 
थेंब थेंब
Groups audience: 
गुलमोहर - कविता
Group content visibility: 
Public - accessible to all site users
शेअर करा