मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
गझल
येते खुशाल माझ्या मागे मला छळाया.....
माझीच सावली का बघते मला गिळाया?
इतकेच फक्त होते नशिबात श्वास माझ्या;
का लागला सकाळी हा सूर्यही ढळाया?
आले तुझ्या असावे ओठात नाव माझे....
का लागला स्मृतींचा निशिगंध दरवळाया?
आधीच लगबगीने होतेस जायचे तू;
बघ लागला फुलांचा पाऊस कोसळाया!
वस्ती समोर आहे, पायात त्राण आहे!
बघतो कुणीकडे हा रस्ता असा वळाया?
घायाळ एवढा मी, रक्तात नाहलो मी!
कोणी प्रयत्न केला मजला न साखळाया!!
करतात लोक थट्टा, पण, ती जपून आता;
थट्टा कशी करावी मज लागले कळाया!
आकांत मी जिवाचा करुनी प्रयत्न केला.....
पण, लागलाच अंती गळफास आवळाया!
होते तळ्याप्रमाणे, झाली तुझी कृपा अन्;
बघ लागले कसे हे आयुष्य झुळझुळाया!
डोळ्यासमोर माझ्या, मी बेचिराख झालो!
काही करू न शकलो, आले न कळवळाया!!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
रानफुलेतील रचना २-४ शेर नवे
रानफुलेतील रचना २-४ शेर नवे अंतर्भूत करून!
करतात लोक थट्टा, पण, ती जपून
करतात लोक थट्टा, पण, ती जपून आता;
थट्टा कशी करावी मज लागले कळाया!
होते तळ्याप्रमाणे, झाली तुझी कृपा अन्;
बघ लागले कसे हे आयुष्य झुळझुळाया!<<<
शेर आवडले
धन्यवाद भूषणराव!
धन्यवाद भूषणराव!