टोमॅटो चटणी

टोमॅटोच्या आकारानुसार उभ्या चार किंवा सहा फोडी करा.
कढलं किंवा छोट्या पॅनला तेलाचा हात पुसून घ्या.
गॅसवर चढवणे, तापल्यावर चमचाभर उडीद डाळ खरपूस परतून घेऊन डाळ काढून घ्या.
गॅस बंद करू नका.
त्याच कढल्यात किंवा पॅनमधे जास्तीचे तेल न घालता त्यात टोमॅटोच्या फोडी टाका.
साल खरपूस होऊ द्या. किंचित जळकटली तरी चालेल. सतत परतत रहा.
टोमॅटो पुरेसे परतले गेले की काढून घ्या.
फोडी थोड्या गार झाल्या की परतलेल्या फोडी, खरपूस भाजलेली उडीद डाळ, आले, लसूण, हिरवी मिरची, कोथिंबीर, चवीसाठी सैंधव, चिमूटभर साखर, ओल्या हळदीचा बारीकसा तुकडा असे सगळे मिक्सरमधे बारीक एकजीव वाटून घ्या.
चटणी तयार.

ऑऑ आणि इटालियन हर्ब्ज वापरूनही अशी करता येईल असे वाटते. मी केली नाहीये. तुम्ही करून पहा आणि इथे सांगा