Submitted by पुरंदरे शशांक on 9 June, 2013 - 19:37
एक वेडा निशिगंध
तुझ्या मनी फुललेला
एक वेडा निशिगंध
सार्या ऋतूत आगळा
सुवासतो धुंद फुंद
थेंब घेई पाकळ्यात
एक एक साठवून
कण कण ओलाव्याचे
येती मग उमाळून
शिशिराची थंडी त्यास
कधी बाधू ना शकते
नित्यनवी हिरवाई
पानापानात दिसते
ग्रीष्मातही हासतसे
शिर उंच उभवून
करीतसे मंद मंद
सुवासाची पखरण
असा निशिगंध नित्य
जावो बहरत सखी
यावा मनी फुलुनिया
जेव्हा जेव्हा मी निरखी
---------------
विषय:
शब्दखुणा:
Groups audience:
Group content visibility:
Public - accessible to all site users
शेअर करा
.
.
हाये... काय मस्तं जमलीये. असा
हाये... काय मस्तं जमलीये.
असा निशिगंध नित्य
जावो बहरत सखी....
सगळ्यांना तुझ्यासारखं सख्यं मिळो
"तुझ्या मनी फुललेला एक वेडा
"तुझ्या मनी फुललेला
एक वेडा निशिगंध" >>> कल्पना छानच.
कवितेत देखील निशिगंध फुललाय.
(फक्त शेवटच्या कडव्यात यमकाकडे लक्ष द्यावे ही विनंती)
वा ! सुरेख, सुगंधी ! सकाळ
वा ! सुरेख, सुगंधी ! सकाळ मस्त दरवळून टाकलीस
सर्वांचे मनापासून आभार .....
सर्वांचे मनापासून आभार .....
वा ! अगदी नजाकतीचे शब्द,
वा ! अगदी नजाकतीचे शब्द, निशिगंधाच्या छडीसारखे रुपस अन सुगंधी !
छानच लिहिता तुम्ही प्रश्नच नै
छानच लिहिता तुम्ही प्रश्नच नै !!
सुरेख. वाचायची राहून गली होती
सुरेख. वाचायची राहून गली होती .
आवडली
आवडली